ශ්රීමද්වාල්මීකීය රාමායණේ සුංදරකාංඩම් ।
අථ සප්තත්රිංශස්සර්ගඃ ।
සීතා තද්වචනං ශ්රුත්වා පූර්ණචංද්රනිභානනා ।
හනූමංතමුවාචේදං ධර්මාර්ථසහිතං වචඃ ॥ 1 ॥
අමෘතං විෂසංසෘෂ්ටං ත්වයා වානර භාෂිතම් ।
යච්ච නාන්යමනා රාමෝ යච්ච ශෝකපරායණඃ ॥ 2 ॥
ඓශ්වර්යේ වා සුවිස්තීර්ණේ ව්යසනේ වා සුදාරුණේ ।
රජ්ජ්වේව පුරුෂං බද්ධ්වා කෘතාංතඃ පරිකර්ෂති ॥ 3 ॥
විධිර්නූනමසංහාර්යඃ ප්රාණිනාං ප්ලවගෝත්තම ।
සෞමිත්රිං මාං ච රාමං ච ව්යසනෛඃ පශ්ය මෝහිතාන් ॥ 4 ॥
ශෝකස්යාස්ය කදා පාරං රාඝවෝऽධිගමිෂ්යති ।
ප්ලවමානඃ පරිශ්රාංතෝ හතනෞ ස්සාගරේ යථා ॥ 5 ॥
රාක්ෂසානාං වධං කෘත්වා සූදයිත්වා ච රාවණම් ।
ලංකාමුන්මූලිතාං කෘත්වා කදා ද්රක්ෂ්යති මාං පතිඃ ॥ 6 ॥
ස වාච්යස්සංත්වරස්වේති යාවදේව න පූර්යතේ ।
අයං සංවත්සරඃ කාලස්තාවද්ධි මම ජීවිතම් ॥ 7 ॥
වර්තතේ දශමෝ මාසෝ ද්වෞ තු ශේෂෞ ප්ලවංගම ।
රාවණේන නෘශංසේන සමයෝ යඃ කෘතෝ මම ॥ 8 ॥
විභීෂණේන ච භ්රාත්රා මම නිර්යාතනං ප්රති ।
අනුනීතඃ ප්රයත්නේන න ච තත්කුරුතේ මතිම් ॥ 9 ॥
මම ප්රතිප්රදානං හි රාවණස්ය න රෝචතේ ।
රාවණං මාර්ගතේ සංඛ්යේ මෘත්යුඃ කාලවශං ගතම් ॥ 10 ॥
ජ්යේෂ්ඨා කන්යා නලා නාම විභීෂණසුතා කපේ ।
තයා මමේදමාඛ්යාතං මාත්රා ප්රහිතයා ස්වයම් ॥ 11 ॥
අසංශයං හරිශ්රේෂ්ඨ ක්ෂිප්රං මාං ප්රාප්ස්යතේ පතිඃ ।
අංතරාත්මා ච මේ ශුද්ධස්තස්මිංශ්ච බහවෝ ගුණාඃ ॥ 12 ॥
උත්සාහඃ පෞරුෂං සත්ත්වමානෘශංස්යං කෘතජ්ඤතා ।
වික්රමශ්ච ප්රභාවශ්ච සංති වානර රාඝවේ ॥ 13 ॥
චතුර්දශසහස්රාණි රාක්ෂසානාං ජඝාන යඃ ।
ජනස්ථානේ විනා භ්රාත්රා ශත්රුඃ කස්තස්ය නෝද්විජේත් ॥ 14 ॥
න ස ශක්යස්තුලයිතුං ව්යසනෛඃ පුරුෂර්ෂභඃ ।
අහං තස්ය ප්රභාවජ්ඤා ශක්රස්යේව පුලෝමජා ॥ 15 ॥
ශරජාලාංශුමාන්ශූරඃ කපේ රාමදිවාකරඃ ।
ශත්රුරක්ෂෝමයං තෝයමුපශෝෂං නයිෂ්යති ॥ 16 ॥
ඉති සංජල්පමානාං තාං රාමාර්ථේ ශෝකකර්ශිතාම් ।
