শ্রীমদ্বাল্মীকীয় রামাযণে অরণ্যকাংডম্ ।
অথ একসপ্ততিতমস্সর্গঃ ।
পুরা রাম মহাবাহো মহাবলপরাক্রম ।
রূপমাসীন্মমা চিংত্য়ং ত্রিষু লোকেষু বিশ্রুতম্ ॥ 1 ॥
যথা সোমস্য় শক্রস্য় সূর্যস্য় চ যথা বপুঃ ।
সোঽহং রূপমিদং কৃত্বা লোকবিত্রাসনং মহত্ ॥ 2 ॥
ঋষীন্বনগতান্রাম ত্রাসয়ামি ততস্ততঃ ।
ততস্স্থূলশিরা নাম মহর্ষিঃ কোপিতো ময়া ॥ 3 ॥
সংচিন্বন্বিবিধং বন্য়ং রূপেণানেন ধর্ষিতঃ ।
তেনাহমুক্তঃ প্রেক্ষ্য়ৈবং ঘোরশাপাভিধায়িনা ॥ 4 ॥
এতদেব নৃশংসং তে রূপমস্তু বিগর্হিতম্ ।
স ময়া যাচিতঃ ক্রুদ্ধশ্শাপস্য়োংতো ভবেদিতি ॥ 5 ॥
অভিশাপকৃতস্য়েতি তেনেদং ভাষিতং বচঃ ।
যদা ছিত্ত্বা ভুজৌ রামস্ত্বাং দহেদ্বিজনে বনে ॥ 6 ॥
তদা ত্বং প্রাপ্স্যসে রূপং স্বমেব বিপুলং শুভম্ ।
শ্রিয়া বিরাজিতং পুত্রং দনোস্ত্বং বিদ্ধি লক্ষ্মণ ॥ 7 ॥
ইংদ্রকোপাদিদং রূপং প্রাপ্তমেবং রণাজিরে ।
অহং হি তপসোগ্রেণ পিতামহমতোষযম্ ॥ 8 ॥
দীর্ঘমায়ুস্স মে প্রাদাত্ততো মাং বিভ্রমোঽস্পৃশত্ ।
দীর্ঘমায়ুর্ময়া প্রাপ্তং কিং মে শক্রঃ করিষ্যতি ॥ 9 ॥
ইত্য়েবং বুদ্ধিমাস্থায় রণে শক্রমধর্ষযম্ ।
তস্য় বাহুপ্রয়ুক্তেন বজ্রেণ শতপর্বণা ॥ 10 ॥
সক্থিনী চৈব মূর্ধা চ শরীরে সংপ্রবেশিতম্ ।
স ময়া যাচ্যমানস্সন্নানযদ্যমসাদনম্ ॥ 11 ॥
পিতামহবচস্সত্য়ং তদস্ত্বিতি মমাব্রবীত্ ।
অনাহারঃ কথং শক্তো ভগ্নসক্থিশিরোমুখঃ ॥ 12 ॥
বজ্রেণাভিহতঃ কালং সুদীর্ঘমপি জীবিতুম্ ।
এবমুক্তস্তু মে শক্রো বাহূ যোজনমাযতৌ ॥ 13 ॥
প্রাদাদাস্য়ং চ মে কুক্ষৌ তীক্ষ্ণদংষ্ট্রমকল্পযত্ ।
সোঽহং ভুজাভ্য়াং দীর্ঘাভ্য়াং সংকৃষ্য়াস্মিন্বনে চরান্ ॥ 14 ॥
সিংহব্দিপমৃগব্য়াঘ্রান্ ভক্ষয়ামি সমংততঃ ।
স তু মামব্রবীদিংদ্রো যদা রামস্সলক্ষ্মণঃ ॥ 15 ॥
ছেত্স্যতে সমরে বাহূ তদা স্বর্গং গমিষ্যসি ।
অনেন বপুষা রাম বনেঽস্মিন্রাজসত্তম ॥ 16 ॥
যদ্যত্পশ্য়ামি সর্বস্য় গ্রহণং সাধু রোচয়ে ।
অবশ্য়ং গ্রহণং রামো মন্য়েঽহং সমুপৈষ্যতি ॥ 17 ॥
