শ্রীমদ্বাল্মীকীয় রামাযণে অয়োধ্য়াকাংডম্ ।
অথ সপ্তত্রিংশস্সর্গঃ ।
মহামাত্রবচঃ শ্রুত্বা রামো দশরথং তদা ।
অভ্যভাষত বাক্য়ং তু বিনযজ্ঞো বিনীতবত্ ॥ 1 ॥
ত্যক্তভোগস্য় মে রাজন্ বনে বন্য়েন জীবতঃ ।
কিং কার্যমনুয়াত্রেণ ত্যক্তসংগস্য় সর্বতঃ ॥ 2 ॥
যো হি দত্ত্বা দ্বিপশ্রেষ্ঠং কক্ষ্য়ায়াং কুরুতে মনঃ ।
রজ্জুস্নেহেন কিং তস্য় ত্যজতঃ কুংজরোত্তমম্ ॥ 3 ॥
তথা মম সতাং শ্রেষ্ঠ কিং ধ্বজিন্য়া জগত্পতে ।
সর্বাণ্য়েবানুজানামি চীরাণ্য়েবাঽনয়ংতু মে ॥ 4 ॥
খনিত্রপিটকে চোভে সমানযত গচ্ছতঃ ।
চতুর্দশ বনে বাসং বর্ষাণি বসতো মম ॥ 5 ॥
অথ চীরাণি কৈকেয়ী স্বযমাহৃত্য় রাঘবম্ ।
উবাচ পরিধত্স্বেতি জনৌঘে নিরপত্রপা ॥ 6 ॥
স চীরে পুরুষব্য়াঘ্রঃ কৈকেয়্য়া প্রতিগৃহ্য় তে ।
সূক্ষ্মবস্ত্রমবক্ষিপ্য় মুনিবস্ত্রাণ্যবস্ত হ ॥ 7 ॥
লক্ষ্মণশ্চাপি তত্রৈব বিহায় বসনে শুভে ।
তাপসাচ্ছাদনে চৈব জগ্রাহ পিতুরগ্রতঃ ॥ 8 ॥
অথাঽত্মপরিধানার্থং সীতা কৌশেযবাসিনী ।
সমীক্ষ্য় চীরং সংত্রস্তা পৃষতী বাগুরামিব ॥ 9 ॥
সা ব্যপত্রপমাণেব প্রগৃহ্য় চ সুদুর্মনাঃ ।
কৈকেয়ী কুশচীরে তে জানকী শুভলক্ষণা ॥ 10 ॥
অশ্রুসংপূর্ণ নেত্রা চ ধর্মজ্ঞা ধর্মদর্শিনী ।
গংধর্বরাজপ্রতিমং ভর্তারমিদমব্রবীত্ ॥ 11 ॥
কথং নু চীরং বধ্নংতি মুনয়ো বনবাসিনঃ ।
ইতি হ্যকুশলা সীতা সা মুমোহ মুহুর্মুহুঃ ॥ 12 ॥
কৃত্বা কংঠে চ সা চীরমেকমাদায় পাণিনা ।
তস্থৌ হ্যকুশলা তত্র ব্রীডিতা জনকাত্মজা ॥ 13 ॥
তস্য়াস্তত্ক্ষিপ্রমাগম্য় রামো ধর্মভৃতাং বরঃ ।
চীরং ববংধ সীতায়াঃ কৌশেযস্য়োপরি স্বযম্ ॥ 14 ॥
রামং প্রেক্ষ্য় তু সীতায়া বধ্নংতং চীরমুত্তমম্ ।
অংতঃপুরগতা নার্য়ো মুমুচুর্বারি নেত্রজম্ ॥ 15 ॥
ঊচুশ্চ পরমাযস্তা রামং জ্বলিততেজসম্ ।
বত্স নৈবং নিয়ুক্তেয়ং বনবাসে মনস্বিনী ॥ 16 ॥
পিতুর্বাক্য়ানুরোধেন গতস্য় বিজনং বনম্ ।
তাবদ্দর্শনমস্য়া নঃ সফলং ভবতু প্রভো ॥ 17 ॥
লক্ষ্মণেন সহায়েন বনং গচ্ছস্ব পুত্রক ।
নেযমর্হতি কল্য়াণী বস্তুং তাপসবদ্বনে ॥ 18 ॥
কুরু নো যাচনাং পুত্র সীতা তিষ্ঠতু ভামিনী ।
ধর্মনিত্যস্স্বয়ং স্থাতুং ন হীদানীং ত্বমিচ্ছসি ॥ 19 ॥
তাসামেবংবিধা বাচ শৃণ্বন্ দশরথাত্মজঃ ।
