শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টাদশাধিকশততমস্সর্গঃ ।
সাত্বেবমুক্তা বৈদেহী অনসূয়াঽনসূযয়া ।
প্রতিপূজ্য় বচো মংদং প্রবক্তুমুপচক্রমে ॥ 1 ॥
নৈতদাশ্চর্যমার্য়ায়া যন্মাং ত্বমভিভাষসে ।
বিদিতংতু মমাপ্য়েতদ্যথা নার্য়াঃ পতির্গুরুঃ ॥ 2 ॥
যদ্যপ্য়েষ ভবেদ্ভর্তা মমাঽর্য়ে বৃত্তবর্জিতঃ ।
অদ্বৈধমুপচর্তব্যস্তথাপ্য়েষ ময়া ভবেত্ ॥ 3 ॥
কিং পুনর্য়ো গুণশ্লাঘ্য় স্সানুক্রোশো জিতেংদ্রিয়ঃ ।
স্থিরানুরাগো ধর্মাত্মা মাতৃবত্পিতৃবত্প্রিয়ঃ ॥ 4 ॥
যাং বৃত্তিং বর্ততে রামঃ কৌসল্য়ায়াং মহাবলঃ ।
তামেব নৃপনারীণামন্য়াসামপি বর্ততে ॥ 5 ॥
সকৃদ্দৃষ্টাস্বপি স্ত্রিষু নৃপেণ নৃপবত্সলঃ ।
মাতৃবদ্বর্ততে বীরো মানমুত্সৃজ্য় ধর্মবিত্ ॥ 6 ॥
আগচ্ছংত্য়াশ্চ বিজনং বনমেবং ভয়াবহম্ ।
সমাহিতং মে শ্বশ্র্বা চ হৃদয়ে তদ্ধৃতং মহত্ ॥ 7 ॥
পাণিপ্রদানকালে চ যত্পুরাত্বগ্নি সন্নিধৌ ।
অনুশিষ্টা জনন্য়াঽস্মি বাক্য়ং তদপি মে ধৃতম্ ॥ 8 ॥
নবীকৃতং তু তত্সর্বং বাক্য়ৈস্তে ধর্মচারিণি ।
পতিশুশ্রূষণান্নার্য়াস্তপো নান্যদ্বিধীযতে ॥ 9 ॥
সাবিত্রী পতিশুশ্রূষাং কৃত্বা স্বর্গে মহীযতে ।
তথাবৃত্তিশ্চ যাতা ত্বং পতিশুশ্রূষয়া দিবম্ ॥ 10 ॥
বরিষ্ঠা সর্বনারীণামেষা চ দিবি দেবতা ।
রোহিণী ন বিনাচংদ্রং মুহূর্তমপি দৃশ্যতে ॥ 11 ॥
এবংবিধাশ্চ প্রবরাঃ স্ত্রিয়ো ভর্তৃদৃঢব্রতাঃ ।
দেবলোকে মহীয়ংতে পুণ্য়েন স্বেন কর্মণা ॥ 12 ॥
ততোঽনসূয়া সংহৃষ্টা শ্রুত্বোক্তং সীতয়া বচঃ ।
শিরস্য়াঘ্রায় চোবাচ মৈথিলীং হর্ষয়ংত্য়ুত ॥ 13 ॥
নিযমৈর্বিবিধৈরাপ্তং তপো হি মহদস্তি মে ।
তত্সংশ্রিত্য় বলং সীতে ছংদয়ে ত্বাং শুচিব্রতে ॥ 14 ॥
উপপন্নং মনোজ্ঞং চ বচনং তব মৈথিলি ।
প্রীতা চাস্ম্য়ুচিতং কিং তে করবাণি ব্রবীহি মে ॥ 15 ॥
তস্য়াস্তদ্ বচনং শ্রূত্বা বিস্মিতা মংদবিস্ময়া ।
কৃতমিত্যব্রবীত্ সীতা তপোবলসমন্বিতাম্ ॥ 16 ॥
সা ত্বেবমুক্তা ধর্মজ্ঞা তয়া প্রীততরাঽভবত্ ।
সফলং চ প্রহর্ষং তে হংত সীতে করোম্যহম্ ॥ 17 ॥
ইদং দিব্য়ং বরং মাল্য়ং বস্ত্রমাভরণানি চ ।
