শ্রীমদ্বাল্মীকীয় রামাযণে কিষ্কিংধাকাংডম্ ।
অথ সপ্তমস্সর্গঃ ।
এবমুক্তস্তু সুগ্রীবো রামেণার্তেন বানরঃ ।
অব্রবীত্প্রাংজলির্বাক্য়ং সবাষ্পং বাষ্পগদ্গদঃ ॥ 1 ॥
ন জানে নিলয়ং তস্য় সর্বথা পাপরক্ষসঃ ।
সামর্থ্য়ং বিক্রমং বাপি দৌষ্কুলেযস্য় বা কুলম্ ॥ 2 ॥
সত্য়ং তে প্রতিজানামি ত্যজ শোকমরিংদম ।
করিষ্য়ামি তথা যত্নং যথা প্রাপ্স্যসি মৈথিলীম্ ॥ 3 ॥
রাবণং সগণং হত্বা পরিতোষ্য়াত্মপৌরুষম্ ।
তথাঽস্মি কর্তা ন চিরাদ্যথা প্রীতো ভবিষ্যসি ॥ 4 ॥
অলং বৈক্লব্যমালংব্য় ধৈর্যমাত্মগতং স্মর ।
ত্বদ্বিধানাং ন সদৃশমীদৃশং বুদ্ধিলাঘবম্ ॥ 5 ॥
ময়াঽপি ব্যসনং প্রাপ্তং ভার্য়াবিরহজং মহত্ ।
নাহমেবং হি শোচামি ন চ ধৈর্য়ং পরিত্যজে ॥ 6 ॥
নাহং তামনুশোচামি প্রাকৃতো বানরোঽপি সন্ ।
মহাত্মা চ বিনীতশ্চ কিং পুনর্ধৃতিমান্ভবান্ ॥ 7 ॥
বাষ্পমাপতিতং ধৈর্য়ান্নিগ্রহীতুং ত্বমর্হসি ।
মর্য়াদাং সত্ত্বয়ুক্তানাং ধৃতিং নোত্স্রষ্টুমর্হসি ॥ 8 ॥
ব্যসনে বাঽর্থকৃচ্ছ্রে বা ভয়ে বা জীবিতাংতকে ।
বিমৃশন্বৈ স্বয়া বুদ্ধ্য়া ধৃতিমান্নাবসীদতি ॥ 9 ॥
বালিশস্তু নরো নিত্য়ং বৈক্লব্য়ং যোঽনুবর্ততে ।
স মজ্জত্যবশশ্শোকে ভারাক্রাংতেব নৌর্জলে ॥ 10 ॥
এষোঽংজলির্ময়া বদ্ধঃ প্রণয়াত্ত্বাং প্রসাদয়ে ।
পৌরুষং শ্রয় শোকস্য় নাংতরং দাতুমর্হসি ॥ 11 ॥
যে শোকমনুবর্তংতে ন তেষাং বিদ্যতে সুখম্ ।
তেজশ্চ ক্ষীযতে তেষাং ন ত্বং শোচিতুমর্হসি ॥ 12 ॥
শোকেনাভিপ্রপন্নস্য় জীবিতে চাপি সংশয়ঃ ।
স শোকং ত্যজ রাজেংদ্র ধৈর্যমাশ্রয় কেবলম্ ॥ 13 ॥
হিতং বযস্যভাবেন ব্রূমি নোপদিশামি তে ।
বযস্যতাং পূজযন্মে ন ত্বং শোচিতুমর্হসি ॥ 14 ॥
মধুরং সাংত্বিত স্তেন সুগ্রীবেণ স রাঘবঃ ।
মুখমশ্রুপরিক্লিন্নং বস্ত্রাংতেন প্রমার্জযত্ ॥ 15 ॥
প্রকৃতিস্থস্তু কাকুত্স্থস্সুগ্রীববচনাত্প্রভুঃ ।
সংপরিষ্বজ্য় সুগ্রীবমিদং বচনমব্রবীত্ ॥ 16 ॥
কর্তব্য়ং যদ্বযস্য়েন স্নিগ্ধেন চ হিতেন চ ।
অনুরূপং চ যুক্তং চ কৃতং সুগ্রীব তত্ত্বয়া ॥ 17 ॥
এষ চ প্রকৃতিস্থোঽহমনুনীতস্ত্বয়া সখে ।
দুর্লভো হীদৃশো বংধুরস্মিন্কালে বিশেষতঃ ॥ 18 ॥
কিং তু যত্নস্ত্বয়া কার্য়ো মৈথিল্য়াঃ পরিমার্গণে ।
রাক্ষসস্য় চ রৌদ্রস্য় রাবণস্য় দুরাত্মনঃ ॥ 19 ॥
ময়া চ যদনুষ্ঠেয়ং বিস্রব্ধেন তদুচ্যতাম্ ।
বর্ষাস্বিব চ সুক্ষেত্রে সর্বং সংপদ্যতে তব ॥ 20 ॥
ময়া চ যদিদং বাক্যমভিমানাত্সমীরিতম্ ।
তত্ত্বয়া হরিশার্দূল তত্ত্বমিত্য়ুপধার্যতাম্ ॥ 21 ॥
অনৃতং নোক্তপূর্বং মে ন চ বক্ষ্য়ে কদাচন ।
এতত্তে প্রতিজানামি সত্য়েনৈব চ তে শপাম্যহমম্ ॥ 22 ॥
ততঃ প্রহৃষ্টস্সুগ্রীবো বানরৈস্সচিবৈস্সহ ।
রাঘবস্য় বচশ্শ্রুত্বা প্রতিজ্ঞাতং বিশেষতঃ ॥ 23 ॥
এবমেকাংতসংপৃক্তৌ ততস্তৌ নরবানরৌ ।
উভাবন্য়োন্যসদৃশং সুখং দুঃখমভাষতাম্ ॥ 24 ॥
মহানুভাবস্য় বচো নিশম্য় হরির্নৃপাণামৃষভস্য় তস্য় ।
কৃতং স মেনে হরিবীরমুখ্য় স্তদা স্বকার্য়ং হৃদয়েন বিদ্বান্ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে সপ্তমস্সর্গঃ ॥