ආශ්රුසංපූර්ණනයනාමුවාච වචනං කපිඃ ॥ 17 ॥
ශ්රුත්වෛව තු වචෝ මහ්යං ක්ෂිප්රමේෂ්යති රාඝවඃ ।
චමූං ප්රකර්ෂන්මහතීං හර්යෘක්ෂගණසංකුලාම් ॥ 18 ॥
අථවා මෝචයිෂ්යාමි ත්වාමද්යෛව වරානනේ ।
අස්මාද්ධුඃඛාදුපාරෝහ මම පෘෂ්ඨමනිංදිතේ ॥ 19 ॥
ත්වාං හි පෘෂ්ඨගතාං කෘත්වා සංතරිෂ්යාමි සාගරම් ।
ශක්තිරස්ති හි මේ වෝඪුං ලංකාමපි සරාවණාම් ॥ 20 ॥
අහං ප්රස්රවණස්ථාය රාඝවායාද්ය මෛථිලි ।
ප්රාපයිෂ්යාමි ශක්රාය හව්යං හුතමිවානලඃ ॥ 21 ॥
ද්රක්ෂ්යස්යද්වෛව වෛදේහි රාඝවං සහලක්ෂ්මණම් ।
ව්යවසායසමායුක්තං විෂ්ණුං දෛත්යවධේ යථා ॥ 22 ॥
ත්වද්දර්ශනකෘතෝත්සාහමාශ්රමස්ථං මහාබලම් ।
පුරංදරමිවාසීනං නාගරාජස්ය මූර්ධනි ॥ 23 ॥
පෘෂ්ඨමාරෝහ මේ දේවි මා විකාංක්ෂස්ව ශෝභනේ ।
යෝගමන්විච්ඡ රාමේණ ශශාංකේනේව රෝහිණී ॥ 24 ॥
කථයංතීව චංද්රේණ සූර්යේණ ච මහාර්චිෂා ।
මත්පෘෂ්ඨමධිරුහ්ය ත්වං තරාකාශමහාර්ණවෞ ॥ 25 ॥
න හි මේ සංප්රයාතස්ය ත්වාමිතෝ නයතෝऽංගනේ ।
අනුගංතුං ගතිං ශක්තාස්සර්වේ ලංකානිවාසිනඃ ॥ 26 ॥
යථෛවාහමිහ ප්රාප්තස්තථෛවාහමසංශයඃ ।
යාස්යාමි පශ්ය වෛදේහි ත්වාමුද්යම්ය විහායසම් ॥ 27 ॥
මෛථිලී තු හරිශ්රේෂ්ඨාච්ඡ්රුත්වා වචනමද්භුතම් ।
හර්ෂවිස්මිතසර්වාංගී හනුමංතමථාබ්රවීත් ॥ 28 ॥
හනුමංදූරමධ්වානං කථං මාං වෝඪුමිච්ඡසි ।
තදේව ඛලු තේ මන්යේ කපිත්වං හරියූථප ॥ 29 ॥
කථං වාල්පශරීරස්ත්වං මාමිතෝ නේතුමිච්ඡසි ।
සකාශං මානවේංද්රස්ය භර්තුර්මේ ප්ලවගර්ෂභ ॥ 30 ॥
සීතායා වචනං ශ්රුත්වා හනුමාන්මාරුතාත්මජඃ ।
චිංතයාමාස ලක්ෂ්මීවාන්නවං පරිභවං කෘතම් ॥ 31 ॥
න මේ ජානාති සත්ත්වං වා ප්රභාවං වාऽසිතේක්ෂණා ।
තස්මාත්පශ්යතු වෛදේහී යද්රූපං මම කාමතඃ ॥ 32 ॥
ඉති සංචිංත්ය හනුමාංස්තදා ප්ලවගසත්තමඃ ।
දර්ශයාමාස වෛදේහ්යාස්ස්වරූපමරිමර්දනඃ ॥ 33 ॥
ස තස්මාත්පාදපාද්ධීමානාප්ලුත්ය ප්ලවගර්ෂභඃ ।
තතෝ වර්ධිතුමාරේභේ සීතාප්රත්යයකාරණාත් ॥ 34 ॥