অংগরাগং চ বৈদেহি মহার্হং চানুলেপনম্ ॥ 18 ॥
ময়া দত্তমিদং সীতে তব গাত্রাণি শোভয়েত্ ।
অনুরূপমসংক্লিষ্টং নিত্যমেব ভবিষ্যতি ॥ 19 ॥
অংগরাগেণ দিব্য়েন লিপ্তাংগী জনকাত্মজে ।
শোভয়িষ্যসি ভর্তারং যথা শ্রীর্বিষ্ণুমব্যযম্ ॥ 20 ॥
সা বস্ত্রমংগরাগং চ ভূষণানি স্রজস্তথা ।
মৈথিলী প্রতিজগ্রাহ প্রীতিদানমনুত্তমম্ ॥ 21 ॥
প্রতিগৃহ্য় চ তত্সীতা প্রীতিদানং যশস্বিনী ।
শ্লিষ্টাংজলিপুটা তত্র সমুপাস্ত তপোধনাম্ ॥ 22 ॥
তথা সীতামুপাসীনামনসূয়া দৃঢব্রতা ।
বচনং প্রষ্টুমারেভে কাংচিত্প্রিযকথামনু ॥ 23 ॥
স্বয়ং বরে কিল প্রাপ্তা ত্বমনেন যশস্বিনা ।
রাঘবেণেতি মে সিতে কথা শ্রুতিমুপাগতা ॥ 24 ॥
তাং কথাং শ্রোতুমিচ্ছামি বিস্তরেণ চ মৈথিলি ।
যথাঽনুভূতং কার্ত্স্ন্য়েন তন্মে ত্বং বক্তুমর্হসি ॥ 25 ॥
এবমুক্তা তু সা সীতা তাং ততো ধর্মচারিণীম্ ।
শ্রূযতামিতি চোক্ত্বা বৈ কথয়ামাস তাং কথাম্ ॥ 26 ॥
মিথিলাধিপতির্বীরো জনকো নাম ধর্মবিত্ ।
ক্ষত্রধর্মে হ্যভিরতো ন্য়াযতশ্শাস্তি মেদিনীম্ ॥ 27 ॥
তস্য় লাংগলহস্তন্য় কর্ষতঃ ক্ষেত্রমংডলম্ ।
অহং কিলোত্থিতা ভিত্বা জগতীং নৃপতেস্সুতা ॥ 28 ॥
স মাং দৃষ্ট্বা নরপতির্মুষ্টিবিক্ষেপতত্পরঃ ।
পাংসুকুংঠিতসর্বাংগীং জনকো বিস্মিতোঽভবত্ ॥ 29 ॥
অনপত্য়েন চ স্নেহাদংকমারোপ্য় চ স্বযম্ ।
মমেয়ং তনয়েত্য়ুক্ত্বা স্নেহো ময়ি নিপাতিতঃ ॥ 30 ॥
অংতরিক্ষে চ বাগুক্তাঽপ্রতিমাঽমানুষী কিল ।
এবমেতন্নরপতে ধর্মেণ তনয়া তব ॥ 31 ॥
ততঃ প্রহৃষ্টো ধর্মাত্মা পিতা মে মিথিলাধিপঃ ।
অবাপ্তো বিপুলাং বুদ্ধিং মামবাপ্য় নরাধিপঃ ॥ 32 ॥
দত্তা চাস্মীষ্টবদ্দেব্য়ৈ জ্য়েষ্ঠায়ৈ পুণ্যকর্মণা ।
তয়া সংভাবিতা চাস্মি স্নিগ্ধয়া মাতৃসৌহৃদাত্ ॥ 33 ॥
পতিসংয়োগসুলভং বয়ো দৃষ্ট্বা তু মে পিতা ।
চিংতামভ্যগমদ্ধীনো বিত্তনাশাদিবাধনঃ ॥ 34 ॥
সদৃশাচ্চাপকৃষ্টাচ্চ লোকে কন্য়াপিতা জনাত্ ।
প্রধর্ষণামবাপ্নোতি শক্রেণাপি সমো ভুবি ॥ 35 ॥
তাং ধর্ষণামদূরস্থাং দৃষ্ট্বা চাত্মনি পার্থিবঃ ।
চিংতার্ণবগতঃ পারং নাসসাদাপ্লবো যথা ॥ 36 ॥
অয়োনিজাং হি মাং জ্ঞাত্বা নাধ্যগচ্ছদ্বিচিংতযন্ ।
