শ্রীমদ্বাল্মীকীয় রামাযণে বালকাংডম্ ।
অথ সপ্তচত্বারিংশস্সর্গঃ ।
সপ্তধাতু কৃতে গর্ভে দিতিঃ পরমদুঃখিতা ।
সহস্রাক্ষং দুরাধর্ষং বাক্য়ং সানুনয়াঽব্রবীত্ ॥ 1 ॥
মমাপরাধাদ্গর্ভোঽয়ং সপ্তধা বিফলীকৃতঃ ।
নাপরাধোঽস্তি দেবেশ তবাত্র বলসূদন ॥ 2 ॥
প্রিয়ং তু কর্তুমিচ্ছামি মম গর্ভবিপর্যয়ে ।
মরুতাং সপ্তসপ্তানাং স্থানপালা ভবংত্বিমে ॥ 3 ॥
বাতস্কংধাঃ ইমে সপ্ত চরংতু দিবি পুত্রক ।
মারুতা ইতি বিখ্য়াতা দিব্যরূপা মমাত্মজাঃ ॥ 4 ॥
ব্রহ্মলোকং চরত্বেক ইংদ্রলোকং তথাঽপরঃ ।
দিবি বায়ুরিতি খ্য়াতস্তৃতীয়োঽপি মহাযশাঃ ॥ 5 ॥
চত্বারস্তু সুরশ্রেষ্ঠ দিশো বৈ তব শাসনাত্ ।
সংচরিষ্য়ংতু ভদ্রং তে দেবভূতা মমাত্মজাঃ ॥ 6 ॥
তস্য়াস্তদ্বচনং শ্রুত্বা সহস্রাক্ষঃ পুরংদরঃ ।
উবাচ প্রাংজলির্বাক্য়ং দিতিং বলনিষূদনঃ ॥ 7 ॥
সর্বমেতদ্যথোক্তং তে ভবিষ্যতি ন সংশয়ঃ ।
বিচরিষ্য়ংতি ভদ্রং তে দেবভূতাস্তবাত্মজাঃ ॥ 8 ॥
এবং তৌ নিশ্চয়ং কৃত্বা মাতাপুত্রৌ তপোবনে ।
জগ্মতুস্ত্রিদিবং রাম কৃতার্থাবিতি নশ্শ্রুতম্ ॥ 9 ॥
এষ দেশস্স কাকুত্স্থ মহেংদ্রাধ্য়ুষিতঃ পুরা ।
দিতিং যত্র তপস্সিদ্ধামেবং পরিচচার সঃ ॥ 10 ॥
ইক্ষ্বাকোঽস্তু নরব্য়াঘ্র পুত্রঃ পরমধার্মিকঃ ॥ 11 ॥
অলংবুষায়ামুত্পন্নো বিশাল ইতি বিশ্রুতঃ ।
তেন চাসীদিহ স্থানে বিশালেতি পুরী কৃতা ॥ 12 ॥
ইক্ষ্বাকোঽস্তু নরব্য়াঘ্র পুত্রঃ পরমধার্মিকঃ ॥ 13 ॥
অলংবুষায়ামুত্পন্নো বিশাল ইতি বিশ্রুতঃ ।
তেন চাসীদিহ স্থানে বিশালেতি পুরী কৃতা ॥ 14 ॥
বিশালস্য় সুতো রাম হেমচংদ্রো মহাবলঃ ।
সুচংদ্র ইতি বিখ্য়াতঃ হেমচংদ্রাদনংতরঃ ॥ 15 ॥
সুচংদ্রতনয়ো রাম ধূম্রাশ্ব ইতি বিশ্রুতঃ ।
ধূম্রাশ্বতনযশ্চাপি সংজযস্সমপদ্যত ॥ 16 ॥
সংজযস্য় সুতশ্শ্রীমান্ সহদেবঃ প্রতাপবান্ ।
কুশাশ্বস্সহদেবস্য় পুত্রঃ পরমধার্মিকঃ ॥ 17 ॥
কুশাশ্বস্য় মহাতেজা সোমদত্তঃ প্রতাপবান্ ।
সোমদত্তস্য় পুত্রস্তু কাকুত্স্থ ইতি বিশ্রুতঃ ॥ 18 ॥
তস্য় পুত্রো মহাতেজাঃ সংপ্রত্য়েষ পুরীমিমাম্ ।
আবসত্যমরপ্রখ্যস্সুমতির্নাম দুর্জয়ঃ ॥ 19 ॥
ইক্ষ্বাকোস্তু প্রসাদেন সর্বে বৈশালিকা নৃপাঃ ।
দীর্ঘায়ুষো মহাত্মানো বীর্যবংতস্সুধার্মিকাঃ ॥ 20 ॥
ইহাদ্য় রজনীং রাম সুখং বত্স্য়ামহে বযম্ ।
শ্বঃ প্রভাতে নরশ্রেষ্ঠ জনকং দ্রষ্টুমর্হসি ॥ 21 ॥
সুমতিস্তু মহাতেজা বিশ্বামিত্রমুপাগতম্ ।
শ্রুত্বা নরবরশ্রেষ্ঠঃ প্রত্য়ুদ্গচ্ছন্মহাযশাঃ ॥ 22 ॥
পূজাং চ পরমাং কৃত্বা সোপাধ্য়াযস্সবাংধবঃ ।
প্রাংজলিঃ কুশলং পৃষ্ট্বা বিশ্বামিত্রমথাব্রবীত্ ॥ 23 ॥
ধন্য়োঽস্ম্যনুগৃহীতোঽস্মি যস্য় মে বিষয়ং মুনিঃ ।
সংপ্রাপ্তো দর্শনং চৈব নাস্তি ধন্যতরো মম ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে সপ্তচত্বারিংশস্সর্গঃ ॥
