শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বাত্রিংশস্সর্গঃ ।
ততশ্শাসন মাজ্ঞায় ভ্রাতু শ্শুভতরং প্রিযম্ ।
গত্বা স প্রবিবেশাশু সুযজ্ঞস্য় নিবেশনম্ ॥ 1 ॥
তং বিপ্রমগ্ন্যগারস্থং বংদিত্বা লক্ষ্মণোঽব্রবীত্ ।
সখেঽভ্য়াগচ্ছ পশ্য় ত্বং বেশ্ম দুষ্করকারিণঃ ॥ 2 ॥
ততস্সংধ্য়ামুপাস্য়াশু গত্বা সৌমিত্রিণা সহ ।
জুষ্টং তত্প্রাবিশল্লক্ষ্ম্য়া রম্য়ং রামনিবেশনম্ ॥ 3 ॥
তমাগতং বেদবিদং প্রাংজলিস্সীতয়া সহ ।
সুযজ্ঞমভিচক্রাম রাঘবোঽগ্নিমিবার্চিতম্ ॥ 4 ॥
জাতরূপময়ৈর্মুখ্য়ৈরংগদৈঃ কুংডলৈঃ শুভৈঃ ।
সহেমসূত্রৈর্মণিভিঃ কেয়ূরৈর্বলয়ৈরপি ॥ 5 ॥
অন্য়ৈশ্চ রত্নৈর্বহুভিঃ কাকুত্স্থঃ প্রত্যপূজযত্ ।
সুযজ্ঞং স তদোবাচ রামস্সীতা প্রচোদিতঃ ॥ 6 ॥
হারং চ হেমসূত্রং চ ভার্য়ায়ৈ সৌম্য় হারয় ।
রশনাং চাধুনা সীতা দাতুমিচ্ছতি তে সখে ॥ 7 ॥
অংগদানি বিচিত্রাণি কেয়ূরাণি শুভানি চ ।
প্রযচ্ছতি সখে তুভ্য়ং ভার্য়ায়ৈ গচ্ছতী বনম্ ॥ 8 ॥
পর্য়ংকমগ্য়্রাস্তরণং নানারত্নবিভূষিতম্ ।
তমপীচ্ছতি বৈদেহী প্রতিষ্ঠাপয়িতুং ত্বয়ি ॥ 9 ॥
নাগ শ্শত্রুংজয়ো নাম মাতুলোঽয়ং দদৌ মম ।
তং তে গজসহস্রেণ দদামি দ্বিজসত্তম ॥ 10 ॥
ইত্য়ুক্তস্স হি রামেণ সুযজ্ঞঃ প্রতিগৃহৃযতত্ ।
রামলক্ষ্মণসীতানাং প্রয়ুয়োজাশিষ শ্শুভাঃ ॥ 11 ॥
অথ ভ্রাতরমব্যগ্রং প্রিয়ং রামঃ প্রিয়ংবদঃ ।
সৌমিত্রিং তমুবাচেদং ব্রহ্মেব ত্রিদশেশ্বরম্ ॥ 12 ॥
অগস্ত্য়ং কৌশিকং চৈব তাবুভৌ ব্রাহ্মণোত্তমৌ ।
অর্চয়াহূয় সৌমিত্রে রত্নৈস্সস্যমিবাংবুভিঃ ॥ 13 ॥
তর্পযস্ব মহাবাহো গোসহস্রৈশ্চ মানদ ।
সুবর্ণৈ রজতৈশ্চৈব মণিভিশ্চ মহাধনৈঃ ॥ 14 ॥
কৌসল্য়াং চ য আশীর্ভির্ভক্তঃ পর্য়ুপতিষ্ঠতি ।
আচার্যস্তৈত্তিরীয়াণামভিরূপশ্চ বেদবিত্ ॥ 15 ॥
তস্য় যানং চ দাসীশ্চ সৌমিত্রে সংপ্রদাপয় ।
কৌশেয়ানি চ বস্ত্রাণি যাবত্তুষ্যতি স দ্বিজঃ ॥ 16 ॥
সূতশ্চিত্ররথশ্চার্য় সচিবস্সুচিরোষিতঃ ।
তোষয়ৈনং মহার্হৈশ্চ রত্নৈর্বস্ত্রৈর্ধনৈস্তথা ॥ 17 ॥
পশুকাভিশ্চ সর্বাভির্গবাং দশশতেন চ ।
যে চেমে কঠকালাপা বহবো দংডমাণবাঃ ॥ 18 ॥
নিত্যস্বাধ্য়াযশীলত্বান্নান্যত্কুর্বংতি কিংচন ।
অলসা স্বাদুকামাশ্চ মহতাং চাপি সম্মতাঃ ॥ 19 ॥
তেষামশীতিয়ানানি রত্নপূর্ণানি দাপয় ।
শালিবাহসহস্রং চ দ্বে শতে ভদ্রকাং স্তথা ॥ 20 ॥
ব্য়ংজনার্থং চ সৌমিত্রে গোসহস্রমুপাকুরু ।
মেখলীনাং মহাসংঘঃ কৌসল্য়াং সমুপস্থিতঃ ॥ 21 ॥
তেষাং সহস্রং সৌমিত্রে প্রত্য়েকং সংপ্রদাপয় ।
অংবা যথা চ সা নংদেত্কৌসল্য়া মম দক্ষিণাম্ ॥ 22 ॥
তথা দ্বিজাতীস্তা ন্সর্বান্ লক্ষ্মণার্চয় সর্বশঃ ।
তত স্সপুরুষব্য়াঘ্রস্তদ্ধনং লক্ষ্মণঃ স্বযম্ ॥ 23 ॥
যথোক্তং ব্রাহ্মণেংদ্রাণাংমদদাদ্ধনদো যথা ।