මේරුමංදරසංකාශෝ බභෞ දීප්තානලප්රභඃ ।
අග්රතෝ ව්යවතස්ථේ ච සීතායා වානරෝත්තමඃ ॥ 35 ॥
හරිඃ පර්වතසංකාශස්තාම්රවක්ත්රෝ මහාබලඃ ।
වජ්රදංෂ්ට්රනඛෝ භීමෝ වෛදේහීමිදමබ්රවීත් ॥ 36 ॥
සපර්වතවනෝද්දේශාං සාට්ටප්රාකාරතෝරණාම් ।
ලංකාමිමාං සනාථාං වා නයිතුං ශක්තිරස්ති මේ ॥ 37 ॥
තදවස්ථාප්යතාං බුද්ධිරලං දේවි විකාංක්ෂයා ।
විශෝකං කුරු වෛදේහි රාඝවං සහලක්ෂ්මණම් ॥ 38 ॥
තං දෘෂ්ට්වා භීමසංකාශමුවාච ජනකාත්මජා ।
පද්මපත්රවිශාලාක්ෂී මාරුතස්යෞරසං සුතම් ॥ 39 ॥
තව සත්ත්වං බලං චෛව විජානාමි මහාකපේ ।
වායෝරිව ගතිං චෛව තේජශ්චාග්නේරිවාද්භුතම් ॥ 40 ॥
ප්රාකෘතෝऽන්යඃ කථං චේමාං භූමිමාගංතුමර්හති ।
උදධේරප්රමේයස්ය පාරං වානරපුංගව ॥ 41 ॥
ජානාමි ගමනේ ශක්තිං නයනේ චාපි තේ මම ।
අවශ්යං සංප්රධාර්යාශු කාර්යසිද්ධිර්මහාත්මනඃ ॥ 42 ॥
අයුක්තං තු කපිශ්රේෂ්ඨ මම ගංතුං ත්වයාऽනඝ ।
වායුවේගසවේගස්ය වේගෝ මාං මෝහයේත්තව ॥ 43 ॥
අහමාකාශමාපන්නා හ්යුපර්යුපරි සාගරම් ।
ප්රපතේයං හි තේ පෘෂ්ඨාද්භයාද්වේගේව ගච්ඡතඃ ॥ 44 ॥
පතිතා සාගරේ චාහං තිමිනක්රඣෂාකුලේ ।
භවේයමාශු විවශා යාදසාමන්නමුත්තමම් ॥ 45 ॥
න ච ශක්ෂ්යේ ත්වයා සාර්ධං ගංතුං ශත්රුවිනාශන ।
කලත්රවති සංදේහස්ත්වය්යපි ස්යාදසංශයඃ ॥ 46 ॥
හ්රියමාණාං තු මාං දෘෂ්ට්වා රාක්ෂසා භීමවික්රමාඃ ।
අනුගච්ඡේයුරාදිෂ්ටා රාවණේන දුරාත්මනා ॥ 47 ॥
තෛස්ත්වං පරිවෘතශ්ශූරෛශ්ශූලමුද්ගරපාණිභිඃ ।
භවේස්ත්වං සංශයං ප්රාප්තෝ මයා වීර කලත්රවාන් ॥ 48 ॥
සායුධා බහවෝ ව්යෝම්නි රාක්ෂසාස්ත්වං නිරායුධඃ ।
කථං ශක්ෂ්යසි සංයාතුං මාං චෛව පරිරක්ෂිතුම් ॥ 49 ॥
යුධ්යමානස්ය රක්ෂෝභිස්තව තෛඃ ක්රූරකර්මභිඃ ।
ප්රපතේයං හි තේ පෘෂ්ඨාද්භයාර්තා කපිසත්තම ॥ 50 ॥
අථ රක්ෂාංසි භීමානි මහාංති බලවංති ච ।
කථංචිත්සාංපරායේ ත්වාං ජයේයුඃ කපිසත්තම ॥ 51 ॥
