শ্রীমদ্বাল্মীকীয় রামাযণে সুংদরকাংডম্ ।
অথ সপ্তত্রিংশস্সর্গঃ ।
সীতা তদ্বচনং শ্রুত্বা পূর্ণচংদ্রনিভাননা ।
হনূমংতমুবাচেদং ধর্মার্থসহিতং বচঃ ॥ 1 ॥
অমৃতং বিষসংসৃষ্টং ত্বয়া বানর ভাষিতম্ ।
যচ্চ নান্যমনা রামো যচ্চ শোকপরাযণঃ ॥ 2 ॥
ঐশ্বর্য়ে বা সুবিস্তীর্ণে ব্যসনে বা সুদারুণে ।
রজ্জ্বেব পুরুষং বদ্ধ্বা কৃতাংতঃ পরিকর্ষতি ॥ 3 ॥
বিধির্নূনমসংহার্য়ঃ প্রাণিনাং প্লবগোত্তম ।
সৌমিত্রিং মাং চ রামং চ ব্যসনৈঃ পশ্য় মোহিতান্ ॥ 4 ॥
শোকস্য়াস্য় কদা পারং রাঘবোঽধিগমিষ্যতি ।
প্লবমানঃ পরিশ্রাংতো হতনৌ স্সাগরে যথা ॥ 5 ॥
রাক্ষসানাং বধং কৃত্বা সূদয়িত্বা চ রাবণম্ ।
লংকামুন্মূলিতাং কৃত্বা কদা দ্রক্ষ্যতি মাং পতিঃ ॥ 6 ॥
স বাচ্যস্সংত্বরস্বেতি যাবদেব ন পূর্যতে ।
অয়ং সংবত্সরঃ কালস্তাবদ্ধি মম জীবিতম্ ॥ 7 ॥
বর্ততে দশমো মাসো দ্বৌ তু শেষৌ প্লবংগম ।
রাবণেন নৃশংসেন সময়ো যঃ কৃতো মম ॥ 8 ॥
বিভীষণেন চ ভ্রাত্রা মম নির্য়াতনং প্রতি ।
অনুনীতঃ প্রযত্নেন ন চ তত্কুরুতে মতিম্ ॥ 9 ॥
মম প্রতিপ্রদানং হি রাবণস্য় ন রোচতে ।
রাবণং মার্গতে সংখ্য়ে মৃত্য়ুঃ কালবশং গতম্ ॥ 10 ॥
জ্য়েষ্ঠা কন্য়া নলা নাম বিভীষণসুতা কপে ।
তয়া মমেদমাখ্য়াতং মাত্রা প্রহিতয়া স্বযম্ ॥ 11 ॥
অসংশয়ং হরিশ্রেষ্ঠ ক্ষিপ্রং মাং প্রাপ্স্যতে পতিঃ ।
অংতরাত্মা চ মে শুদ্ধস্তস্মিংশ্চ বহবো গুণাঃ ॥ 12 ॥
উত্সাহঃ পৌরুষং সত্ত্বমানৃশংস্য়ং কৃতজ্ঞতা ।
বিক্রমশ্চ প্রভাবশ্চ সংতি বানর রাঘবে ॥ 13 ॥
চতুর্দশসহস্রাণি রাক্ষসানাং জঘান যঃ ।
জনস্থানে বিনা ভ্রাত্রা শত্রুঃ কস্তস্য় নোদ্বিজেত্ ॥ 14 ॥
ন স শক্যস্তুলয়িতুং ব্যসনৈঃ পুরুষর্ষভঃ ।
অহং তস্য় প্রভাবজ্ঞা শক্রস্য়েব পুলোমজা ॥ 15 ॥
শরজালাংশুমান্শূরঃ কপে রামদিবাকরঃ ।
শত্রুরক্ষোময়ং তোযমুপশোষং নয়িষ্যতি ॥ 16 ॥
ইতি সংজল্পমানাং তাং রামার্থে শোককর্শিতাম্ ।
