শ্রীমদ্বাল্মীকীয় রামাযণে বালকাংডম্ ।
অথ ষষ্ঠস্সর্গঃ ।
. তস্য়াং পুর্য়াময়োধ্য়ায়াং বেদবিত্সর্বসংগ্রহঃ ।
দীর্ঘদর্শী মহাতেজাঃ পৌরজানপদপ্রিয়ঃ ॥ 1 ॥
ইক্ষ্বাকূণামতিরথো যজ্বা ধর্মরতো বশী ।
মহর্ষিকল্পো রাজর্ষিস্ত্রিষু লোকেষু বিশ্রুতঃ ॥ 2 ॥
বলবান্নিহতামিত্রো মিত্রবান্বিজিতেংদ্রিয়ঃ ।
ধনৈশ্চ সংগ্রহৈশ্চান্য়ৈশ্শক্রবৈশ্রবণোপমঃ ॥ 3 ॥
যথা মনুর্মহাতেজা লোকস্য় পরিরক্ষিতা ।
তথা দশরথো রাজা বসংজগদপালযত্ ॥ 4 ॥
তেন সত্য়াভিসংধেন ত্রিবর্গমনুতিষ্ঠতা ।
পালিতা সা পুরী শ্রেষ্ঠা ইংদ্রেণেবামরাবতী ॥ 5 ॥
তস্মিন্পুরবরে হৃষ্টা ধর্মাত্মানো বহুশ্রুতাঃ ।
নরাস্তুষ্টা ধনৈস্স্বৈস্স্বৈরলুব্ধাস্সত্যবাদিনঃ ॥ 6 ॥
নাল্পসন্নিচয়ঃ কশ্চিদাসীত্তস্মিন্ পুরোত্তমে ।
কুটুংবী যো হ্যসিদ্ধার্থোঽগবাশ্বধনধান্যবান্ ॥ 7 ॥
কামী বা ন কদর্য়ো বা নৃশংসঃ পুরুষঃ ক্বচিত্ ।
দ্রষ্টুং শক্যময়োধ্য়ায়ান্নাবিদ্বান্ন চ নাস্তিকঃ ॥ 8 ॥
সর্বে নরাশ্চ নার্যশ্চ ধর্মশীলাস্সুসংযতাঃ ।
উদিতাশ্শীলবৃত্তাভ্য়াং মহর্ষয় ইবামলাঃ ॥ 9 ॥
নাকুংডলী নামকুটী নাস্রগ্বী নাল্পভোগবান্ ।
নামৃষ্টো নানুলিপ্তাংগো নাসুগংধশ্চ বিদ্যতে ॥ 10 ॥
নামৃষ্টভোজী নাদাতা নাপ্যনংগদনিষ্কধৃক্ ।
নাহস্তাভরণো বাঽপি দৃশ্যতে নাপ্যনাত্মবান্ ॥ 11 ॥
নানাহিতাগ্নির্নাযজ্বা ন ক্ষুদ্রো বা ন তস্করঃ ।
কশ্চিদাসীদয়োধ্য়ায়ান্ন চ নির্বৃত্তসংকরঃ ॥ 12 ॥
স্বকর্মনিরতা নিত্য়ং ব্রাহ্মণা বিজিতেংদ্রিয়াঃ ।
দানাধ্যযনশীলাশ্চ সংযতাশ্চ পরিগ্রহে ॥ 13 ॥
ন নাস্তিকো নানৃতকো ন কশ্চিদবহুশ্রুতঃ ।
নাসূযকো ন চাঽশক্তো নাবিদ্বান্বিদ্যতে তদা ॥ 14 ॥
নাষডংগবিদত্রাসীন্নাব্রতো নাসহস্রদঃ ।
ন দীনঃ ক্ষিপ্তচিত্তো বা ব্যথিতো বাঽপি কশ্চন ॥ 15 ॥
কশ্চিন্নরো বা নারী বা নাশ্রীমান্নাপ্যরূপবান্ ।
দ্রষ্টুং শক্যময়োধ্য়ায়াং নাপি রাজন্যভক্তিমান্ ॥ 16 ॥
বর্ণেষ্বগ্র্যচতুর্থেষু দেবতাতিথিপূজকাঃ ।
কৃতজ্ঞাশ্চ বদান্য়াশ্চ শূরা বিক্রমসংয়ুতাঃ ॥ 17 ॥
দীর্ঘায়ুষো নরাস্সর্বে ধর্মং সত্য়ং চ সংশ্রিতাঃ ।
সহিতাঃ পুত্রপৌত্রৈশ্চ নিত্য়ং স্ত্রীভিঃ পুরোত্তমে ॥ 18 ॥
ক্ষত্রং ব্রহ্মমুখং চাসীদ্বৈশ্য়াঃ ক্ষত্রমনুব্রতাঃ ।
শূদ্রাস্স্বধর্মনিরতাস্ত্রীন্বর্ণানুপচারিণঃ ॥ 19 ॥
সা তেনেক্ষ্বাকুনাথেন পুরী সুপরিরক্ষিতা ।
যথা পুরস্তান্মনুনা মানবেংদ্রেণ ধীমতা ॥ 20 ॥
যোধানামগ্নিকল্পানাং পেশলানামমর্ষিণাম্ ।
সংপূর্ণা কৃতবিদ্য়ানাং গুহা কেসরিণামিব ॥ 21 ॥
কাংভোজবিষয়ে জাতৈর্বাহ্লীকৈশ্চ হয়োত্তমৈঃ ।
বনায়ুজৈর্নদীজৈশ্চ পূর্ণা হরিহয়োত্তমৈঃ ॥ 22 ॥
বিংধ্যপর্বতজৈর্মত্তৈঃ পূর্ণা হৈমবতৈরপি ।
মদান্বিতৈরতিবলৈর্মাতংগৈঃ পর্বতোপমৈঃ ॥ 23 ॥
ঐরাবতকুলীনৈশ্চ মহাপদ্মকুলৈস্তথা ।
অংজনাদপি নিষ্পন্নৈর্বামনাদপি চ দ্বিপৈঃ ॥ 24 ॥
ভদ্রৈর্মংদ্রৈর্মৃগৈশ্চৈব ভদ্রমংদ্রমৃগৈস্তথা ।
ভদ্রমংদ্রৈর্ভদ্রমৃগৈর্মৃগমংদ্রৈশ্চ সা পুরী ।
নিত্যমত্তৈস্সদা পূর্ণা নাগৈরচলসন্নিভৈঃ ॥ 25 ॥
সা যোজনে চ দ্বে ভূয়ঃ সত্যনামা প্রকাশতে ।
যস্য়াং দশরথো রাজা বসন্ জগদপালযত্ ॥ 26 ॥
তাং পুরীং স মহাতেজা রাজা দশরথো মহান্ ।
শশাস শমিতামিত্রো নক্ষত্রাণীব চংদ্রমাঃ ॥ 27 ॥
তাং সত্যনামাং দৃঢতোরণার্গলাং গৃহৈর্বিচিত্রৈরুপশোভিতাং শিবাম্ ।
পুরীময়োধ্য়াং নৃসহস্রসংকুলাং শশাস বৈ শক্রসমো মহীপতিঃ ॥ 28 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ষষ্ঠস্সর্গঃ ॥
