শ্রীমদ্বাল্মীকীয় রামাযণে অয়োধ্য়াকাংডম্ ।
অথ একষষ্টিতমস্সর্গঃ ।
বনং গতে ধর্মপরে রামে রমযতাং বরে ।
কৌসল্য়া রুদতী স্বার্তা ভর্তারমিদমব্রবীত্ ॥ 1 ॥
যদ্যপি ত্রিষু লোকেষু প্রথিতং তে মহদ্যশঃ ।
সানুক্রোশো বদান্যশ্চ প্রিযবাদী চ রাঘবঃ ॥ 2 ॥
কথং নরবরশ্রেষ্ঠ পুত্রৌ তৌ সহ সীতয়া ।
দুঃখিতৌ সুখসংবৃদ্ধৌ বনে দুঃখং সহিষ্যতঃ ॥ 3 ॥
সা নূনং তরুণী শ্য়ামা সুকুমারী সুখোচিতা ।
কথমুষ্ণং চ শীতং চ মৈথিলী প্রসহিষ্যতে ॥ 4 ॥
ভুক্ত্বাঽশনং বিশালাক্ষী সূপদং শান্বিতং শুভম্ ।
বন্য়ং নৈবারমাহারং কথং সীতোপভোক্ষ্যতে ॥ 5 ॥
গীতবাদিত্রনির্ঘোষং শ্রুত্বা শুভমনিংদিতা ।
কথং ক্রব্য়াদসিংহানাং শব্দং শ্রোষ্যত্যশোভনম্ ॥ 6 ॥
মহেংদ্রধ্বজসংকাশঃ ক্ব নু শেতে মহাভুজঃ ।
ভুজং পরিঘসংকাশমুপধায় মহাবলঃ ॥ 7 ॥
পদ্মবর্ণং সুকেশাংতং পদ্মনিশ্শ্বাসমুত্তমম্ ।
কদা দ্রক্ষ্য়ামি রামস্য় বদনং পুষ্করেক্ষণম্ ॥ 8 ॥
বজ্রসারময়ং নূনং হৃদয়ং মে ন সংশয়ঃ ।
অপশ্য়ংত্য়া ন তং যদ্বৈ ফলতীদং সহস্রধা ॥ 9 ॥
যত্ত্বয়াঽকরুণং কর্ম ব্যপোহ্য় মম বাংধবাঃ ।
নিরস্তাঃ পরিধাবংতি সুখার্হাঃ কৃপণা বনে ॥ 10 ॥
যদি পংচদশে বর্ষে রাঘবঃ পুনরেষ্যতি ।
জহ্য়াদ্রাজ্য়ং চ কোষং চ ভরতো নোপলক্ষযতে ॥ 11 ॥
ভোজয়ংতি কিল শ্রাদ্ধে কেচিত্স্বানেব বাংধবান্ ।
ততঃ পশ্চাত্সমীক্ষংতে কৃতকার্য়া দ্বিজর্ষভান্ ॥ 12 ॥
তত্র যে গুণবংতশ্চ বিদ্বাংসশ্চ দ্বিজাতয়ঃ ।
ন পশ্চাত্তেঽভিমন্য়ংতে সুধামপি সুরোপমাঃ ॥ 13 ॥
ব্রাহ্মণেষ্বপি তৃপ্তেষু পশ্চাদ্ভোক্তুং দ্বিজর্ষভাঃ ।
নাভ্য়ুপৈতুমলং প্রাজ্ঞা শ্শৃংগচ্ছেদমিবর্ষভাঃ ॥ 14 ॥
এবং কনীযসা ভ্রাত্রা ভুক্তং রাজ্য়ং বিশাংপতে ।
ভ্রাতা জ্য়েষ্ঠো বরিষ্ঠশ্চ কিমর্থং নাবমংস্যতে ॥ 15 ॥
ন পরেণাঽহৃতং ভক্ষ্য়ং ব্য়াঘ্রঃ খাদিতুমিচ্ছতি ।
এবমেতন্নরব্য়াঘ্রঃ পরলীঢং ন মন্যতে ॥ 16 ॥
হবিরাজ্য়ং পুরোডাশাঃ কুশা যূপাশ্চ খাদিরাঃ ।
নৈতানি যাতয়ামানি কুর্বংতি পুনরধ্বরে ॥ 17 ॥
তথা হ্য়াত্তমিদং রাজ্য়ং হৃতসারাং সুরামিব ।
নাভিমংতুমলং রামো নষ্টসোমমিবাধ্বরম্ ॥ 18 ॥
ন চেমাং ধর্ষণাং রাম সংগচ্ছেদত্যমর্ষণঃ ।
দারয়েন্মংদরমপি স হি ক্রুদ্ধশ্শিতৈশ্শরৈঃ ॥ 19 ॥
ত্বাং তু নোত্সহতে হংতুং মহাত্মা পিতৃগৌরবাত্ ।
সসোমার্কগ্রহগণং নভস্তারাবিচিত্রিতম্ ॥ 20 ॥
পাতয়েদ্য়োদিবং ক্রুদ্ধস্সত্বাং ন ব্যতিবর্ততে ।
প্রক্ষোভয়েদ্বারয়ে দ্বা মহীং শৈলশতাচিতাম্ ॥ 21 ॥
নৈবং বিধমসত্কারং রাঘবো মর্ষয়িষ্যতি ।
বলবানিব শার্দূলো বালধেরভিমর্শনম্ ॥ 22 ॥
নৈতস্য় সহিতা লোকা ভয়ং কুর্য়ুর্মহামৃথে ।
অধর্মংত্বিহ ধর্মাত্মা লোকং ধর্মেণ যোজয়েত্ ॥ 23 ॥
নন্বসৌ কাংচনৈর্বাণৈর্মহাবীর্য়ো মহাভুজঃ ।
যুগাংত ইব ভূতানি সাগরানপি নির্দহেত্ ॥ 24 ॥
স তাদৃশস্সিংহবলো বৃষভাক্ষো নরর্ষভঃ ।
স্বযমেব হতঃ পিত্রা জলজেনাত্মজো যথা ॥ 25 ॥
দ্বিজাতিচরিতো ধর্মশ্শাস্ত্রদৃষ্টস্সনাতনঃ ।
যদি তে ধর্মনিরতে ত্বয়া পুত্রে বিবাসিতে ॥ 26 ॥
গতিরেকা পতির্নার্য়া দ্বিতীয়া গতিরাত্মজঃ ।
তৃতীয়া জ্ঞাতয়ো রাজংশ্চতুর্থী নেহ বিদ্যতে ॥ 27 ॥
তত্র ত্বং চৈব মে নাস্তি রামশ্চ বনমাশ্রিতঃ ।
ন বনং গংতুমিচ্ছামি সর্বথা নিহতা ত্বয়া ॥ 28 ॥
হতং ত্বয়া রাজ্যমিদং সরাষ্ট্রং হতস্তথাঽত্মা সহ মংত্রিভিশ্চ ।
হতা সপুত্রাঽস্মি হতাশ্চ পৌরাস্সুত শ্চ ভার্য়া চ তব প্রহৃষ্টৌ ॥ 29 ॥
ইমাং গিরং দারুণশব্দ সংশ্রিতাং নিশম্য় রাজাঽপি মুমোহ দুঃখিতঃ ।
তত স্স শোকং প্রবিবেশ পার্থিবস্স্বদুষ্কৃতং চাপি পুনস্তদা স্মরন্ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একষষ্টিতমস্সর্গঃ ॥