আশ্রুসংপূর্ণনযনামুবাচ বচনং কপিঃ ॥ 17 ॥
শ্রুত্বৈব তু বচো মহ্য়ং ক্ষিপ্রমেষ্যতি রাঘবঃ ।
চমূং প্রকর্ষন্মহতীং হর্য়ৃক্ষগণসংকুলাম্ ॥ 18 ॥
অথবা মোচয়িষ্য়ামি ত্বামদ্য়ৈব বরাননে ।
অস্মাদ্ধুঃখাদুপারোহ মম পৃষ্ঠমনিংদিতে ॥ 19 ॥
ত্বাং হি পৃষ্ঠগতাং কৃত্বা সংতরিষ্য়ামি সাগরম্ ।
শক্তিরস্তি হি মে বোঢুং লংকামপি সরাবণাম্ ॥ 20 ॥
অহং প্রস্রবণস্থায় রাঘবায়াদ্য় মৈথিলি ।
প্রাপয়িষ্য়ামি শক্রায় হব্য়ং হুতমিবানলঃ ॥ 21 ॥
দ্রক্ষ্যস্যদ্বৈব বৈদেহি রাঘবং সহলক্ষ্মণম্ ।
ব্যবসাযসমায়ুক্তং বিষ্ণুং দৈত্যবধে যথা ॥ 22 ॥
ত্বদ্দর্শনকৃতোত্সাহমাশ্রমস্থং মহাবলম্ ।
পুরংদরমিবাসীনং নাগরাজস্য় মূর্ধনি ॥ 23 ॥
পৃষ্ঠমারোহ মে দেবি মা বিকাংক্ষস্ব শোভনে ।
যোগমন্বিচ্ছ রামেণ শশাংকেনেব রোহিণী ॥ 24 ॥
কথয়ংতীব চংদ্রেণ সূর্য়েণ চ মহার্চিষা ।
মত্পৃষ্ঠমধিরুহ্য় ত্বং তরাকাশমহার্ণবৌ ॥ 25 ॥
ন হি মে সংপ্রয়াতস্য় ত্বামিতো নযতোঽংগনে ।
অনুগংতুং গতিং শক্তাস্সর্বে লংকানিবাসিনঃ ॥ 26 ॥
যথৈবাহমিহ প্রাপ্তস্তথৈবাহমসংশয়ঃ ।
যাস্য়ামি পশ্য় বৈদেহি ত্বামুদ্যম্য় বিহাযসম্ ॥ 27 ॥
মৈথিলী তু হরিশ্রেষ্ঠাচ্ছ্রুত্বা বচনমদ্ভুতম্ ।
হর্ষবিস্মিতসর্বাংগী হনুমংতমথাব্রবীত্ ॥ 28 ॥
হনুমংদূরমধ্বানং কথং মাং বোঢুমিচ্ছসি ।
তদেব খলু তে মন্য়ে কপিত্বং হরিয়ূথপ ॥ 29 ॥
কথং বাল্পশরীরস্ত্বং মামিতো নেতুমিচ্ছসি ।
সকাশং মানবেংদ্রস্য় ভর্তুর্মে প্লবগর্ষভ ॥ 30 ॥
সীতায়া বচনং শ্রুত্বা হনুমান্মারুতাত্মজঃ ।
চিংতয়ামাস লক্ষ্মীবান্নবং পরিভবং কৃতম্ ॥ 31 ॥
ন মে জানাতি সত্ত্বং বা প্রভাবং বাঽসিতেক্ষণা ।
তস্মাত্পশ্যতু বৈদেহী যদ্রূপং মম কামতঃ ॥ 32 ॥
ইতি সংচিংত্য় হনুমাংস্তদা প্লবগসত্তমঃ ।
দর্শয়ামাস বৈদেহ্য়াস্স্বরূপমরিমর্দনঃ ॥ 33 ॥
স তস্মাত্পাদপাদ্ধীমানাপ্লুত্য় প্লবগর্ষভঃ ।
ততো বর্ধিতুমারেভে সীতাপ্রত্যযকারণাত্ ॥ 34 ॥