අථවා යුධ්යමානස්ය පතේයං විමුඛස්ය තේ ।
පතිතාං ච ගෘහීත්වා මාං නයේයුඃ පාපරාක්ෂසාඃ ॥ 52 ॥
මාං වා හරේයුස්ත්වද්ධස්තාද්විශසේයුරථාපි වා ।
අව්යවස්ථෞ හි දෘශ්යේතේ යුද්ධේ ජයපරාජයෞ ॥ 53 ॥
අහං වාපි විපද්යේයං රක්ෂෝභිරභිතර්ජිතා ।
ත්වත්ප්රයත්නෝ හරිශ්රේෂ්ඨ භවේන්නිෂ්ඵල ඒව තු ॥ 54 ॥
කාමං ත්වමසි පර්යාප්තෝ නිහංතුං සර්වරාක්ෂසාන් ।
රාඝවස්ය යශෝ හීයේත්ත්වයා ශස්තෛස්තු රාක්ෂසෛඃ ॥ 55 ॥
අථවාऽදාය රක්ෂාංසි න්යසේයුස්සම්වෘතේ හි මාම් ।
යත්ර තේ නාභිජානීයුර්හරයෝ නාපි රාඝවෞ ॥ 56 ॥
ආරංභස්තු මදර්ථෝऽයං තතස්තව නිරර්ථකඃ ।
ත්වයා හි සහ රාමස්ය මහානාගමනේ ගුණඃ ॥ 57 ॥
මයි ජීවිතමායත්තං රාඝවස්ය මහාත්මනඃ ।
භ්රාත්රූණාං ච මහාබාහෝ තව රාජකුලස්ය ච ॥ 58 ॥
තෞ නිරාශෞ මදර්ථං තු ශෝකසංතාපකර්ශිතෞ ।
සහ සර්වර්ක්ෂහරිභිස්ත්යක්ෂ්යතඃ ප්රාණසංග්රහම් ॥ 59 ॥
භර්තුර්භක්තිං පුරස්කෘත්ය රාමාදන්යස්ය වානර ।
න ස්පෘශාමි ශරීරං තු පුංසෝ වානරපුංගව ॥ 60 ॥
යදහං ගාත්රසංස්පර්ශං රාවණස්ය බලාද්ගතා ।
අනීශා කිං කරිෂ්යාමි විනාථා විවශා සතී ॥ 61 ॥
යදි රාමෝ දශග්රීවමිහ හත්ත්වා සබාංධවම් ।
මාමිතෝ ගෘහ්ය ගච්ඡේත තත්තස්ය සදෘශං භවේත් ॥ 62 ॥
ශ්රුතා හි දෘෂ්ටාශ්ච මයා පරාක්රමා මහාත්මනස්තස්ය රණාවමර්දිනඃ ।
න දේවගංධර්වභුජංගරාක්ෂසා භවංති රාමේණ සමා හි සංයුගේ ॥ 63 ॥
සමීක්ෂ්ය තං සංයති චිත්රකාර්මුකං මහාබලං වාසවතුල්යවික්රමම් ।
සලක්ෂ්මණං කෝ විෂහේත රාඝවං හුතාශනං දීප්තමිවානිලේරිතම් ॥ 64 ॥
සලක්ෂ්මණං රාඝවමාජිමර්දනං දිශාගජං මත්තමිව ව්යවස්ථිතම් ।
සහේත කෝ වානරමුඛ්ය සංයුගේ යුගාංතසූර්යප්රතිමං ශරාර්චිෂම් ॥ 65 ॥
ස මේ හරිශ්රේෂ්ඨ සලක්ෂ්මණං පතිං සයූථපං ක්ෂිප්රමිහෝපපාදය ।
චිරාය රාමං ප්රති ශෝකකර්ශිතාං කුරුෂ්ව මාං වානරමුඛ්ය හර්ෂිතාම් ॥ 66 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ සප්තත්රිංශස්සර්ගඃ ॥
