শ্রীমদ্বাল্মীকীয় রামাযণে বালকাংডম্ ।
অথ অষ্টচত্বারিংশস্সর্গঃ ।
পৃষ্ট্বা তু কুশলং তত্র পরস্পরসমাগমে ।
কথাংতে সুমতির্বাক্য়ং ব্য়াজহার মহামুনিম্ ॥ 1 ॥
ইমৌ কুমারৌ ভদ্রং তে দেবতুল্যপরাক্রমৌ ।
গজসিংহগতী বীরৌ শার্দূলবৃষভোপমৌ ॥ 2 ॥
পদ্মপত্রবিশালাক্ষৌ খড্গতূণী ধনুর্ধরৌ ।
অশ্বিনাবিব রূপেণ সমুপস্থিতয়ৌবনৌ ॥ 3 ॥
যদৃচ্ছয়ৈব গাং প্রাপ্তৌ দেবলোকাদিবামরৌ ।
কথং পদ্ভ্য়ামিহ প্রাপ্তৌ কিমর্থং কস্য় বা মুনে ॥ 4 ॥
ভূষয়ংতাবিমং দেশং চংদ্রসূর্য়াবিবাংবরম্ ।
পরস্পরস্য় সদৃশৌ প্রমাণেংগিতচেষ্টিতৈঃ ॥ 5 ॥
কিমর্থং চ মুনিশ্রেষ্ঠ সংপ্রাপ্তৌ দুর্গমে পথি ।
বরায়ুধধরৌ বীরৌ শ্রোতুমিচ্ছামি তত্ত্বতঃ ॥ 6 ॥
তস্য় তদ্বচনং শ্রুত্বা যথাবৃত্তং ন্যবেদযত্ ।
সিদ্ধাশ্রমনিবাসং চ রাক্ষসানাং বধং তথা ॥ 7 ॥
বিশ্বামিত্রবচশ্শ্রুত্বা রাজা পরমহর্ষিতঃ ।
অতিথী পরমৌ প্রাপ্তৌ পুত্রৌ দশরথস্য় তৌ ॥ 8 ॥
পূজয়ামাস বিধিবত্সত্কারার্হৌ মহাবলৌ ।
ততঃ পরমসত্কারং সুমতেঃ প্রাপ্য় রাঘবৌ ॥ 9 ॥
উষ্য় তত্র নিশামেকাং জগ্মতুর্মিথিলাং ততঃ ।
তান্ দৃষ্ট্বা মুনযস্সর্বে জনকস্য় পুরীং শুভাম্ ॥ 10 ॥
সাধু সাধ্বিতি শংসংতো মিথিলাং সমপূজযন্ ।
মিথিলোপবনে শূন্যমাশ্রমং দৃশ্য় রাঘবঃ ॥ 11 ॥
পুরাণং নির্জনং রম্য়ং পপ্রচ্ছ মুনিপুংগবম্ ।
শ্রীমদাশ্রমসংকাশং কিন্ন্বিদং মুনিবর্জিতম্ ॥ 12 ॥
জ্ঞাতুমিচ্ছামি ভগবন্ কস্য়ায়ং পূর্বমাশ্রমঃ ।
তচ্ছ্রুত্বা রাঘবেণোক্তং বাক্য়ং বাক্যবিশারদঃ ॥ 13 ॥
প্রত্য়ুবাচ মহাতেজা বিশ্বামিত্রো মহামুনিঃ ।
হংত তে কথয়িষ্য়ামি শ্রুণু তত্ত্বেন রাঘব ॥ 14 ॥
যস্য়েদমাশ্রমপদং শপ্তং কোপান্মহাত্মনা ।
গৌতমস্য় নরশ্রেষ্ঠ পূর্বমাসীন্মহাত্মনঃ ॥ 15 ॥
আশ্রমো দিব্যসংকাশস্সুরৈরপি সুপূজিতঃ ।
স চেহ তপ আতিষ্ঠদহল্য়াসহিতঃ পুরা ॥ 16 ॥
বর্ষপূগাননেকাংশ্চ রাজপুত্র মহাযশঃ ।
তস্য়াংতরং বিদিত্বা তু সহস্রাক্ষশ্শচীপতিঃ ॥ 17 ॥
