শ্রীমদ্বাল্মীকীয় রামাযণে বালকাংডম্ ।
অথ দ্বিসপ্ততিতমস্সর্গঃ ।
তমুক্তবংতং বৈদেহং বিশ্বামিত্রো মহামুনিঃ ।
উবাচ বচনং বীরং বসিষ্ঠসহিতো নৃপম্ ॥ 1 ॥
অচিংত্য়ান্যপ্রমেয়ানি কুলানি নরপুংগব ।
ইক্ষ্বাকূণাং বিদেহানাং নৈষাং তুল্য়োঽস্তি কশ্চন ॥ 2 ॥
সদৃশো ধর্মসংবংধঃ সদৃশো রূপসংপদা ।
রামলক্ষ্মণয়ো রাজন্ সীতা চোর্মিলয়া সহ ॥ 3 ॥
বক্তব্য়ং চ নরশ্রেষ্ঠ শ্রূযতাং বচনং মম ।
ভ্রাতা যবীয়ান্ ধর্মজ্ঞ এষ রাজা কুশধ্বজঃ ॥ 4 ॥
অস্য় ধর্মাত্মনো রাজন্ রূপেণাপ্রতিমং ভুবি ।
সুতাদ্বয়ং নরশ্রেষ্ঠ পত্ন্যর্থং বরয়ামহে ॥ 5 ॥
ভরতস্য় কুমারস্য় শত্রুঘ্নস্য় চ ধীমতঃ ।
বরয়ামস্সুতে রাজন্ তয়োরর্থে মহাত্মনোঃ ॥ 6 ॥
পুত্রা দশরথস্য়েমে রূপয়ৌবনশালিনঃ ।
লোকপালোপমাস্সর্বে দেবতুল্যপরাক্রমাঃ ॥ 7 ॥
উভয়োরপি রাজেংদ্র সংবংধেনানুবধ্যতাম্ ।
ইক্ষ্বাকোঃ কুলমব্যগ্রং ভবতঃপুণ্যকর্মণঃ ॥ 8 ॥
বিশ্বামিত্রবচ শ্শৃত্বা বসিষ্ঠস্য় মতে তদা ।
জনকঃ প্রাংজলির্বাক্যমুবাচ মুনিপুংগবৌ ॥ 9 ॥
কুলং ধন্যমিদং মন্য়ে যেষাং নো মুনিপুংগবৌ ।
সদৃশং কুলসংবংধং যদাজ্ঞাপযথঃ স্বযম্ ॥ 10 ॥
এবং ভবতু ভদ্রং বঃ কুশধ্বজসুতে ইমে ।
পত্ন্য়ৌ ভজেতাং সহিতৌ শত্রুঘ্নভরতাবুভৌ ॥ 11 ॥
একাহ্না রাজপুত্রীণাং চতসৃণাং মহামুনে ।
পাণীন্ গৃহ্ণংতু চত্বারো রাজপুত্রা মহাবলাঃ ॥ 12 ॥
উত্তরে দিবসে ব্রহ্মন্ ফল্গুনীভ্য়াং মনীষিণঃ ।
বৈবাহিকং প্রশংসংতি ভগো যত্র প্রজাপতিঃ ॥ 13 ॥
এবমুক্ত্বা বচস্সৌম্য়ং প্রত্য়ুত্থায় কৃতাংজলিঃ ।
উভৌ মুনিবরৌ রাজা জনকো বাক্যমব্রবীত্ ॥ 14 ॥
পরো ধর্মঃ কৃতো মহ্য়ং শিষ্য়োঽস্মিভবতো সদা ।
ইমান্য়াসনমুখ্য়ানি আসাতাং মুনিপুংগবৌ ॥ 15 ॥
যথা দশরথস্য়েয়ং তথাঽয়োধ্য়া পুরী মম ।
প্রভুত্বে নাস্তি সংদেহো যথার্হং কর্তুমর্হথ ॥ 16 ॥
তথা ব্রুবতি বৈদেহে জনকে রঘুনংদনঃ ।
রাজা দশরথো হৃষ্টঃ প্রত্য়ুবাচ মহীপতিম্ ॥ 17 ॥
যুবামসংখ্য়েযগুণৌ ভ্রাতরৌ মিথিলেশ্বরৌ ।
ঋষয়ো রাজসংঘাশ্চ ভবদ্ভ্য়ামভিপূজিতাঃ ॥ 18 ॥
স্বস্তি প্রাপ্নুহি ভদ্রং তে গমিষ্য়ামি স্বমালযম্ ।
শ্রাদ্ধকর্মাণি সর্বাণি বিধাস্য়ামীতি চাব্রবীত্ ॥ 19 ॥
তমাপৃষ্ট্বা নরপতিং রাজা দশরথস্তদা ।
মুনীংদ্রৌ তৌ পুরস্কৃত্য় জগামাশু মহাযশাঃ ॥ 20 ॥
স গত্বা নিলয়ং রাজা শ্রাদ্ধং কৃত্বা বিধানতঃ ।
প্রভাতে কাল্যমুত্থায় চক্রে গোদানমুত্তমম্ ॥ 21 ॥
গবাং শতসহস্রাণি ব্রাহ্মণেভ্য়ো নরাধিপঃ ।
একৈকশো দদৌ রাজা পুত্রানুদ্দিশ্য় ধর্মতঃ ॥ 22 ॥
সুবর্ণশ্রুংগা স্সংপন্না স্সবত্সাঃ কাংস্যদোহনাঃ ।
গবাং শতসহস্রাণি চত্বারি পুরুষর্ষভঃ ॥ 23 ॥
বিত্তমন্যচ্চ সুবহুদ্বিজেভ্য়ো রঘুনংদনঃ ।
দদৌ গোদানমুদ্দিশ্য় পুত্রাণাং পুত্রবত্সলঃ ॥ 24 ॥
স সুতৈঃ কৃতগোদানৈর্বৃতস্তু নৃপতিস্তদা ।
লোকপালৈরিবাভাতি বৃতঃ স্সৌম্য়ঃ প্রজাপতিঃ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে দ্বিসপ্ততিতমস্সর্গঃ ॥
