ශ්රීමද්වාල්මීකීය රාමායණේ බාලකාංඩම් ।
අථ ද්විසප්තතිතමස්සර්ගඃ ।
තමුක්තවංතං වෛදේහං විශ්වාමිත්රෝ මහාමුනිඃ ।
උවාච වචනං වීරං වසිෂ්ඨසහිතෝ නෘපම් ॥ 1 ॥
අචිංත්යාන්යප්රමේයානි කුලානි නරපුංගව ।
ඉක්ෂ්වාකූණාං විදේහානාං නෛෂාං තුල්යෝऽස්ති කශ්චන ॥ 2 ॥
සදෘශෝ ධර්මසංබංධඃ සදෘශෝ රූපසංපදා ।
රාමලක්ෂ්මණයෝ රාජන් සීතා චෝර්මිලයා සහ ॥ 3 ॥
වක්තව්යං ච නරශ්රේෂ්ඨ ශ්රූයතාං වචනං මම ।
භ්රාතා යවීයාන් ධර්මජ්ඤ ඒෂ රාජා කුශධ්වජඃ ॥ 4 ॥
අස්ය ධර්මාත්මනෝ රාජන් රූපේණාප්රතිමං භුවි ।
සුතාද්වයං නරශ්රේෂ්ඨ පත්න්යර්ථං වරයාමහේ ॥ 5 ॥
භරතස්ය කුමාරස්ය ශත්රුඝ්නස්ය ච ධීමතඃ ।
වරයාමස්සුතේ රාජන් තයෝරර්ථේ මහාත්මනෝඃ ॥ 6 ॥
පුත්රා දශරථස්යේමේ රූපයෞවනශාලිනඃ ।
ලෝකපාලෝපමාස්සර්වේ දේවතුල්යපරාක්රමාඃ ॥ 7 ॥
උභයෝරපි රාජේංද්ර සංබංධේනානුබධ්යතාම් ।
ඉක්ෂ්වාකෝඃ කුලමව්යග්රං භවතඃපුණ්යකර්මණඃ ॥ 8 ॥
විශ්වාමිත්රවච ශ්ශෘත්වා වසිෂ්ඨස්ය මතේ තදා ।
ජනකඃ ප්රාංජලිර්වාක්යමුවාච මුනිපුංගවෞ ॥ 9 ॥
කුලං ධන්යමිදං මන්යේ යේෂාං නෝ මුනිපුංගවෞ ।
සදෘශං කුලසංබංධං යදාජ්ඤාපයථඃ ස්වයම් ॥ 10 ॥
ඒවං භවතු භද්රං වඃ කුශධ්වජසුතේ ඉමේ ।
පත්න්යෞ භජේතාං සහිතෞ ශත්රුඝ්නභරතාවුභෞ ॥ 11 ॥
ඒකාහ්නා රාජපුත්රීණාං චතසෘණාං මහාමුනේ ।
පාණීන් ගෘහ්ණංතු චත්වාරෝ රාජපුත්රා මහාබලාඃ ॥ 12 ॥
උත්තරේ දිවසේ බ්රහ්මන් ඵල්ගුනීභ්යාං මනීෂිණඃ ।
වෛවාහිකං ප්රශංසංති භගෝ යත්ර ප්රජාපතිඃ ॥ 13 ॥
ඒවමුක්ත්වා වචස්සෞම්යං ප්රත්යුත්ථාය කෘතාංජලිඃ ।
උභෞ මුනිවරෞ රාජා ජනකෝ වාක්යමබ්රවීත් ॥ 14 ॥
පරෝ ධර්මඃ කෘතෝ මහ්යං ශිෂ්යෝऽස්මිභවතෝ සදා ।
ඉමාන්යාසනමුඛ්යානි ආසාතාං මුනිපුංගවෞ ॥ 15 ॥
යථා දශරථස්යේයං තථාऽයෝධ්යා පුරී මම ।
ප්රභුත්වේ නාස්ති සංදේහෝ යථාර්හං කර්තුමර්හථ ॥ 16 ॥
තථා බ්රුවති වෛදේහේ ජනකේ රඝුනංදනඃ ।
රාජා දශරථෝ හෘෂ්ටඃ ප්රත්යුවාච මහීපතිම් ॥ 17 ॥
යුවාමසංඛ්යේයගුණෞ භ්රාතරෞ මිථිලේශ්වරෞ ।
ඍෂයෝ රාජසංඝාශ්ච භවද්භ්යාමභිපූජිතාඃ ॥ 18 ॥
ස්වස්ති ප්රාප්නුහි භද්රං තේ ගමිෂ්යාමි ස්වමාලයම් ।
ශ්රාද්ධකර්මාණි සර්වාණි විධාස්යාමීති චාබ්රවීත් ॥ 19 ॥
තමාපෘෂ්ට්වා නරපතිං රාජා දශරථස්තදා ।
මුනීංද්රෞ තෞ පුරස්කෘත්ය ජගාමාශු මහායශාඃ ॥ 20 ॥
ස ගත්වා නිලයං රාජා ශ්රාද්ධං කෘත්වා විධානතඃ ।
ප්රභාතේ කාල්යමුත්ථාය චක්රේ ගෝදානමුත්තමම් ॥ 21 ॥
ගවාං ශතසහස්රාණි බ්රාහ්මණේභ්යෝ නරාධිපඃ ।
ඒකෛකශෝ දදෞ රාජා පුත්රානුද්දිශ්ය ධර්මතඃ ॥ 22 ॥
සුවර්ණශ්රුංගා ස්සංපන්නා ස්සවත්සාඃ කාංස්යදෝහනාඃ ।
ගවාං ශතසහස්රාණි චත්වාරි පුරුෂර්ෂභඃ ॥ 23 ॥
විත්තමන්යච්ච සුබහුද්විජේභ්යෝ රඝුනංදනඃ ।
දදෞ ගෝදානමුද්දිශ්ය පුත්රාණාං පුත්රවත්සලඃ ॥ 24 ॥
ස සුතෛඃ කෘතගෝදානෛර්වෘතස්තු නෘපතිස්තදා ।
ලෝකපාලෛරිවාභාති වෘතඃ ස්සෞම්යඃ ප්රජාපතිඃ ॥ 25 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ ද්විසප්තතිතමස්සර්ගඃ ॥