ইমাং বুদ্ধিং পুরস্কৃত্য় দেহন্য়াসকৃতশ্রমঃ ।
স ত্বং রামোঽসি ভদ্রং তে নাহমন্য়েন রাঘব ॥ 18 ॥
শক্য়ো হংতুং যথাতত্ত্বমেবমুক্তং মহর্ষিণা ।
অহং হি মতিসাচিব্য়ং করিষ্য়ামি নরর্ষভ ॥ 19 ॥
মিত্রং চৈবোপদেক্ষ্য়ামি যুবাভ্য়াং সংস্কৃতোঽগ্নিনা ।
এবমুক্তস্তু ধর্মাত্মা দনুনা তেন রাঘবঃ ॥ 20 ॥
ইদং জগাদ বচনং লক্ষ্মণস্য়োপশৃণ্বতঃ ।
রাবণেন হৃতা ভার্য়া মম সীতা যশস্স্বিনী ॥ 21 ॥
নিষ্ক্রাংতস্য় জনস্থানাত্সহভ্রাত্রা যথাসুখম্ ।
নামমাত্রং তু জানামি ন রূপং তস্য় রক্ষসঃ ॥ 22 ॥
নিবাসং বা প্রভাবং বা বয়ং তস্য় ন বিদ্মহে ।
শোকার্তানামনাথানামেবং বিপরিধাবতাম্ ॥ 23 ॥
কারুণ্য়ং সদৃশং কর্তুমুপকারে চ বর্ততাম্ ।
কাষ্ঠান্য়াদায় শুষ্কাণি কালে ভগ্নানি কুংজরৈঃ ॥ 24 ॥
ধক্ষ্য়ামস্ত্বাং বয়ং বীর শ্বভ্রে মহতি কল্পিতে ।
স ত্বং সীতাং সমাচক্ষ্ব যেন বা যত্র বা হৃতা ॥ 25 ॥
কুরু কল্য়াণমত্যর্থং যদি জানাসি তত্ত্বতঃ ।
এবমুক্তস্তু রামেণ বাক্য়ং দনুরনুত্তমম্ ॥ 26 ॥
প্রোবাচ কুশলো বক্তুং বক্তারমপি রাঘবম্ ।
দিব্যমস্তি ন মে জ্ঞানং নাভিজানামি মৈথিলীম্ ॥ 27 ॥
যস্তাং জ্ঞাস্যতি তং বক্ষ্য়ে দগ্ধস্স্বং রূপমাস্থিতঃ ।
অদগ্ধস্য় তু বিজ্ঞাতুং শক্তিরস্তি ন মে প্রভো ॥ 28 ॥
রাক্ষসং তং মহাবীর্য়ং সীতা যেন হৃতা তব ।
বিজ্ঞানং হি মম ভ্রষ্টং শাপদোষেণ রাঘব ॥ 29 ॥
স্বকৃতেন ময়া প্রাপ্তং রূপং লোকবিগর্হিতম্ ।
কিং তু যাবন্ন যাত্যস্তং সবিতা শ্রাংতবাহনঃ ॥ 30 ॥
তাবন্মামবটে ক্ষিপ্ত্বা দহ রাম যথাবিধি ।
দগ্ধস্ত্বয়াহমবটে ন্য়ায়েন রঘুনংধন ॥ 31 ॥
বক্ষ্য়ামি তমহং বীর যস্তং জ্ঞাস্যতি রাক্ষসম্ ।
তেন সখ্য়ং চ কর্তব্য়ং ন্য়ায়্যবৃত্তেন রাঘব ॥ 32 ॥
কল্পয়িষ্যতি তে প্রীতস্সাহায়্য়ং লঘুবিক্রমঃ ।
ন হি তস্য়াস্ত্যবিজ্ঞাতং ত্রিষু লেকেষু রাঘব ॥ 33 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একসপ্ততিতমস্সর্গঃ ॥
