শ্রীমদ্বাল্মীকীয় রামাযণে অয়োধ্য়াকাংডম্ ।
অথ একপংচাশস্সর্গঃ ।
তং জাগ্রতমদংভেন ভ্রাতুরর্থায় লক্ষ্মণম্ ।
গুহঃ সংতাপসংতপ্তো রাঘবং বাক্যমব্রবীত্ ॥ 1 ॥
ইয়ং তাত সুখা শয়্য়া ত্বদর্থমুপকল্পিতা ।
প্রত্য়াশ্বসিহি সাধ্বস্য়াং রাজপুত্র যথাসুখম্ ॥ 2 ॥
উচিতোঽয়ং জনস্সর্বঃ ক্লেশানাং ত্বং সুখোচিতঃ ।
গুপ্ত্যর্থং জাগরিষ্য়ামঃ কাকুত্স্থস্য় বয়ং নিশাম্ ॥ 3 ॥
ন হি রামাত্প্রিযতমো মমাস্তি ভুবি কশ্চন ।
ব্রবীম্য়েতদহং সত্য়ং সত্য়েনৈব চ তে শপে ॥ 4 ॥
অস্য় প্রসাদাদাশংসে লোকেস্মিন্ সুমুহদ্যশঃ ।
ধর্মাবাপ্তিং চ বিপুলামর্থাবাপ্তিং চ কেবলম্ ॥ 5 ॥
সোঽহং প্রিযসখং রামং শয়ানং সহ সীতয়া ।
রক্ষিষ্য়ামি ধনুষ্পাণি স্সর্বতো জ্ঞাতিভি স্সহ ॥ 6 ॥
ন হি মেঽবিদিতং কিংচিদ্বনেঽস্মিংশ্চরতস্সদা ।
চতুরংগং হ্যপিবলং সুমহত্প্রসহেমহি ॥ 7 ॥
লক্ষ্মণস্তং তদোবাচ রক্ষ্যমাণাস্ত্বয়ানঘ ।
নাত্র ভীতা বয়ং সর্বে ধর্মমেবানুপশ্যতা ॥ 8 ॥
কথং দশরথৌ ভূমৌ শয়ানে সহ সীতয়া ।
শক্য়া নিদ্রা ময়া লব্ধুং জীবিতং বা সুখানি বা ॥ 9 ॥
যো ন দেবাসুরৈঃ সর্বৈঃ শক্য়ঃ প্রসহিতুং যুধি ।
তং পশ্য় সুখসংবিষ্টং তৃণেষু সহ সীতয়া ॥ 10 ॥
যো মংত্রতপসা লব্ধো বিবিধৈশ্চ পরাশ্রমৈঃ ।
একো দশরথস্য়েষ্টঃ পুত্রঃ সদৃশলক্ষণঃ ॥ 11 ॥
অস্মিন্ প্রব্রাজিতে রাজা ন চিরং বর্তয়িষ্যতি ।
বিধবা মেদিনী নূনং ক্ষিপ্রমেব ভবিষ্যতি ॥ 12 ॥
বিনদ্য় সুমহানাদং শ্রমেণোপরতাঃ স্ত্রিয়ঃ ।
নির্ঘোষোপরতং চাতো মন্য়ে রাজনিবেশনম্ ॥ 13 ॥
কৌশল্য়া চৈব রাজা চ তথৈব জননী মম ।
নাশংসে যদি জীবংতি সর্বে তে শর্বরীমিমাম্ ॥ 14 ॥
জীবেদপি হি মে মাতা শত্রুঘ্নস্য়ান্ববেক্ষয়া ।
তদ্দুঃখং যত্তু কৌশল্য়া বীরসূর্বিনশিষ্যতি ॥ 15 ॥
অনুরক্তজনাকীর্ণা সুখালোকপ্রিয়াবহা ।
রাজব্যসনসংসৃষ্টা সা পুরী বিনশিষ্যতি ॥ 16 ॥
কথং পুত্রং মহাত্মানং জ্য়েষ্ঠং প্রিযমপশ্যতঃ ।
শরীরং ধারয়িষ্য়ংতি প্রাণা রাজ্ঞো মহাত্মনঃ ॥ 17 ॥
বিনষ্টে নৃপতৌ পশ্চাত্কৌসল্য়া বিনশিষ্যতি ।
অনংতরং চ মাতাঽপি মম নাশমুপৈষ্যতি ॥ 18 ॥
অতিক্রাংতমতিক্রাংতমনবাপ্য় মনোরথম্ ।
রাজ্য়ে রামমনিক্ষিপ্য় পিতা মে বিনশিষ্যতি ॥ 19 ॥
সিদ্ধার্থাঃ পিতরং বৃত্তং তস্মিন্কালেঽপ্য়ুপস্থিতে ।
প্রেতকার্য়েষু সর্বেষু সংস্করিষ্য়ংতি ভূমিপম্ ॥ 20 ॥
রম্যচত্বরসংস্থানাং সুবিভক্তমহাপথাম্ ।
হর্ম্যপ্রাসাদসংপন্নাং গণিকাবরশোভিতাম্ ॥ 21 ॥
রথাশ্বগজসংবাধাং তূর্যনাদবিনাদিতাম্ ।
সর্বকল্য়াণসংপূর্ণাং হৃষ্টপুষ্টজনাকুলাম্ ॥ 22 ॥
আরামোদ্য়ানসংপন্নাং সমাজোত্সবশালিনীম্ ।
সুখিতা বিচরিষ্য়ংতি রাজধানীং পিতুর্মম ॥ 23 ॥
অপি জীবেদ্দশরথো বনবাসাত্পুনর্বযম্ ।
প্রত্য়াগম্য় মহাত্মানমপি পশ্য়েম সুব্রতম্ ॥ 24 ॥
অপি সত্যপ্রতিজ্ঞেন সার্ধং কুশলিনা বযম্ ।
নিবৃত্তে বনবাসেঽস্মিন্নয়োধ্য়াং প্রবিশেমহি ॥ 25 ॥
পরিদেবযমানস্য় দুখার্তস্য় মহাত্মনঃ ।
তিষ্ঠতো রাজপুত্রস্য় শর্বরী সাঽত্যবর্তত ॥ 26 ॥
তথা হি সত্য়ং ব্রুবতি প্রজাহিতে নরেংদ্রপুত্রে গুরুসৌহৃদাদ্গুহঃ ।
মুমোচ বাষ্পং ব্যসনাভিপীডিতো জ্বরাতুরো নাগ ইব ব্যথাতুরঃ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একপংচাশস্সর্গঃ ॥