সদৃশং চানুরূপং চ মহীপালঃ পতিং মম ॥ 37 ॥
তস্য় বুদ্ধিরিয়ং জাতা চিংতয়ানস্য় সংততম্ ।
স্বয়ংবরং তনূজায়াঃ করিষ্য়ামীতি ধীমতঃ ॥ 38 ॥
মহাযজ্ঞে তদা তস্য় বরুণেন মহাত্মনা ।
দত্তং ধনুর্বরং প্রীত্য়া তূণী চাক্ষযসাযকৌ ॥ 39 ॥
অসংচাল্য়ং মনুষ্য়ৈশ্চ যত্নেনাপি চ গৌরবাত্ ।
তন্ন শক্তা নময়িতুং স্বপ্নেষ্বপি নরাধিপাঃ ॥ 40 ॥
তদ্ধনুঃ প্রাপ্য় মে পিত্রা ব্য়াহৃতং সত্যবাদিনা ।
সমবায়ে নরেংদ্রাণাং পূর্বমামংত্র্য় পার্থিবান্ ॥ 41 ॥
ইদং চ ধনুরুদ্যম্য় সজ্য়ং যঃ কুরুতে নরঃ ।
তস্য় মে দুহিতা ভার্য়া ভবিষ্যতি ন সংশয়ঃ ॥ 42 ॥
তচ্চ দৃষ্ট্বা ধনুশ্শ্রেষ্ঠং গৌরবাদ্গিরিসন্নিভম্ ।
অভিবাদ্য় নৃপা জগ্মুরশক্তাস্তস্য় তোলনে ॥ 43 ॥
সুদীর্ঘস্য় তু কালস্য় রাঘবোঽয়ং মহাদ্য়ুতিঃ ।
বিশ্বামিত্রেণ সহিতো যজ্ঞং দ্রষ্টুং সমাগতঃ ॥ 44 ॥
লক্ষ্মণেন সহ ভ্রাত্রা রাম স্সত্যপরাক্রমঃ ।
বিশ্বামিত্রস্তু ধর্মাত্মা মম পিত্রা সুপূজিতঃ ॥ 45 ॥
প্রোবাচ পিতরং তত্র ভ্রাতরৌ রামলক্ষ্মণৌ ।
সুতৌ দশরথস্য়েমৌ ধনুর্দর্শকাংক্ষিণৌ ।
ধনুর্দর্শয় রামায় রাজপুত্রায় দৈবিকম্ ॥ 46 ॥
ইত্য়ুক্তস্তেন বিপ্রেণ তদ্ধনুস্সমুপানযত্ ॥ 47 ॥
নিমেষাংতরমাত্রেণ তদাঽনম্য় মহাবলঃ ।
জ্য়াং সমারোপ্য় ঝডিতি পূরয়ামাস বীর্যবান্ ॥ 48 ॥
তেন পূরযতা বেগান্মধ্য়ে ভগ্নং দ্বিধা ধনুঃ ।
তস্য় শব্দো ভবদ্ভীমঃ পতিতস্য়াশনেরিব ॥ 49 ॥
ততোঽহং তত্র রামায় পিত্রা সত্য়াভিসংধিনা ।
নিশ্চিতা দাতুমুদ্যম্য় জলভাজনমুত্তমম্ ॥ 50 ॥
দীযমানাং ন তু তদা প্রতিজগ্রাহ রাঘবঃ ।
অবিজ্ঞায় পিতুশ্ছংদময়োধ্য়াঽধিপতেঃ প্রভোঃ ॥ 51 ॥
তত শ্শ্বশুরমামংত্র্য় বৃদ্ধং দশরথং নৃপম্ ।
মম পিত্রা ত্বহং দত্তা রামায় বিদিতাত্মনে ॥ 52 ॥
মম চৈবানুজা সাধ্বী ঊর্মিলা প্রিযদর্শনা ।
ভার্য়ার্থে লক্ষ্মণস্য়াপি দত্তা পিত্রা মম স্বযম্ ॥ 53 ॥
এবং দত্তাঽস্মি রামায় তদা তস্মিন্স্বয়ংবরে ।
অনুরক্তাঽস্মি ধর্মেণ পতিং বীর্যবতাং বরম্ ॥ 54 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টাদশাধিকশততমস্সর্গঃ ॥
