শ্রীমদ্বাল্মীকীয় রামাযণে বালকাংডম্ ।
অথ দ্বাত্রিংশস্সর্গঃ ।
ব্রহ্ময়োনির্মহানাসীত্ কুশো নাম মহাতপাঃ ।
অক্লিষ্টব্রতধর্মজ্ঞঃ সজ্জনপ্রতিপূজকঃ ॥ 1 ॥
স মহাত্মা কুলীনায়াং যুক্তায়াং সুগুণোল্বণান্ ।
বৈদর্ভ্য়াং জনয়ামাস চতুরস্সদৃশান্ সুতান্ ॥ 2 ॥
কুশাংবং কুশনাভং চ অধূর্তরজসং বসুম্ ।
দীপ্তিয়ুক্তান্ মহোত্সাহান্ ক্ষত্রধর্মচিকীর্ষয়া ॥ 3 ॥
তানুবাচ কুশঃ পুত্রান্ ধর্মিষ্ঠান্ সত্যবাদিনঃ ।
ক্রিযতাং পালনং পুত্রাঃ ধর্মং প্রাপ্স্যথ পুষ্কলম্ ॥ 4 ॥
ঋষেস্তু বচনং শ্রুত্বা চত্বারো লোকসম্মতাঃ ।
নিবেশং চক্রিরে সর্বে পুরাণাং নৃবরাস্তদা ॥ 5 ॥
কুশাংবস্তু মহাতেজাঃ কৌশাংবীমকরোত্পুরীম্ ।
কুশনাভস্তু ধর্মাত্মা পুরং চক্রে মহোদযম্ ॥ 6 ॥
অধূর্তরজসো রাম ধর্মারণ্য়ং মহীপতিঃ ।
চক্রে পুরবরং রাজা বসুশ্চক্রে গিরিব্রজম্ ॥ 7 ॥
এষা বসুমতী রাম বসোস্তস্য় মহাত্মনঃ ।
এতে শৈলবরাঃ পংচ প্রকাশংতে সমংততঃ ॥ 8 ॥
সুমাগধী নদী রম্য়া মগধান্ বিশ্রুতাযয়ৌ ।
পংচানাং শৈলমুখ্য়ানাং মধ্য়ে মালেব শোভতে ॥ 9 ॥
সৈষা হি মাগধী রাম বসোস্তস্য় মহাত্মনঃ ।
পূর্বাভিচরিতা রাম সুক্ষেত্রা সস্যমালিনী ॥ 10 ॥
কুশনাভস্তু রাজর্ষিঃ কন্য়াশতমনুত্তমম্ ।
জনয়ামাস ধর্মাত্মা ঘৃতাচ্য়াং রঘুনংদন ॥ 11 ॥
তাস্তু যৌবনশালিন্য়ো রূপবত্য় স্স্বলংকৃতাঃ ।
উদ্য়ানভূমিমাগম্য় প্রাবৃষীব শতহ্রদাঃ ॥ 12 ॥
গায়ংত্য়ো নৃত্যমানাশ্চ বাদয়ংত্যশ্চ সর্বশঃ ।
আমোদং পরমং জগ্মুর্বরাভরণভূষিতাঃ ॥ 13 ॥
অথ তাশ্চারুসর্বাংগ্য়ো রূপেণাপ্রতিমা ভুবি ।
উদ্য়ানভূমিমাগম্য় তারা ইব ঘনাংতরে ॥ 14 ॥
তাস্সর্বগুণসংপন্না রূপয়ৌবনসংয়ুতাঃ ।
দৃষ্ট্বা সর্বাত্মকো বায়ুরিদং বচনমব্রবীত্ ॥ 15 ॥
অহং বঃ কাময়ে সর্বা ভার্য়া মম ভবিষ্যথ ।
মানুষস্ত্যজ্যতাং ভাবঃ দীর্ঘমায়ুরবাপ্স্যথ ॥ 16 ॥
চলং হি যৌবনং নিত্য়ং মানুষেষু বিশেষতঃ ।
অক্ষয়্য়ং যৌবনং প্রাপ্তাঃ অমর্যশ্চ ভবিষ্যথ ॥ 17 ॥
তস্য় তদ্বচনং শ্রুত্বা বায়োরক্লিষ্টকর্মণঃ ।
অপহাস্য় ততো বাক্য়ং কন্য়াশতমথাব্রবীত্ ॥ 18 ॥
অংতশ্চরসি ভূতানাং সর্বেষাং ত্বং সুরোত্তম ।
প্রভাবজ্ঞাঃ স্ম তে সর্বাঃ কিমস্মানবমন্যসে ॥ 19 ॥
কুশনাভসুতাস্সর্বাঃ সমর্থাস্ত্বাং সুরোত্তম ।
স্থানাচ্চ্য়াবয়িতুং দেবং রক্ষামস্তু তপো বযম্ ॥ 20 ॥
মাভূত্স কালো দুর্মেধঃ পিতরং সত্যবাদিনম্ ।
নাবমন্যস্ব ধর্মেণ স্বয়ং বরমুপাস্মহে ॥ 21 ॥
পিতা হি প্রভুরস্মাকং দৈবতং পরমং হি নঃ ।
যস্য় নো দাস্যতি পিতা স নো ভর্তা ভবিষ্যতি ॥ 22 ॥
তাসাং তদ্বচনং শ্রুত্বা বায়ুঃ পরমকোপনঃ ।
প্রবিশ্য় সর্বগাত্রাণি বভংজ ভগবান্ প্রভুঃ ॥ 23 ॥
তাঃ কন্য়া বায়ুনা ভগ্না বিবিশুর্নৃপতের্গৃহম্ ।
প্রাপতন্ ভুবি সংভ্রাংতাস্সলজ্জা স্সাস্রলোচনাঃ ॥ 24 ॥
স চ তা দয়িতা দীনাঃ কন্য়াঃ পরমশোভনাঃ ।
দৃষ্ট্বা ভগ্নাস্তদা রাজা সংভ্রাংত ইদমব্রবীত্ ॥ 25 ॥
কিমিদং কথ্যতাং পুত্র্য়ঃ কো ধর্মমবমন্যতে ।
কুব্জাঃ কেন কৃতাঃ সর্বা বেষ্টংত্য়ো নাভিভাষথ ।
এবং রাজা বিনিশ্শ্বস্য় সমাধিং সংদধে ততঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে দ্বাত্রিংশস্সর্গঃ ॥
