শ্রীমদ্বাল্মীকীয় রামাযণে বালকাংডম্ ।
অথ পংচপংচাশস্সর্গঃ ।
ততস্তানাকুলান্ দৃষ্ট্বা বিশ্বামিত্রাস্ত্রমোহিতান্ ।
বসিষ্ঠশ্চোদয়ামাস কামধুক্ সৃজ যোগতঃ ॥ 1 ॥
তস্য়াহুংভারবাজ্জাতাঃ কাংভোজা রবিসন্নিভাঃ ।
ঊধসস্ত্বথ সংজাতাঃ পপ্লবাশ্শস্ত্রপাণয়ঃ ॥ 2 ॥
যোনিদেশাচ্চ যবনাশ্শকৃদ্দেশাচ্ছকা স্তথা ।
রোমকূপেষু চ ম্লেচ্ছা হারীতাস্সকিরাতকাঃ ॥ 3 ॥
তৈস্তৈর্নিষূদিতং সর্বং বিশ্বামিত্রস্য় তত্ক্ষণাত্ ।
সপদাতিগজং সাশ্বং সরথং রঘুনংদন ॥ 4 ॥
দৃষ্ট্বা নিষূদিতং সৈন্য়ং বসিষ্ঠেন মহাত্মনা ।
বিশ্বামিত্রসুতানাং চ শতং নানাবিধায়ুধম্ ॥ 5 ॥
অভ্যধাবত্সুসংকৃদ্ধং বসিষ্ঠং জপতাং বরম্ ।
হুংকারেণৈব তান্ সর্বান্ দদাহ ভগবান্ ঋষিঃ ॥ 6 ॥
তে সাশ্বরথপাদাতা বসিষ্ঠেন মহাত্মনা ।
ভস্মীকৃতা মুহূর্তেন বিশ্বামিত্রসুতা স্তদা ॥ 7 ॥
দৃষ্ট্বা বিনাশিতান্ পুত্রান্ বলং চ সুমহাযশাঃ ।
সব্রীডশ্চিংতয়াঽবিষ্টো বিশ্বামিত্রোঽভবত্তদা ॥ 8 ॥
সমুদ্র ইব নির্বেগো ভগ্নদংষ্ট্র ইবোরগঃ ।
উপরক্ত ইবাদিত্যস্সদ্য়ো নিষ্প্রভতাং গতঃ ॥ 9 ॥
হতপুত্রবলো দীনো লূনপক্ষ ইব দ্বিজঃ ।
হতদর্পো হতোত্সাহো নির্বেদং সমপদ্যত ॥ 10 ॥
স পুত্রমেকং রাজ্য়ায় পালয়েতি নিয়ুজ্য় চ ।
পৃথিবীং ক্ষত্রধর্মেণ বনমেবান্বপদ্যত ॥ 11 ॥
স গত্বা হিমবত্পার্শ্বং কিন্নরোরগসেবিতম্ ।
মহাদেবপ্রসাদার্থং তপস্তেপে মহাতপাঃ ॥ 12 ॥
কেনচিত্ত্বথ কালেন দেবেশো বৃষভধ্বজঃ ।
দর্শয়ামাস বরদো বিশ্বামিত্রং মহাবলম্ ॥ 13 ॥
কিমর্থং তপ্যসে রাজন্ ব্রূহি যত্তে বিবক্ষিতম্ ।
বরদোঽস্মি বরো যস্তে কাংক্ষিতস্সোঽভিধীযতাম্ ॥ 14 ॥
এবমুক্তস্তু দেবেন বিশ্বামিত্রো মহাতপাঃ ।
প্রণিপত্য় মহাদেবমিদং বচনমব্রবীত্ ॥ 15 ॥
যদি তুষ্টো মহাদেব ধনুর্বেদো মমানঘ ।
সাংগোপাংগোপনিষদস্সরহস্য়ঃ প্রদীযতাম্ ॥ 16 ॥
যানি দেবেষু চাস্ত্রাণি দানবেষু মহর্ষিষু ।
গংধর্বযক্ষরক্ষস্সু প্রতিভাংতু মমানঘ ॥ 17 ॥
তব প্রসাদাদ্ভবতু দেবদেবমমেপ্সিতম্ ।
এবমস্ত্বিতি দেবেশো বাক্যমুক্ত্বা গতস্তদা ॥ 18 ॥
প্রাপ্য় চাস্ত্রাণি রাজর্ষির্বিশ্বামিত্রো মহাবলঃ ।
দর্পেণ মহতা যুক্তো দর্পপূর্ণোঽভবত্তদা ॥ 19 ॥
বিবর্ধমানো বীর্য়েণ সমুদ্র ইব পর্বণি ।
হতমেব তদা মেনে বসিষ্ঠমৃষিসত্তমম্ ॥ 20 ॥
ততো গত্বাঽঽশ্রমপদং মুমোচাস্ত্রাণি পার্থিবঃ ।
যৈস্তত্তপোবনং সর্বং নির্দগ্ধং চাস্ত্রতেজসা ॥ 21 ॥
উদীর্যমাণমস্ত্রং তদ্বিশ্বামিত্রস্য় ধীমতঃ ।
দৃষ্ট্বা বিপ্রদ্রুতাস্সর্বে মুনযশ্শতশো দিশঃ ॥ 22 ॥
বসিষ্ঠস্য় চ যে শিষ্য়াস্তথৈব মৃগপক্ষিণঃ ।
বিদ্রবংতি ভয়াদ্ভীতা নানাদিগ্ভ্যস্সহস্রশঃ ॥ 23 ॥
বসিষ্ঠস্য়াশ্রমপদং শূন্যমাসীন্মহাত্মনঃ ।
মুহূর্তমিব নিশ্শব্দমাসীদিরিণসন্নিভম্ ॥ 24 ॥
বদতো বৈ বসিষ্ঠস্য় মা ভৈরিতি মুহুর্মুহুঃ ।
নাশয়াম্যদ্য় গাধেয়ং নীহারমিব ভাস্করঃ ॥ 25 ॥
এবমুক্ত্বা মহাতেজা বসিষ্ঠো জপতাং বরঃ ।
বিশ্বামিত্রং তদা বাক্য়ং সরোষমিদমব্রবীত্ ॥ 26 ॥
আশ্রমং চিরসম্বৃদ্ধং যদ্বিনাশিতবানসি ।
দুরাচারোঽসি তন্মূঢ তস্মাত্ত্বং ন ভবিষ্যসি ॥ 27 ॥
ইত্য়ুক্ত্বা পরমক্রুদ্ধো দংডমুদ্যম্য় সত্বরঃ ।
বিধূমমিব কালাগ্নিং যমদংডমিবাপরম্ ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে পংচপংচাশস্সর্গঃ ॥
