শ্রীমদ্বাল্মীকীয় রামাযণে বালকাংডম্ ।
অথ বিংশস্সর্গঃ ।
তচ্ছ্রুত্বা রাজশার্দূলো বিশ্বামিত্রস্য় ভাষিতম্ ।
মুহূর্তমিব নিস্সংজ্ঞস্সংজ্ঞাবানিদমব্রবীত্ ॥ 1 ॥
ঊনষোডশবর্ষো মে রামো রাজীবলোচনঃ ।
ন যুদ্ধয়োগ্যতামস্য় পশ্য়ামি সহ রাক্ষসৈঃ ॥ 2 ॥
ইযমক্ষৌহিণী পূর্ণা যস্য়াহং পতিরীশ্বরঃ ।
অনয়া সংবৃতো গত্বা যোদ্ধাঽহং তৈর্নিশাচরৈঃ ॥ 3 ॥
ইমে শূরাশ্চ বিক্রাংতা ভৃত্য়া মেঽস্ত্রবিশারদাঃ ।
যোগ্য়া রক্ষোগণৈর্য়োদ্ধুং ন রামং নেতুমর্হসি ॥ 4 ॥
অহমেব ধনুষ্পাণির্গোপ্তা সমরমূর্ধনি ।
যাবত্প্রাণাংধরিষ্য়ামি তাবদ্য়োত্স্য়ে নিশাচরৈঃ ॥ 5 ॥
নির্বিঘ্না ব্রতচর্য়া সা ভবিষ্যতি সুরক্ষিতা ।
অহং তত্রাগমিষ্য়ামি ন রামং নেতুমর্হসি ॥ 6 ॥
বালো হ্যকৃতবিদ্যশ্চ ন চ বেত্তি বলাবলম্ ।
ন চাস্ত্রবলসংয়ুক্তো ন চ যুদ্ধবিশারদঃ ॥ 7 ॥
ন চাসৌ রক্ষসাং যোগ্য়ঃ কূটয়ুদ্ধা হি তে ধ্রুবম্ ।
বিপ্রয়ুক্তো হি রামেণ মুহূর্তমপি নোত্সহে ॥ 8 ॥
জীবিতুং মুনিশার্দূল ন রামং নেতুমর্হসি ।
যদি বা রাঘবং ব্রহ্মন্নেতুমিচ্ছসি সুব্রত ॥ 9 ॥
চতুরংগসমায়ুক্তং ময়া চ সহিতং নয় ।
ষষ্টির্বর্ষসহস্রাণি জাতস্য় মম কৌশিক ॥ 10 ॥
দুঃখেনোত্পাদিতশ্চায়ং ন রামং নেতুমর্হসি ।
চতুর্ণামাত্মজানাং হি প্রীতিঃপরমিকা মম ॥ 11 ॥
জ্য়েষ্ঠং ধর্মপ্রধানং চ ন রামং নেতুমর্হসি ।
কিংবীর্য়া রাক্ষসাস্তে চ কস্য় পুত্রাশ্চ তে চ কে ॥ 12 ॥
কথং প্রমাণাঃ কে চৈতান্রক্ষংতি মুনিপুংগব ।
কথং চ প্রতিকর্তব্য়ং তেষাং রামেণ রক্ষসাম্ ॥ 13 ॥
মামকৈর্বা বলৈর্ব্রহ্মন্ময়া বা কূটয়োধিনাম্ ।
3 সর্বং মে শংস ভগবন্কথং তেষাং ময়া রণে ॥ 14 ॥
স্থাতব্য়ং দুষ্টভাবানাং বীর্য়োত্সিক্তা হি রাক্ষসাঃ ।
4 তস্য় তদ্বচনং শ্রুত্বা বিশ্বামিত্রোঽভ্যভাষত ॥ 15 ॥
পৌলস্ত্যবংশপ্রভবো রাবণো নাম রাক্ষসঃ ।
স ব্রহ্মণা দত্তবরস্ত্রৈলোক্য়ং বাধতে ভৃশম্ ॥ 16 ॥
মহাবলো মহাবীর্য়ো রাক্ষসৈর্বহুভির্বৃতঃ ।
শ্রূযতে হি মহাবীর্য়ো রাবণো রাক্ষসাধিপঃ ॥ 17 ॥
সাক্ষাদ্বৈশ্রবণভ্রাতা পুত্রো বিশ্রবসো মুনেঃ ।
যদা স্বয়ং ন যজ্ঞস্য় বিঘ্নকর্তা মহাবলঃ ॥ 18 ॥
তেন সংচোদিতৌ দ্বৌ তু রাক্ষসৌ বৈ মহাবলৌ ।
মারীচশ্চ সুবাহুশ্চ যজ্ঞবিঘ্নং করিষ্যতঃ ॥ 19 ॥
ইত্য়ুক্তো মুনিনা তেন রাজোবাচ মুনিং তদা ।
ন হি শক্তোঽস্মি সংগ্রামে স্থাতুং তস্য় দুরাত্মনঃ ॥ 20 ॥
স ত্বং প্রসাদং ধর্মজ্ঞ কুরুষ্ব মম পুত্রকে ।
মম চৈবাল্পভাগ্যস্য় দৈবতং হি ভবান্গুরুঃ ॥ 21 ॥
দেবদানবগংধর্বা যক্ষাঃপতগপন্নগাঃ ।
ন শক্তা রাবণং সোঢুং কিং পুনর্মানবা যুধি ॥ 22 ॥
স হি বীর্যবতাং বীর্যমাদত্তে যুধি রাক্ষসঃ ।
তেন চাহং ন শক্তোঽস্মি সংয়োদ্ধুং তস্য় বা বলৈঃ ॥ 23 ॥
সবলো বা মুনিশ্রেষ্ঠ সহিতো বা মমাত্মজৈঃ ।
কথমপ্যমরপ্রখ্য়ং সংগ্রামাণামকোবিদম্ ।
বালং মে তনয়ং ব্রহ্মন্ নৈব দাস্য়ামি পুত্রকম্ ॥ 24 ॥
অথ কালোপমৌ যুধ্দে সুতৌ সুংদোপসুংদয়োঃ ॥ 25 ॥
যজ্ঞবিঘ্নকরৌ তৌ তে নৈব দাস্য়ামি পুত্রকম্ ।
মারীচশ্চ সুবাহুশ্চ বীর্যবংতৌ সুশিক্ষিতৌ ।
তয়োরন্যতরেণাহং যোধ্দা স্য়াং সসুহৃদ্গণঃ ॥ 26 ॥
ইতি নরপতিজল্পনাদ্দ্বিজেংদ্রং কুশিকসুতং সুমহান্বিবেশ মন্য়ুঃ ।
সুহুত ইব মখেঽগ্নিরাজ্যসিক্ত স্সমভবদুজ্জ্বলিতো মহর্ষিবহ্নিঃ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে বিংশস্সর্গঃ ॥