মেরুমংদরসংকাশো বভৌ দীপ্তানলপ্রভঃ ।
অগ্রতো ব্যবতস্থে চ সীতায়া বানরোত্তমঃ ॥ 35 ॥
হরিঃ পর্বতসংকাশস্তাম্রবক্ত্রো মহাবলঃ ।
বজ্রদংষ্ট্রনখো ভীমো বৈদেহীমিদমব্রবীত্ ॥ 36 ॥
সপর্বতবনোদ্দেশাং সাট্টপ্রাকারতোরণাম্ ।
লংকামিমাং সনাথাং বা নয়িতুং শক্তিরস্তি মে ॥ 37 ॥
তদবস্থাপ্যতাং বুদ্ধিরলং দেবি বিকাংক্ষয়া ।
বিশোকং কুরু বৈদেহি রাঘবং সহলক্ষ্মণম্ ॥ 38 ॥
তং দৃষ্ট্বা ভীমসংকাশমুবাচ জনকাত্মজা ।
পদ্মপত্রবিশালাক্ষী মারুতস্য়ৌরসং সুতম্ ॥ 39 ॥
তব সত্ত্বং বলং চৈব বিজানামি মহাকপে ।
বায়োরিব গতিং চৈব তেজশ্চাগ্নেরিবাদ্ভুতম্ ॥ 40 ॥
প্রাকৃতোঽন্য়ঃ কথং চেমাং ভূমিমাগংতুমর্হতি ।
উদধেরপ্রমেযস্য় পারং বানরপুংগব ॥ 41 ॥
জানামি গমনে শক্তিং নযনে চাপি তে মম ।
অবশ্য়ং সংপ্রধার্য়াশু কার্যসিদ্ধির্মহাত্মনঃ ॥ 42 ॥
অয়ুক্তং তু কপিশ্রেষ্ঠ মম গংতুং ত্বয়াঽনঘ ।
বায়ুবেগসবেগস্য় বেগো মাং মোহয়েত্তব ॥ 43 ॥
অহমাকাশমাপন্না হ্য়ুপর্য়ুপরি সাগরম্ ।
প্রপতেয়ং হি তে পৃষ্ঠাদ্ভয়াদ্বেগেব গচ্ছতঃ ॥ 44 ॥
পতিতা সাগরে চাহং তিমিনক্রঝষাকুলে ।
ভবেযমাশু বিবশা যাদসামন্নমুত্তমম্ ॥ 45 ॥
ন চ শক্ষ্য়ে ত্বয়া সার্ধং গংতুং শত্রুবিনাশন ।
কলত্রবতি সংদেহস্ত্বয়্যপি স্য়াদসংশয়ঃ ॥ 46 ॥
হ্রিযমাণাং তু মাং দৃষ্ট্বা রাক্ষসা ভীমবিক্রমাঃ ।
অনুগচ্ছেয়ুরাদিষ্টা রাবণেন দুরাত্মনা ॥ 47 ॥
তৈস্ত্বং পরিবৃতশ্শূরৈশ্শূলমুদ্গরপাণিভিঃ ।
ভবেস্ত্বং সংশয়ং প্রাপ্তো ময়া বীর কলত্রবান্ ॥ 48 ॥
সায়ুধা বহবো ব্য়োম্নি রাক্ষসাস্ত্বং নিরায়ুধঃ ।
কথং শক্ষ্যসি সংয়াতুং মাং চৈব পরিরক্ষিতুম্ ॥ 49 ॥
যুধ্যমানস্য় রক্ষোভিস্তব তৈঃ ক্রূরকর্মভিঃ ।
প্রপতেয়ং হি তে পৃষ্ঠাদ্ভয়ার্তা কপিসত্তম ॥ 50 ॥
অথ রক্ষাংসি ভীমানি মহাংতি বলবংতি চ ।
কথংচিত্সাংপরায়ে ত্বাং জয়েয়ুঃ কপিসত্তম ॥ 51 ॥
অথবা যুধ্যমানস্য় পতেয়ং বিমুখস্য় তে ।
