ශ්රීමද්වාල්මීකීය රාමායණේ බාලකාංඩම් ।
අථ සප්තචත්වාරිංශස්සර්ගඃ ।
සප්තධාතු කෘතේ ගර්භේ දිතිඃ පරමදුඃඛිතා ।
සහස්රාක්ෂං දුරාධර්ෂං වාක්යං සානුනයාऽබ්රවීත් ॥ 1 ॥
මමාපරාධාද්ගර්භෝऽයං සප්තධා විඵලීකෘතඃ ।
නාපරාධෝऽස්ති දේවේශ තවාත්ර බලසූදන ॥ 2 ॥
ප්රියං තු කර්තුමිච්ඡාමි මම ගර්භවිපර්යයේ ।
මරුතාං සප්තසප්තානාං ස්ථානපාලා භවංත්විමේ ॥ 3 ॥
වාතස්කංධාඃ ඉමේ සප්ත චරංතු දිවි පුත්රක ।
මාරුතා ඉති විඛ්යාතා දිව්යරූපා මමාත්මජාඃ ॥ 4 ॥
බ්රහ්මලෝකං චරත්වේක ඉංද්රලෝකං තථාऽපරඃ ।
දිවි වායුරිති ඛ්යාතස්තෘතීයෝऽපි මහායශාඃ ॥ 5 ॥
චත්වාරස්තු සුරශ්රේෂ්ඨ දිශෝ වෛ තව ශාසනාත් ।
සංචරිෂ්යංතු භද්රං තේ දේවභූතා මමාත්මජාඃ ॥ 6 ॥
තස්යාස්තද්වචනං ශ්රුත්වා සහස්රාක්ෂඃ පුරංදරඃ ।
උවාච ප්රාංජලිර්වාක්යං දිතිං බලනිෂූදනඃ ॥ 7 ॥
සර්වමේතද්යථෝක්තං තේ භවිෂ්යති න සංශයඃ ।
විචරිෂ්යංති භද්රං තේ දේවභූතාස්තවාත්මජාඃ ॥ 8 ॥
ඒවං තෞ නිශ්චයං කෘත්වා මාතාපුත්රෞ තපෝවනේ ।
ජග්මතුස්ත්රිදිවං රාම කෘතාර්ථාවිති නශ්ශ්රුතම් ॥ 9 ॥
ඒෂ දේශස්ස කාකුත්ස්ථ මහේංද්රාධ්යුෂිතඃ පුරා ।
දිතිං යත්ර තපස්සිද්ධාමේවං පරිචචාර සඃ ॥ 10 ॥
ඉක්ෂ්වාකෝऽස්තු නරව්යාඝ්ර පුත්රඃ පරමධාර්මිකඃ ॥ 11 ॥
අලංබුෂායාමුත්පන්නෝ විශාල ඉති විශ්රුතඃ ।
තේන චාසීදිහ ස්ථානේ විශාලේති පුරී කෘතා ॥ 12 ॥
ඉක්ෂ්වාකෝऽස්තු නරව්යාඝ්ර පුත්රඃ පරමධාර්මිකඃ ॥ 13 ॥
අලංබුෂායාමුත්පන්නෝ විශාල ඉති විශ්රුතඃ ।
තේන චාසීදිහ ස්ථානේ විශාලේති පුරී කෘතා ॥ 14 ॥
විශාලස්ය සුතෝ රාම හේමචංද්රෝ මහාබලඃ ।
සුචංද්ර ඉති විඛ්යාතඃ හේමචංද්රාදනංතරඃ ॥ 15 ॥
සුචංද්රතනයෝ රාම ධූම්රාශ්ව ඉති විශ්රුතඃ ।
ධූම්රාශ්වතනයශ්චාපි සංජයස්සමපද්යත ॥ 16 ॥
සංජයස්ය සුතශ්ශ්රීමාන් සහදේවඃ ප්රතාපවාන් ।
කුශාශ්වස්සහදේවස්ය පුත්රඃ පරමධාර්මිකඃ ॥ 17 ॥
කුශාශ්වස්ය මහාතේජා සෝමදත්තඃ ප්රතාපවාන් ।
සෝමදත්තස්ය පුත්රස්තු කාකුත්ස්ථ ඉති විශ්රුතඃ ॥ 18 ॥
තස්ය පුත්රෝ මහාතේජාඃ සංප්රත්යේෂ පුරීමිමාම් ।
ආවසත්යමරප්රඛ්යස්සුමතිර්නාම දුර්ජයඃ ॥ 19 ॥
ඉක්ෂ්වාකෝස්තු ප්රසාදේන සර්වේ වෛශාලිකා නෘපාඃ ।
දීර්ඝායුෂෝ මහාත්මානෝ වීර්යවංතස්සුධාර්මිකාඃ ॥ 20 ॥
ඉහාද්ය රජනීං රාම සුඛං වත්ස්යාමහේ වයම් ।
ශ්වඃ ප්රභාතේ නරශ්රේෂ්ඨ ජනකං ද්රෂ්ටුමර්හසි ॥ 21 ॥
සුමතිස්තු මහාතේජා විශ්වාමිත්රමුපාගතම් ।
ශ්රුත්වා නරවරශ්රේෂ්ඨඃ ප්රත්යුද්ගච්ඡන්මහායශාඃ ॥ 22 ॥
පූජාං ච පරමාං කෘත්වා සෝපාධ්යායස්සබාංධවඃ ।
ප්රාංජලිඃ කුශලං පෘෂ්ට්වා විශ්වාමිත්රමථාබ්රවීත් ॥ 23 ॥
ධන්යෝऽස්ම්යනුගෘහීතෝऽස්මි යස්ය මේ විෂයං මුනිඃ ।
සංප්රාප්තෝ දර්ශනං චෛව නාස්ති ධන්යතරෝ මම ॥ 24 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ සප්තචත්වාරිංශස්සර්ගඃ ॥
