শ্রীমদ্বাল্মীকীয় রামাযণে অরণ্যকাংডম্ ।
অথ দ্বাবিংশস্সর্গঃ ।
এবমাধর্ষিতশ্শূরশ্শূর্পণখ্য়া খরস্ততঃ ।
উবাচ রক্ষসাং মধ্য়ে খরঃ খরতরং বচঃ ॥ 1 ॥
তবাবমানপ্রভবঃ ক্রোধোঽযমতুলো মম ।
ন শক্যতে ধারয়িতুং লবণাংভ ইবোল্বণম্ ॥ 2 ॥
ন রামং গণয়ে বীর্য়ান্মানুষং ক্ষীণজীবিতম্ ।
আত্মদুশ্চরিতৈঃ প্রাণান্হতোয়োঽদ্য় বিমোক্ষ্যতে ॥ 3 ॥
বাষ্পস্সংহ্রিযতামেষ সংভ্রমশ্চ বিমুচ্যতাম্ ।
অহং রামং সহ ভ্রাত্রা নয়ামি যমসাদনম্ ॥ 4 ॥
পরশ্বথহতস্য়াদ্য় মংদপ্রাণস্য় সংয়ুগে ।
রামস্য় রুধিরং রক্তমুষ্ণং পাস্যসি রাক্ষসি ॥ 5 ॥
সা প্রহৃষ্টা বচশ্শ্রুত্বা খরস্য় বদনাচ্চ্য়ুতম্ ।
প্রশশংস পুনর্মৌর্খ্য়াদ্ভ্রাতরং রক্ষসাং বরম্ ॥ 6 ॥
তয়া পরুষিতঃ পূর্বং পুনরেব প্রশংসিতঃ ।
অব্রবীদ্দূষণং নাম খরস্সেনাপতিং তদা ॥ 7 ॥
চতুর্দশ সহস্রাণি মম চিত্তানুবর্তিনাম্ ।
রক্ষসাং ভীমবেগানাং সমরেষ্বনিবর্তিনাম্ ॥ 8 ॥
নীলজীমূতবর্ণানাং ঘোরাণাং ক্রূরকর্মণাম্ ।
লোকহিংসাবিহারাণাং বলিনামুগ্রতেজসাম্ ॥ 9 ॥
তেষাং শার্দূলদর্পাণাং মহাস্য়ানাং মহৌজসাম্ ।
সর্বোদ্য়োগ মুদীর্ণানাং রক্ষসাং সৌম্য় কারয় ॥ 10 ॥
উপস্থাপয় মে ক্ষিপ্রং রথং সৌম্য় ধনূংষি চ ।
শরাংশ্চিত্রাংশ্চ খংগাংশ্চ শক্তীশ্চ বিবিধাশ্শিতাঃ ॥ 11 ॥
অগ্রে নির্য়াতুমিচ্ছামি পৌলস্ত্য়ানাং মহাত্মনাম্ ।
বধার্থং দুর্বিনীতস্য় রামস্য় রণকোবিদঃ ॥ 12 ॥
ইতি তস্য় ব্রুবাণস্য় সূর্যবর্ণং মহারথম্ ।
সদশ্বৈশ্শবলৈর্য়ুক্তমাচচক্ষেঽথ দূষণঃ ॥ 13 ॥
তং মেরুশিখরাকারং তপ্তকাংচনভূষণম্ ।
হেমচক্রমসংবাধং বৈদূর্যমযকূবরম্ ॥ 14 ॥
মত্স্য়ৈঃ পুষ্পৈর্দ্রুমৈশ্শৈলৈশ্চংদ্রসূর্য়ৈশ্চ কাংচনৈঃ ।
মংগলৈঃ পক্ষিসংঘৈশ্চ তারাভিরভিসংবৃতম্ ॥ 15 ॥
ধ্বজনিস্ত্রিংশসংপন্নং কিংকিণীকবিরাজিতম্ ।
সদশ্বয়ুক্তং সোঽমর্ষাদারুরোহ খরো রথম্ ॥ 16 ॥
নিশাম্য় তু রথস্থং তং রাক্ষসা ভীমবিক্রমাঃ ।
তস্থুস্সংপরিবার্য়ৈনং দূষণং চ মহাবলম্ ॥ 17 ॥
খরস্তু তান্মহেষ্বাসান্ঘোরবর্মায়ুধধ্বজান্ ।
নির্য়াতেত্যব্রবীদ্দৃষ্ট্বা রথস্থস্সর্বরাক্ষসান্ ॥ 18 ॥
ততস্তদ্ রাক্ষসং সৈন্য়ং ঘোরচর্মায়ুধধ্বজম্ ।
নির্জগাম জনস্থানান্মহানাদং মহাজবম্ ॥ 19 ॥
মুদ্গরৈঃ পট্টিসৈশ্শূলৈস্সুতীক্ষ্ণৈশ্চ পরশ্বধৈঃ ।
খংগৈশ্চক্রৈশ্চ হস্তস্থৈর্ভ্রাজমানৈশ্চ তোমরৈঃ ॥ 20 ॥
শক্তিভিঃ পরিঘৈর্ঘোরৈরতিমাত্রৈশ্চ কার্মুকৈঃ ।
গদাসিমুসলৈর্বজ্রৈর্গৃহীতৈর্ভীমদর্শনৈঃ ॥ 21 ॥
রাক্ষসানাং সুঘোরাণাং সহস্রাণি চতুর্দশ ।
নির্য়াতানি জনস্থানাত্খরচিত্তানুবর্তিনাম্ ॥ 22 ॥
তাংস্ত্বভিদ্রবতো দৃষ্ট্বা রাক্ষসান্ ভীমবিক্রমান্ ।
খরস্য়াপি রথঃ কিংচিজ্জগাম তদনংতরম্ ॥ 23 ॥
ততস্তাংছবলানশ্বাস্তপ্তকাংচনভূষিতান্ ।
খরস্য় মতিমাজ্ঞায় সারথিস্সমচোদযত্ ॥ 24 ॥
স চোদিতো রথশ্শীঘ্রং খরস্য় রিপুঘাতিনঃ ।
শব্দেনাপূরয়ামাস দিশশ্চ প্রদিশস্তদা ॥ 25 ॥
প্রবৃদ্ধমন্য়ুস্তু খরঃ খরস্বনো রিপোর্বধার্থং ত্বরিতো যথাংতকঃ ।
অচূচুদত্সারথিমুন্নদন্ঘনং মহাবলো মেঘ ইবাশ্মবর্ষবান্ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বাবিংশস্সর্গঃ ॥
