শ্রীমদ্বাল্মীকীয় রামাযণে কিষ্কিংধাকাংডম্ ।
অথ চতুশ্চত্বারিংশস্সর্গঃ ।
বিশেষেণ তু সুগ্রীবো হনূমত্যর্থমুক্তবান্ ।
স হি তস্মিন্হরিশ্রেষ্ঠে নিশ্চিতার্থোঽর্থসাধনে ॥ 1 ॥
অব্রবীচ্চ হনূমংতং বিক্রাংতমনিলাত্মজম্ ।
সুগ্রীবঃ পরমপ্রীতঃ প্রভু স্সর্ববনৌকসাম্ ॥ 2 ॥
ন ভূমৌ নাংতরিক্ষে বা নাংবরে নামরালয়ে ।
নাপ্সু বা গতিসংগং তে পশ্য়ামি হরিপুংগব ॥ 3 ॥
সাসুরাস্সহগংধর্বাস্সনাগনরদেবতাঃ ।
বিদিতা স্সর্বলোকাস্তে সসাগরধরাধরাঃ ॥ 4 ॥
গতির্বেগশ্চ তেজশ্চ লাঘবং চ মহাকপে ।
পিতুস্তে সদৃশং বীর মারুতস্য় মহৌজসঃ ॥ 5 ॥
তেজসা বাপি তে ভূতং ন সমং ভুবি ন বিদ্যতে ।
তদ্যথা লভ্যতে সীতা তত্ত্বমেবোপপাদয় ॥ 6 ॥
ত্বয়্য়েব হনুম ন্নস্তি বলং বুদ্ধিঃ পরাক্রমঃ ।
দেশকালানুবৃত্তিশ্চ নযশ্চ নযপংডিত ॥ 7 ॥
ততঃ কার্যসমাসংগমবগম্য় হনূমতি ।
বিদিত্বা হনুমংতং চ চিংতয়ামাস রাঘবঃ ॥ 8 ॥
সর্বথা নিশ্চিতার্থোঽয়ং হনূমতি হরীশ্বরঃ ।
নিশ্চিতার্থকরশ্চাপি হনূমান্কার্যসাধনে ॥ 9 ॥
তদেবং প্রস্থিতস্য়াস্য় পরিজ্ঞাতস্য় কর্মভিঃ ।
ভর্ত্রা পরিগৃহীতস্য় ধ্রুবঃ কার্যফলোদয়ঃ ॥ 10 ॥
তং সমীক্ষ্য় মহাতেজা ব্যবসায়োত্তরং হরিম্ ।
কৃতার্থ ইব সংবৃত্তঃ প্রহৃষ্টেংদ্রিযমানসঃ ॥ 11 ॥
দদৌ তস্য় ততঃ প্রীতস্স্বনামাংকোপশোভিতম্ ।
অংগুলীযমভিজ্ঞানং রাজপুত্র্য়াঃ পরংতপঃ ॥ 12 ॥
অনেন ত্বাং হরিশ্রেষ্ঠ চিহ্নেন জনকাত্মজা ।
মত্সকাশাদনুপ্রাপ্তমনুদ্বিগ্নাঽনুপশ্যতি ॥ 13 ॥
ব্যবসাযশ্চ তে বীর সত্ত্বয়ুক্তশ্চ বিক্রমঃ ।
সুগ্রীবস্য় চ সংদেশস্সিদ্ধিং কথযতীব মে ॥ 14 ॥
স তদ্গৃহ্য় হরিশ্রেষ্ঠঃ স্থাপ্য় মূর্ধ্নি কৃতাংজলিঃ ।
বংদিত্বা চরণৌ চৈব প্রস্থিতঃ প্লবগোত্তমঃ ॥ 15 ॥
স তত্প্রকর্ষন্ হরীণাং মহদ্বলং বভূব বীরঃ পবনাত্মজঃ কপিঃ ।
গতাংবুদে ব্য়োম্নি বিশুদ্ধমংডলঃ শশীব নক্ষত্রগণোপশোভিতঃ ॥ 16 ॥
অতিবল বলমাশ্রিতস্তবাহং হরিবরবিক্রম বিক্রমৈরনল্পৈঃ ।
পবনসুত যথাঽভিগম্যতে সা জনকসুতা হনুমং স্তথা কুরুষ্ব ॥ 17 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে চতুশ্চত্বারিংশস্সর্গঃ ॥
