শ্রীমদ্বাল্মীকীয় রামাযণে বালকাংডম্ ।
অথ ত্রয়োবিংশস্সর্গঃ ।
প্রভাতায়াং তু শর্বর্য়াং বিশ্বামিত্রো মহামুনিঃ ।
অভ্যভাষত কাকুত্স্থৌ শয়ানৌ পর্ণসংস্তরে ॥ 1 ॥
কৌসল্য়া সুপ্রজা রাম পূর্বা সংধ্য়া প্রবর্ততে ।
উত্তিষ্ঠ নরশার্দূল কর্তব্য়ং দৈবমাহ্নিকম্ ॥ 2 ॥
তস্যর্ষেঃ পরমোদারং বচশ্শ্রুত্বা নৃপাত্মজৌ ।
স্নাত্বা কৃতোদকৌ বীরৌ জেপতুঃ পরমং জপম্ ॥ 3 ॥
কৃতাহ্নিকৌ মহাবীর্য়ৌ বিশ্বামিত্রং তপোধনম্ ।
অভিবাদ্য়াভিসংহৃষ্টৌ গমনায়াভিতস্থতুঃ ॥ 4 ॥
তৌ প্রয়াতৌ মহাবীর্য়ৌ দিব্য়াং ত্রিপথগাং নদীম্ ।
দদৃশাতে ততস্তত্র সরয়্বাস্সংগমে শুভে ॥ 5 ॥
তত্রাশ্রমপদং পুণ্যমৃষীণামগ্য়্রতেজসাম্ ।
বহুবর্ষসহস্রাণি তপ্যতাং পরমং তপঃ ॥ 6 ॥
তং দৃষ্ট্বা পরমপ্রীতৌ রাঘবৌ পুণ্যমাশ্রমম্ ।
ঊচতুস্তং মহাত্মানং বিশ্বামিত্রমিদং বচঃ ॥ 7 ॥
কস্য়াযমাশ্রমঃ পুণ্য়ঃ কোন্বস্মিন্বসতে পুমান্ ।
ভগবন্ শ্রোতুমিচ্ছাবঃ পরং কৌতূহলং হি নৌ ॥ 8 ॥
তয়োস্তদ্বচনং শ্রুত্বা প্রহস্য় মুনিপুংগবঃ ।
অব্রবীচ্ছ্রূযতাং রাম যস্য়ায়ং পূর্ব আশ্রমঃ ॥ 9 ॥
কংদর্পো মূর্তিমানাসীত্কাম ইত্য়ুচ্যতে বুধৈঃ ।
তপস্য়ংতমিহ স্থাণুং নিযমেন সমাহিতম্ ॥ 10 ॥
কৃতোদ্বাহং তু দেবেশং গচ্ছংতং সমরুদ্গগণম্ ।
ধর্ষয়ামাস দুর্মেধা হুংকৃতশ্চ মহাত্মনা ॥ 11 ॥
অবদগ্ধস্য় রৌদ্রেণ চক্ষুষা রঘুনংদন ।
ব্যশীর্য়ংত শরীরাত্স্বাত্সর্বগাত্রাণি দুর্মতেঃ ॥ 12 ॥
তস্য় গাত্রং হতং তত্র নির্দগ্থস্য় মহাত্মনা ।
অশরীরঃ কৃতঃ কামঃ ক্রোধাদ্দেবেশ্বরেণ হি ॥ 13 ॥
অনংগ ইতি বিখ্য়াতস্তদাপ্রভৃতি রাঘব ।
স চাংগবিষযশ্শ্রীমান্যত্রাংগং প্রমুমোচ হ ॥ 14 ॥
তস্য়াযমাশ্রমঃ পুণ্যস্তস্য়েমে মুনয়ঃ পুরা ।
শিষ্য়া ধর্মপরা নিত্য়ং তেষাং পাপং ন বিদ্যতে ॥ 15 ॥
ইহাদ্য় রজনীং রাম বসেম শুভদর্শন ।
পুণ্যয়োস্সরিতোর্মধ্য়ে শ্বস্তরিষ্য়ামহে বযম্ ॥ 16 ॥
অভিগচ্ছামহে সর্বে শুচয়ঃ পুণ্যমাশ্রমম্ ।
স্নাতাশ্চ কৃতজপ্য়াশ্চ হুতহব্য়া নরোত্তম ॥ 17 ॥
তেষাং সংবদতাং তত্র তপোদীর্ঘেণ চক্ষুষা ।
বিজ্ঞায় পরমপ্রীতা মুনয়ো হর্ষমাগমন্ ॥ 18 ॥
অর্ঘ্য়ং পাদ্য়ং তথাঽতিথ্য়ং নিবেদ্য় কুশিকাত্মজে ।
রামলক্ষ্মণয়োঃ পশ্চাদকুর্বন্নতিথিক্রিয়াম্ ॥ 19 ॥
সত্কারং সমনুপ্রাপ্য় কথাভিরভিরংজযন্ ।
যথার্হমজপন্ সংধ্য়ামৃষযস্তে সমাহিতাঃ ॥ 20 ॥
তত্র বাসিভিরানীতা মুনিভিস্সুব্রতৈঃ সহ ।
ন্যবসন্ সুসুখং তত্র কামাশ্রমপদে তদা ॥ 21 ॥
কথাভিরভিরামাভিরভিরামৌ নৃপাত্মজৌ ।
রময়ামাস ধর্মাত্মা কৌশিকো মুনিপুংগবঃ ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ত্রয়োবিংশস্সর্গঃ ॥