মুনিবেষধরোঽহল্য়ামিদং বচনমব্রবীত্ ।
ঋতুকালং প্রতীক্ষংতে নার্থিনস্সুসমাহিতে ॥ 18 ॥
সংগমং ত্বহমিচ্ছামি ত্বয়া সহ সুমধ্যমে ।
মুনিবেষং সহস্রাক্ষং বিজ্ঞায় রঘুনংদন ॥ 19 ॥
মতিং চকার দুর্মেধা দেবরাজকুতূহলাত্ ।
অথাব্রবীত্ নরশ্রেষ্ঠ কৃতার্থেনাংতরাত্মনা ॥ 20 ॥
কৃতার্থাঽস্মি সুরশ্রেষ্ঠ গচ্ছ শীঘ্রমিতঃ প্রভো ।
আত্মানং মাং চ দেবেশ সর্বদা রক্ষ গৌতমাত্ ॥ 21 ॥
ইংদ্রস্তু প্রহসন্ বাক্যমহল্য়ামিদমব্রবীত্ ।
সুশ্রোণি পরিতুষ্টোঽস্মি গমিষ্য়ামি যথাঽগতম্ ॥ 22 ॥
এবং সংগম্য় তু তয়া নিশ্চক্রামোটজাত্ততঃ ।
স সংভ্রমাত্ত্বরন্ রাম শংকিতো গৌতমং প্রতি ॥ 23 ॥
গৌতমং তং দদর্শাথ প্রবিশংতং মহামুনিম্ ।
দেবদানবদুর্ধর্ষং তপোবলসমন্বিতম্ ॥ 24 ॥
তীর্থেংদকপরিক্লিন্নং দীপ্যমানমিবানলম্ ।
গৃহীতসমিধং তত্র সকুশং মুনিপুংগবম্ ॥ 25 ॥
দৃষ্ট্বা সুরপতিস্ত্রস্তো বিবর্ণবদনোঽভবত্ ।
অথ দৃষ্ট্বা সহস্রাক্ষং মুনিবেষধরং মুনিঃ ॥ 26 ॥
দুর্বৃত্তং বৃত্তসংপন্নো রোষাদ্বচনমব্রবীত্ ।
মম রূপং সমাস্থায় কৃতবানসি দুর্মতে ॥ 27 ॥
অকর্তব্যমিদং তস্মাদ্বিফলস্ত্বং ভবিষ্যসি ।
গৌতমেনৈবমুক্তস্য় সরোষেণ মহাত্মনা ॥ 28 ॥
পেততুর্বৃষণৈ ভূমৌ সহস্রাক্ষস্য় তত্ক্ষণাত্ ।
তথা শপ্ত্বা স বৈ শক্রমহল্য়ামপি শপ্তবান্ ॥ 29 ॥
ইহ বর্ষসহস্রাণি বহূনি ত্বং নিবত্স্যসি ।
বায়ুভক্ষা নিরাহারা তপ্য়ংতী ভস্মশায়িনী ॥ 30 ॥
অদৃশ্য়া সর্বভূতানাং আশ্রমেঽস্মিন্নিবত্স্যসি ।
যদা চৈতদ্বনং ঘোরং রামো দশরথাত্মজঃ ॥ 31 ॥
আগমিষ্যতি দুর্ধর্ষস্তদা পূতা ভবিষ্যসি ।
তস্য়াতিথ্য়েন দুর্বুত্তে লোভমোহবিবর্জিতা ॥ 32 ॥
মত্সকাশে মুদা যুক্তা স্বং বপুর্ধারয়িষ্যসি ।
এবমুক্ত্বা মহাতেজা গৌতমো দুষ্টচারিণীম্ ॥ 33 ॥
ইমমাশ্রমমুত্সৃজ্য় সিদ্ধচারণসেবিতে ।
হিমবচ্ছিখরে পুণ্য়ে তপস্তেপে মহাতপাঃ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে অষ্টচত্বারিংশস্সর্গঃ ॥
