শ্রীমদ্বাল্মীকীয় রামাযণে বালকাংডম্ ।
অথ সপ্তপংচাশস্সর্গঃ ।
ততস্সংতপ্তহৃদয়ঃ স্মরন্নিগ্রহমাত্মনঃ ।
বিনিশ্শ্বস্য় বিনিশ্শ্বস্য় কৃতবৈরো মহত্মনা ॥ 1 ॥
স দক্ষিণাং দিশং গত্বা মহিষ্য়া সহ রাঘব ।
ততাপ পরমং ঘোরং বিশ্বামিত্রো মহত্তপঃ ॥ 2 ॥
ফলমূলাশনো দাংতশ্চকার সুমহত্তপঃ ।
অথাস্য় জজ্ঞিরে পুত্রাস্সত্যধর্মপরাযণাঃ ।
হবিষ্য়ংদো মধুষ্য়ংদো দৃঢনেত্রো মহারথঃ ॥ 3 ॥
পূর্ণে বর্ষসহস্রে তু ব্রহ্মা লোকপিতামহঃ ।
অব্রবীন্মধুরং বাক্য়ং বিশ্বামিত্রং তপোধনম্ ॥ 4 ॥
চিতা রাজর্ষিলোকাস্তে তপসা কুশিকাত্মজ ।
অনেন তপসা ত্বাং তু রাজর্ষিরিতি বিদ্মহে ॥ 5 ॥
এবমুক্ত্বা মহাতেজা জগাম সহ দৈবতৈঃ ।
ত্রিবিষ্টপং ব্রহ্মলোকং লোকানাং পরমেশ্বরঃ ॥ 6 ॥
বিশ্বামিত্রোঽপি তচ্ছ্রুত্বা হ্রিয়া কিংচিদবাঙ্মুখঃ ।
দুঃখেন মহতাঽঽবিষ্টস্সমন্য়ুরিদমব্রবীত্ ॥ 7 ॥
তপশ্চ সুমহত্তপ্তং রাজর্ষিরিতি মাং বিদুঃ ।
দেবাস্সর্ষিগণাস্সর্বে নাস্তি মন্য়ে তপঃফলম্ ॥ 8 ॥
ইতি নিশ্চিত্য় মনসা ভূয় এব মহাতপাঃ ।
তপশ্চকার কাকুত্স্থ পরমং পরমাত্মবান্ ॥ 9 ॥
এতস্মিন্নেব কালে তু সত্যবাদী জিতেংদ্রিয়ঃ ।
ত্রিশংকুরিতি বিখ্য়াত ইক্ষ্বাকুকুলবর্ধনঃ ॥ 10 ॥
তস্য় বুদ্ধিস্সমুত্পন্না যজেযমিতি রাঘব ।
গচ্ছেয়ং স্বশরীরেণ দেবানাং পরমাং গতিম্ ॥ 11 ॥
স বসিষ্ঠং সমাহূয় কথয়ামাস চিংতিতম্ ।
অশক্যমিতি চাপ্য়ুক্তো বসিষ্ঠেন মহাত্মনা ॥ 12 ॥
প্রত্য়াখ্য়াতো বসিষ্ঠেন স যয়ৌদক্ষিণাং দিশম্ ।
ততস্তত্কর্মসিদ্ধ্যর্থং পুত্রাং স্তস্য় গতো নৃপঃ ॥ 13 ॥
বাসিষ্ঠা দীর্ঘতপসস্তপো যত্র হি তেপিরে ।
ত্রিশংংকুস্সুমহাতেজা শ্শতং পরমভাস্বরম্ ॥ 14 ॥
বসিষ্ঠপুত্রান্ দদৃশে তপ্যমানান্ যশস্বিনঃ ।
সোঽভিগম্য় মহাত্মনস্সর্বানেব গুরোস্সুতান্ ॥ 15 ॥
অভিবাদ্য়ানুপূর্ব্য়েণ হ্রিয়া কিংচিদবাঙ্মুখঃ ।
অব্রবীত্সুমহাভগান্সর্বানেব কৃতাংজলিঃ ॥ 16 ॥
শরণং বঃ প্রপদ্য়েঽহং শরণ্য়ান্ শরণাগতঃ ।
প্রত্য়াখ্য়াতোঽস্মি ভদ্রং বো বসিষ্ঠেন মহাত্মনা ॥ 17 ॥
যষ্টুকামো মহাযজ্ঞং তদনুজ্ঞাতুমর্হথ ।
গুরুপুত্রানহং সর্বান্নমস্কৃত্য় প্রসাদয়ে ॥ 18 ॥
শিরসা প্রণতো যাচে ব্রাহ্মণান্ তপসি স্থিতান্ ।
তে মাং ভবংতস্সিদ্ধ্যর্থং যাজয়ংতু সমাহিতাঃ ॥ 19 ॥
সশরীরো যথাঽহং হি দেবলোকমবাপ্নুয়াম্ ।
প্রত্য়াখ্য়াতো বসিষ্ঠেন গতিমন্য়াং তপোধনাঃ ॥ 20 ॥
গুরুপুত্রানৃতে সর্বান্নাহং পশ্য়ামি কাংচন ।
ইক্ষ্বাকূণাং হি সর্বেষাং পুরোধাঃ পরমা গতিঃ ॥ 21 ॥
পুরোধসস্তু বিদ্বাংসস্তারয়ংতি সদা নৃপান্ ।
তস্মাদনংতরং সর্বে ভবংতো দৈবতং মম ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে সপ্তপংচাশস্সর্গঃ ॥
