শ্রীমদ্বাল্মীকীয় রামাযণে বালকাংডম্ ।
অথ দ্বিপংচাশস্সর্গঃ ।
স দৃষ্ট্বা পরমপ্রীতো বিশ্বামিত্রো মহাবলঃ ।
প্রণতো বিনয়াদ্বীরো বসিষ্ঠং জপতাং বরম্ ॥ 1 ॥
স্বাগতং তব চেত্য়ুক্তো বসিষ্ঠেন মহাত্মনা ।
আসনং চাস্য় ভগবান্ বসিষ্ঠো ব্য়াদিদেশ হ ॥ 2 ॥
উপবিষ্টায় চ তদা বিশ্বামিত্রায় ধীমতে ।
যথান্য়ায়ং মুনিবরঃ ফলমূলমুপাহরত্ ॥ 3 ॥
প্রতিগৃহ্য় তু তাং পূজাং বসিষ্ঠাদ্রাজসত্তমঃ ।
তপোগ্নিহোত্রশিষ্য়েষু কুশলং পর্যপৃচ্ছত ॥ 4 ॥
বিশ্বামিত্রো মহাতেজা বনস্পতিগণে তথা ।
সর্বত্র কুশলং চাহ বসিষ্ঠো রাজসত্তমম্ ॥ 5 ॥
সুখোপবিষ্টং রাজানং বিশ্বামিত্রং মহাতপাঃ ।
পপ্রচ্ছ জপতাং শ্রেষ্ঠো বসিষ্ঠো ব্রহ্মণস্সুতঃ ॥ 6 ॥
কচ্চিত্তে কুশলং রাজন্ কচ্চিদ্ধর্মেণ রংজযন্ ।
প্রজাঃ পালযসে বীর রাজবৃত্তেন ধার্মিক ॥ 7 ॥
কচ্চিত্তে সংভৃতা ভৃত্য়াঃ কচ্চিত্তিষ্ঠংতি শাসনে ।
কচ্চিত্তে বিজিতাস্সর্বে রিপবো রিপুসূদন ॥ 8 ॥
কচ্চিদ্বলেষু কোশেষু মিত্রেষু চ পরংতপ ।
কুশলং তে নরব্য়াঘ্র পুত্রপৌত্রে তবানঘ ॥ 9 ॥
সর্বত্র কুশলং রাজা বসিষ্ঠং প্রত্য়ুদাহরত্ ।
বিশ্বামিত্রো মহাতেজা বসিষ্ঠং বিনয়ান্বিতঃ ॥ 10 ॥
কৃত্বোভৌ সুচিরং কালং ধর্মিষ্ঠৌ তাঃ কথাঃ শুভাঃ ।
মুদা পরময়া যুক্তৌ প্রীয়েতাং তৌ পরস্পরম্ ॥ 11 ॥
ততো বসিষ্ঠো ভগবান্ কথাঽংতে রঘুনংদন ।
বিশ্বামিত্রমিদং বাক্যমুবাচ প্রহসন্নিব ॥ 12 ॥
আতিথ্য়ং কর্তুমিচ্ছামি বলস্য়াস্য় মহাবল ।
তব চৈবাপ্রমেযস্য় যথার্হং সংপ্রতীচ্ছ মে ॥ 13 ॥
সত্ক্রিয়াং তু ভবানেতাং প্রতীচ্ছতু ময়োদ্যতাম্ ।
রাজা ত্বমতিথিশ্রেষ্ঠঃ পূজনীয়ঃ প্রযত্নতঃ ॥ 14 ॥
এবমুক্তো বসিষ্ঠেন বিশ্বামিত্রো মহামতিঃ ।
কৃতমিত্যব্রবীদ্রাজা প্রিযবাক্য়েন মে ত্বয়া ॥ 15 ॥
ফলমূলেন ভগবন্ বিদ্যতে যত্তবাশ্রমে ।
পাদ্য়েনাচমনীয়েন ভগবদ্দর্শনেন চ ॥ 16 ॥
সর্বথা চ মহাপ্রাজ্ঞ পূজার্হেণ সুপূজিতঃ ।
গমিষ্য়ামি নমস্তেঽস্তু মৈত্রেণেক্ষস্ব চক্ষুষা ॥ 17 ॥
এবং ব্রুবংতং রাজানং বসিষ্ঠঃপুনরেব হি ।
ন্যমংত্রযত ধর্মাত্মা পুনঃপুনরুদারধীঃ ॥ 18 ॥
বাঢমিত্য়েব গাধেয়ো বসিষ্ঠং প্রত্য়ুবাচ হ ।
যথা প্রিয়ং ভগবতস্তথাঽস্তু মুনিপুংগব ॥ 19 ॥
এবমুক্তো মহাতেজা বসিষ্ঠো জপতাং বরঃ ।
আজুহাব ততঃ প্রীতঃ কল্মাষীং ধূতকল্মষঃ ॥ 20 ॥
এহ্য়েহি শবলে ক্ষিপ্রং শ্রৃণু চাপি বচো মম ।
সবলস্য়াস্য় রাজর্ষেঃকর্তুং ব্যবসিতোঽস্ম্যহম্ ॥ 21 ॥
ভোজনেন মহার্হেণ সত্কারং সংবিধত্স্ব মে ।
যস্য় যস্য় যথাকামং ষড্রসেষ্বভিপূজিতম্ ।
তত্সর্বং কামধুক্ক্ষিপ্রমভিবর্ষ কৃতে মম ॥ 22 ॥
রসেনান্নেন পানেন লেহ্যচোষ্য়েণ সংয়ুতম্ ।
অন্নানাং নিচয়ং সর্বং সৃজস্ব শবলে ত্বর ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে দ্বিপংচাশস্সর্গঃ ॥
