ශ්රීමද්වාල්මීකීය රාමායණේ බාලකාංඩම් ।
අථ ත්රයෝවිංශස්සර්ගඃ ।
ප්රභාතායාං තු ශර්වර්යාං විශ්වාමිත්රෝ මහාමුනිඃ ।
අභ්යභාෂත කාකුත්ස්ථෞ ශයානෞ පර්ණසංස්තරේ ॥ 1 ॥
කෞසල්යා සුප්රජා රාම පූර්වා සංධ්යා ප්රවර්තතේ ।
උත්තිෂ්ඨ නරශාර්දූල කර්තව්යං දෛවමාහ්නිකම් ॥ 2 ॥
තස්යර්ෂේඃ පරමෝදාරං වචශ්ශ්රුත්වා නෘපාත්මජෞ ।
ස්නාත්වා කෘතෝදකෞ වීරෞ ජේපතුඃ පරමං ජපම් ॥ 3 ॥
කෘතාහ්නිකෞ මහාවීර්යෞ විශ්වාමිත්රං තපෝධනම් ।
අභිවාද්යාභිසංහෘෂ්ටෞ ගමනායාභිතස්ථතුඃ ॥ 4 ॥
තෞ ප්රයාතෞ මහාවීර්යෞ දිව්යාං ත්රිපථගාං නදීම් ।
දදෘශාතේ තතස්තත්ර සරය්වාස්සංගමේ ශුභේ ॥ 5 ॥
තත්රාශ්රමපදං පුණ්යමෘෂීණාමග්ය්රතේජසාම් ।
බහුවර්ෂසහස්රාණි තප්යතාං පරමං තපඃ ॥ 6 ॥
තං දෘෂ්ට්වා පරමප්රීතෞ රාඝවෞ පුණ්යමාශ්රමම් ।
ඌචතුස්තං මහාත්මානං විශ්වාමිත්රමිදං වචඃ ॥ 7 ॥
කස්යායමාශ්රමඃ පුණ්යඃ කෝන්වස්මින්වසතේ පුමාන් ।
භගවන් ශ්රෝතුමිච්ඡාවඃ පරං කෞතූහලං හි නෞ ॥ 8 ॥
තයෝස්තද්වචනං ශ්රුත්වා ප්රහස්ය මුනිපුංගවඃ ।
අබ්රවීච්ඡ්රූයතාං රාම යස්යායං පූර්ව ආශ්රමඃ ॥ 9 ॥
කංදර්පෝ මූර්තිමානාසීත්කාම ඉත්යුච්යතේ බුධෛඃ ।
තපස්යංතමිහ ස්ථාණුං නියමේන සමාහිතම් ॥ 10 ॥
කෘතෝද්වාහං තු දේවේශං ගච්ඡංතං සමරුද්ගගණම් ।
ධර්ෂයාමාස දුර්මේධා හුංකෘතශ්ච මහාත්මනා ॥ 11 ॥
අවදග්ධස්ය රෞද්රේණ චක්ෂුෂා රඝුනංදන ।
ව්යශීර්යංත ශරීරාත්ස්වාත්සර්වගාත්රාණි දුර්මතේඃ ॥ 12 ॥
තස්ය ගාත්රං හතං තත්ර නිර්දග්ථස්ය මහාත්මනා ।
අශරීරඃ කෘතඃ කාමඃ ක්රෝධාද්දේවේශ්වරේණ හි ॥ 13 ॥
අනංග ඉති විඛ්යාතස්තදාප්රභෘති රාඝව ।
ස චාංගවිෂයශ්ශ්රීමාන්යත්රාංගං ප්රමුමෝච හ ॥ 14 ॥
තස්යායමාශ්රමඃ පුණ්යස්තස්යේමේ මුනයඃ පුරා ।
ශිෂ්යා ධර්මපරා නිත්යං තේෂාං පාපං න විද්යතේ ॥ 15 ॥
ඉහාද්ය රජනීං රාම වසේම ශුභදර්ශන ।
පුණ්යයෝස්සරිතෝර්මධ්යේ ශ්වස්තරිෂ්යාමහේ වයම් ॥ 16 ॥
අභිගච්ඡාමහේ සර්වේ ශුචයඃ පුණ්යමාශ්රමම් ।
ස්නාතාශ්ච කෘතජප්යාශ්ච හුතහව්යා නරෝත්තම ॥ 17 ॥
තේෂාං සංවදතාං තත්ර තපෝදීර්ඝේණ චක්ෂුෂා ।
විජ්ඤාය පරමප්රීතා මුනයෝ හර්ෂමාගමන් ॥ 18 ॥
අර්ඝ්යං පාද්යං තථාऽතිථ්යං නිවේද්ය කුශිකාත්මජේ ।
රාමලක්ෂ්මණයෝඃ පශ්චාදකුර්වන්නතිථික්රියාම් ॥ 19 ॥
සත්කාරං සමනුප්රාප්ය කථාභිරභිරංජයන් ।
යථාර්හමජපන් සංධ්යාමෘෂයස්තේ සමාහිතාඃ ॥ 20 ॥
තත්ර වාසිභිරානීතා මුනිභිස්සුව්රතෛඃ සහ ।
න්යවසන් සුසුඛං තත්ර කාමාශ්රමපදේ තදා ॥ 21 ॥
කථාභිරභිරාමාභිරභිරාමෞ නෘපාත්මජෞ ।
රමයාමාස ධර්මාත්මා කෞශිකෝ මුනිපුංගවඃ ॥ 22 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ත්රයෝවිංශස්සර්ගඃ ॥