ববংধৈব তদা চীরং সীতয়া তুল্যশীলয়া ॥ 20 ॥
চীরে গৃহীতে তু তয়া সমীক্ষ্য় নৃপতের্গুরুঃ ।
নিবার্য় সীতাং কৈকেয়ীং বসিষ্ঠো বাক্যমব্রবীত্ ॥ 21 ॥
অতিপ্রবৃত্তে দুর্মেধে কৈকেয়ি কুলপাংসনি ।
বংচয়িত্বা চ রাজানং ন প্রমাণেঽবতিষ্ঠসে ॥ 22 ॥
ন গংতব্য়ং বনং দেব্য়া সীতয়া শীলবর্জিতে ।
অনুষ্ঠাস্যতি রামস্য় সীতা প্রকৃতমাসনম্ ॥ 23 ॥
আত্মা হি দারাস্সর্বেষাং দারসংগ্রহবর্তিনাম্ ।
আত্মেযমিতি রামস্য় পালয়িষ্যতি মেদিনীম্ ॥ 24 ॥
অথ যাস্যতি বৈদেহী বনং রামেণ সংগতা ।
বযমপ্যনুয়াস্য়ামঃ পুরং চেদং গমিষ্যতি ॥ 25 ॥
অংতপালাশ্চ যাস্য়ংতি সদারো যত্র রাঘবঃ ।
সহোপজীব্য়ং রাষ্ট্রং চ পুরং চ সপরিচ্ছদম্ ॥ 26 ॥
ভরতশ্চ সশত্রুঘ্নশ্চীরবাসা বনেচরঃ ।
বনে বসংতং কাকুত্স্থ মনুবত্স্যতি পূর্বজম্ ॥ 27 ॥
তত শ্শূন্য়াং গতজনাং বসুধাং পাদপৈ স্সহ ।
ত্বমেকা শাধি দুর্বৃত্তা প্রজানামহিতে স্থিতা ॥ 28 ॥
ন হি তদ্ভবিতা রাষ্ট্রং যত্র রামো ন ভূপতিঃ ।
তদ্বনং ভবিতা রাষ্ট্রং যত্র রামো নিবত্স্যতি ॥ 29 ॥
ন হ্যদত্তাং মহীং পিত্রা ভরতঃ শাস্তুমর্হতি ।
ত্বয়ি বা পুত্রবদ্বস্তুং যদি জাতো মহীপতেঃ ॥ 30 ॥
যদ্যপি ত্বং ক্ষিতিতলাদ্গগনং চোত্পতিষ্যসি ।
পিতৃর্বংশচরিত্রজ্ঞঃ সোঽন্যথা ন করিষ্যতি ॥ 31 ॥
তত্ত্বয়া পুত্রগর্ধিন্য়া পুত্রস্য় কৃতমপ্রিযম্ ।
লোকে হি স ন বিদ্য়েত যো ন রামমনুব্রতঃ ॥ 32 ॥
দ্রক্ষ্যস্যদ্য়ৈব কৈকেয়ী পশুব্য়ালমৃগদ্বিজান্ ।
গচ্ছতস্সহ রামেণ পাদপাংশ্চ তদুন্মুখান্ ॥ 33 ॥
অথোত্তমান্য়াভরণানি দেবি দেহি স্নুষায়ৈ ব্যপনীয় চীরম্ ।
ন চীরমস্য়াঃ প্রবিধীযতেতি ন্যবারযত্তদ্বসনং বসিষ্টঃ ॥ 34 ॥
একস্য় রামস্য় বনে নিবাস স্ত্বয়া বৃতঃকেকযরাজপুত্রী ।
বিভূষিতেয়ং প্রতিকর্মনিত্য়া বসত্বরণ্য়ে সহ রাঘবেণ ॥ 35 ॥
যানৈশ্চ মুখ্য়ৈঃ পরিচারকৈশ্চ সুসংবৃতা গচ্ছতু রাজপুত্রী ।
বস্ত্রৈশ্চ সর্বৈস্সহিতৈর্বিধানৈ র্নেয়ং বৃতা তে বরসংপ্রদানে ॥ 36 ॥
তস্মিংস্তথা জল্পতি বিপ্রমুখ্য়ে গুরৌ নৃপস্য়াপ্রতিমপ্রভাবে ।
নৈব স্ম সীতা বিনিবৃত্তভাবা প্রিযস্য় ভর্তুঃ প্রতিকারকামা ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে সপ্তত্রিংশস্সর্গঃ ॥