পতিতাং চ গৃহীত্বা মাং নয়েয়ুঃ পাপরাক্ষসাঃ ॥ 52 ॥
মাং বা হরেয়ুস্ত্বদ্ধস্তাদ্বিশসেয়ুরথাপি বা ।
অব্যবস্থৌ হি দৃশ্য়েতে যুদ্ধে জযপরাজয়ৌ ॥ 53 ॥
অহং বাপি বিপদ্য়েয়ং রক্ষোভিরভিতর্জিতা ।
ত্বত্প্রযত্নো হরিশ্রেষ্ঠ ভবেন্নিষ্ফল এব তু ॥ 54 ॥
কামং ত্বমসি পর্য়াপ্তো নিহংতুং সর্বরাক্ষসান্ ।
রাঘবস্য় যশো হীয়েত্ত্বয়া শস্তৈস্তু রাক্ষসৈঃ ॥ 55 ॥
অথবাঽদায় রক্ষাংসি ন্যসেয়ুস্সম্বৃতে হি মাম্ ।
যত্র তে নাভিজানীয়ুর্হরয়ো নাপি রাঘবৌ ॥ 56 ॥
আরংভস্তু মদর্থোঽয়ং ততস্তব নিরর্থকঃ ।
ত্বয়া হি সহ রামস্য় মহানাগমনে গুণঃ ॥ 57 ॥
ময়ি জীবিতমাযত্তং রাঘবস্য় মহাত্মনঃ ।
ভ্রাত্রূণাং চ মহাবাহো তব রাজকুলস্য় চ ॥ 58 ॥
তৌ নিরাশৌ মদর্থং তু শোকসংতাপকর্শিতৌ ।
সহ সর্বর্ক্ষহরিভিস্ত্যক্ষ্যতঃ প্রাণসংগ্রহম্ ॥ 59 ॥
ভর্তুর্ভক্তিং পুরস্কৃত্য় রামাদন্যস্য় বানর ।
ন স্পৃশামি শরীরং তু পুংসো বানরপুংগব ॥ 60 ॥
যদহং গাত্রসংস্পর্শং রাবণস্য় বলাদ্গতা ।
অনীশা কিং করিষ্য়ামি বিনাথা বিবশা সতী ॥ 61 ॥
যদি রামো দশগ্রীবমিহ হত্ত্বা সবাংধবম্ ।
মামিতো গৃহ্য় গচ্ছেত তত্তস্য় সদৃশং ভবেত্ ॥ 62 ॥
শ্রুতা হি দৃষ্টাশ্চ ময়া পরাক্রমা মহাত্মনস্তস্য় রণাবমর্দিনঃ ।
ন দেবগংধর্বভুজংগরাক্ষসা ভবংতি রামেণ সমা হি সংয়ুগে ॥ 63 ॥
সমীক্ষ্য় তং সংযতি চিত্রকার্মুকং মহাবলং বাসবতুল্যবিক্রমম্ ।
সলক্ষ্মণং কো বিষহেত রাঘবং হুতাশনং দীপ্তমিবানিলেরিতম্ ॥ 64 ॥
সলক্ষ্মণং রাঘবমাজিমর্দনং দিশাগজং মত্তমিব ব্যবস্থিতম্ ।
সহেত কো বানরমুখ্য় সংয়ুগে যুগাংতসূর্যপ্রতিমং শরার্চিষম্ ॥ 65 ॥
স মে হরিশ্রেষ্ঠ সলক্ষ্মণং পতিং সয়ূথপং ক্ষিপ্রমিহোপপাদয় ।
চিরায় রামং প্রতি শোককর্শিতাং কুরুষ্ব মাং বানরমুখ্য় হর্ষিতাম্ ॥ 66 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে সপ্তত্রিংশস্সর্গঃ ॥
