ශ්රීමද්වාල්මීකීය රාමායණේ බාලකාංඩම් ।
අථ විංශස්සර්ගඃ ।
තච්ඡ්රුත්වා රාජශාර්දූලෝ විශ්වාමිත්රස්ය භාෂිතම් ।
මුහූර්තමිව නිස්සංජ්ඤස්සංජ්ඤාවානිදමබ්රවීත් ॥ 1 ॥
ඌනෂෝඩශවර්ෂෝ මේ රාමෝ රාජීවලෝචනඃ ।
න යුද්ධයෝග්යතාමස්ය පශ්යාමි සහ රාක්ෂසෛඃ ॥ 2 ॥
ඉයමක්ෂෞහිණී පූර්ණා යස්යාහං පතිරීශ්වරඃ ।
අනයා සංවෘතෝ ගත්වා යෝද්ධාऽහං තෛර්නිශාචරෛඃ ॥ 3 ॥
ඉමේ ශූරාශ්ච වික්රාංතා භෘත්යා මේऽස්ත්රවිශාරදාඃ ।
යෝග්යා රක්ෂෝගණෛර්යෝද්ධුං න රාමං නේතුමර්හසි ॥ 4 ॥
අහමේව ධනුෂ්පාණිර්ගෝප්තා සමරමූර්ධනි ।
යාවත්ප්රාණාංධරිෂ්යාමි තාවද්යෝත්ස්යේ නිශාචරෛඃ ॥ 5 ॥
නිර්විඝ්නා ව්රතචර්යා සා භවිෂ්යති සුරක්ෂිතා ।
අහං තත්රාගමිෂ්යාමි න රාමං නේතුමර්හසි ॥ 6 ॥
බාලෝ හ්යකෘතවිද්යශ්ච න ච වේත්ති බලාබලම් ।
න චාස්ත්රබලසංයුක්තෝ න ච යුද්ධවිශාරදඃ ॥ 7 ॥
න චාසෞ රක්ෂසාං යෝග්යඃ කූටයුද්ධා හි තේ ධ්රුවම් ।
විප්රයුක්තෝ හි රාමේණ මුහූර්තමපි නෝත්සහේ ॥ 8 ॥
ජීවිතුං මුනිශාර්දූල න රාමං නේතුමර්හසි ।
යදි වා රාඝවං බ්රහ්මන්නේතුමිච්ඡසි සුව්රත ॥ 9 ॥
චතුරංගසමායුක්තං මයා ච සහිතං නය ।
ෂෂ්ටිර්වර්ෂසහස්රාණි ජාතස්ය මම කෞශික ॥ 10 ॥
දුඃඛේනෝත්පාදිතශ්චායං න රාමං නේතුමර්හසි ।
චතුර්ණාමාත්මජානාං හි ප්රීතිඃපරමිකා මම ॥ 11 ॥
ජ්යේෂ්ඨං ධර්මප්රධානං ච න රාමං නේතුමර්හසි ।
කිංවීර්යා රාක්ෂසාස්තේ ච කස්ය පුත්රාශ්ච තේ ච කේ ॥ 12 ॥
කථං ප්රමාණාඃ කේ චෛතාන්රක්ෂංති මුනිපුංගව ।
කථං ච ප්රතිකර්තව්යං තේෂාං රාමේණ රක්ෂසාම් ॥ 13 ॥
මාමකෛර්වා බලෛර්බ්රහ්මන්මයා වා කූටයෝධිනාම් ।
3 සර්වං මේ ශංස භගවන්කථං තේෂාං මයා රණේ ॥ 14 ॥
ස්ථාතව්යං දුෂ්ටභාවානාං වීර්යෝත්සික්තා හි රාක්ෂසාඃ ।
4 තස්ය තද්වචනං ශ්රුත්වා විශ්වාමිත්රෝऽභ්යභාෂත ॥ 15 ॥
පෞලස්ත්යවංශප්රභවෝ රාවණෝ නාම රාක්ෂසඃ ।
ස බ්රහ්මණා දත්තවරස්ත්රෛලෝක්යං බාධතේ භෘශම් ॥ 16 ॥
මහාබලෝ මහාවීර්යෝ රාක්ෂසෛර්බහුභිර්වෘතඃ ।
ශ්රූයතේ හි මහාවීර්යෝ රාවණෝ රාක්ෂසාධිපඃ ॥ 17 ॥
සාක්ෂාද්වෛශ්රවණභ්රාතා පුත්රෝ විශ්රවසෝ මුනේඃ ।
යදා ස්වයං න යජ්ඤස්ය විඝ්නකර්තා මහාබලඃ ॥ 18 ॥
තේන සංචෝදිතෞ ද්වෞ තු රාක්ෂසෞ වෛ මහාබලෞ ।
මාරීචශ්ච සුබාහුශ්ච යජ්ඤවිඝ්නං කරිෂ්යතඃ ॥ 19 ॥
ඉත්යුක්තෝ මුනිනා තේන රාජෝවාච මුනිං තදා ।
න හි ශක්තෝऽස්මි සංග්රාමේ ස්ථාතුං තස්ය දුරාත්මනඃ ॥ 20 ॥
ස ත්වං ප්රසාදං ධර්මජ්ඤ කුරුෂ්ව මම පුත්රකේ ।
මම චෛවාල්පභාග්යස්ය දෛවතං හි භවාන්ගුරුඃ ॥ 21 ॥
දේවදානවගංධර්වා යක්ෂාඃපතගපන්නගාඃ ।
න ශක්තා රාවණං සෝඪුං කිං පුනර්මානවා යුධි ॥ 22 ॥
ස හි වීර්යවතාං වීර්යමාදත්තේ යුධි රාක්ෂසඃ ।
තේන චාහං න ශක්තෝऽස්මි සංයෝද්ධුං තස්ය වා බලෛඃ ॥ 23 ॥
සබලෝ වා මුනිශ්රේෂ්ඨ සහිතෝ වා මමාත්මජෛඃ ।
කථමප්යමරප්රඛ්යං සංග්රාමාණාමකෝවිදම් ।
බාලං මේ තනයං බ්රහ්මන් නෛව දාස්යාමි පුත්රකම් ॥ 24 ॥
අථ කාලෝපමෞ යුධ්දේ සුතෞ සුංදෝපසුංදයෝඃ ॥ 25 ॥
යජ්ඤවිඝ්නකරෞ තෞ තේ නෛව දාස්යාමි පුත්රකම් ।
මාරීචශ්ච සුබාහුශ්ච වීර්යවංතෞ සුශික්ෂිතෞ ।
තයෝරන්යතරේණාහං යෝධ්දා ස්යාං සසුහෘද්ගණඃ ॥ 26 ॥
ඉති නරපතිජල්පනාද්ද්විජේංද්රං කුශිකසුතං සුමහාන්විවේශ මන්යුඃ ।
සුහුත ඉව මඛේऽග්නිරාජ්යසික්ත ස්සමභවදුජ්ජ්වලිතෝ මහර්ෂිවහ්නිඃ ॥ 27 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ විංශස්සර්ගඃ ॥