অথাঽব্রবীদ্বাষ্পকলাংস্তিষ্ঠতশ্চোপজীবিনঃ ॥ 24 ॥
সংপ্রদাযবহুদ্রব্যমেকৈকস্য়োপজীবনম্ ।
লক্ষ্মণস্য় চ যদ্বেশ্ম গৃহং চ যদিদং মম ॥ 25 ॥
অশূন্য়ং কার্যমেকৈকং যাবদাগমনং মম ।
ইত্য়ুক্ত্বা দুঃখিতং সর্বং জনং তমুপজীবিনম্ ॥ 26 ॥
উবাচেদং ধনাধ্যক্ষং ধনমানীযতামিতি ।
ততোঽস্য় ধনমাজহ্রুস্সর্বমেবোপজীবিনঃ ॥ 27 ॥
স রাশিস্সুমহাংস্তত্র দর্শনীয়ো হ্যদৃশ্যত ।
ততস্সপুরুষব্য়াঘ্র স্তদ্ধনং সহলক্ষ্মণঃ ॥ 28 ॥
দ্বিজেভ্য়ো বালবৃদ্ধেভ্য়ঃ কৃপণেভ্য়োঽহ্যদাপযত্ ।
তত্রাসীত্পিংগলো গার্গ্যস্ত্রিজটো নাম বৈ দ্বিজঃ ॥ 29 ॥
ক্ষতবৃত্তির্বনে নিত্য়ং ফালকুদ্দাললাংগলী ।
তং বৃদ্ধং তরুণী ভার্য়া বালানাদায় দারকান্ ॥ 30 ॥
অব্রবীদ্বাহ্মণং বাক্য়ং দারিদ্র্য়েণাভিপীডিতা ।
অপাস্য় ফালং কুদ্দালং কুরুষ্ব বচনং মম ॥ 31 ॥
রামং দর্শয় ধর্মজ্ঞং যদি কিংচিদবাপ্স্যসি ।
স ভার্য়াবচনং শ্রুত্বা শাটীমাচ্ছাদ্য় দুশ্ছদাম্ ॥ 32 ॥
স প্রাতিষ্ঠত পংথানং যত্র রামনিবেশনম্ ।
ভৃগ্বংগিরসমং দীপ্ত্য়া ত্রিজটং জনসংসদি ॥ 33 ॥
আপংচমায়াঃ কক্ষ্য়ায়াঃ নৈনং কশ্চিদবারযত্ ।
স রাজপুত্রমাসাদ্য় ত্রিজটো বাক্যমব্রবীত্ ॥ 34 ॥
নির্ধনো বহুপুত্রোঽস্মি রাজপুত্র মহাযশঃ ।
উংছবৃত্তির্বনে নিত্য়ং প্রত্যবেক্ষস্ব মামিতি ॥ 35 ॥
তমুবাচ ততো রামঃ পরিহাস সমন্বিতম্ ।
গবাং সহস্রমপ্য়েকং ন নু বিশ্রাণিতং ময়া ॥ 36 ॥
পরিক্ষিপসি দংডেন যাবত্তাবদবাপ্স্যসি ।
স শাটীং ত্বরিতঃ কট্য়াং সংভ্রাংতঃ পরিবেষ্ট্য় তাম্ ॥ 37 ॥
আবিদ্ধ্য় দংডং চিক্ষেপ সর্বপ্রাণেন বেগিতঃ ।
স তীর্ত্বা সরয়ূপারং দংডস্তস্য় করাচ্চ্য়ুতঃ ॥ 38 ॥
গোব্রজে বহুসাহস্রে পপাতোক্ষণসন্নিধৌ ।
তং পরিষ্বজ্য় ধর্মাত্মা আতস্মাত্সরয়ূতটাত্ ॥ 39 ॥
আনয়ামাস তা গোপৈ স্ত্রিজটায়াশ্রমং প্রতি ।
উবাচ স ততো রামস্তং গার্গ্যমভিসাংত্বযন্ ।
মন্য়ুর্ন খলু কর্তব্য়ঃ পরিহাসো হ্যয়ং মম ॥ 40 ॥
ইদং হি তেজস্তব যদ্দুরত্যয়ং তদেব জিজ্ঞাসিতুমিচ্ছতা ময়া ।
ইমং ভবানর্থমভি প্রচোদিতো বৃণীষ্ব কিং চেদপরং ব্যবস্যতি ॥ 41 ॥
ব্রবীমি সত্য়েন নতেঽস্তি যংত্রণা ধনং হি যদ্যন্মম বিপ্রকারণাত্ ।
ভবত্সু সম্যক্প্রতিপাদনেন ত ন্ময়ার্জিতং প্রীতিযশস্করং ভবেত্ ॥ 42 ॥
তত স্সভার্য় স্ত্রিজটো মহামুনি র্গবামনীকং প্রতিগৃহ্য় মোদিতঃ ।
যশোবলপ্রীতিসুখোপবৃংহণী স্তদাশিষঃ প্রত্যবদন্মহাত্মনঃ ॥ 43 ॥
স চাপি রামঃ প্রতিপূর্ণমানসো মহদ্ধনং ধর্মবলৈরুপার্জিতম্ ।
নিয়োজয়ামাস সুহৃজ্জনেঽচিরা দ্যথার্হসম্মানবচঃ প্রচোদিতঃ ॥ 44 ॥
দ্বিজ স্সুহৃদ্ভৃত্যজনোঽথবা তদা দরিদ্রভিক্ষাচরণশ্চ যোঽভবত্ ।
ন তত্র কশ্চিন্ন বভূব তর্পিতো যথার্হসম্মানন দান সংভ্রমৈঃ ॥ 45 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বাত্রিংশস্সর্গঃ ॥
