শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বিষষ্টিতমস্সর্গঃ ।
এবং তু ক্রুদ্ধয়া রাজা রামমাত্রা সশোকয়া ।
শ্রাবিতঃ পরুষং বাক্য়ং চিংতয়ামাস দুঃখিতঃ ॥ 1 ॥
চিংতয়িত্বা স চ নৃপো মুমোহ ব্য়াকুলেংদ্রিয়ঃ ।
অথ দীর্ঘীণ কালেন সংজ্ঞামাপ পরংতপঃ ॥ 2 ॥
স সংজ্ঞামুপলভ্য়ৈব দীর্ঘমুষ্ণং চ নিশ্শ্বসন্ ।
কৌসল্য়াং পার্শ্বতো দৃষ্ট্বা পুন শ্চিংতামুপাগমত্ ॥ 3 ॥
তস্য় চিংতযমানস্য় প্রত্য়াভাত্কর্ম দুষ্কৃতম্ ।
যদনেন কৃতং পূর্বমজ্ঞানাচ্ছব্দবেধিনা ॥ 4 ॥
অমনাস্তেন শোকেন রামশোকেন চ প্রভুঃ ।
দ্বাভ্য়ামপি মহারাজ শ্শোকাভ্য়ামন্বতপ্যত ॥ 5 ॥
দহ্য়ামান স্সশোকাভ্য়াং কৌসল্য়ামাহ ভূপতিঃ ।
বেপমানোঽংজলিং কৃত্বা প্রসাদার্থমবাঙ্মুখঃ ॥ 6 ॥
প্রসাদয়ে ত্বাং কৌসল্য়ে রচিতোঽয়ং ময়াঽংজলিঃ ।
বত্সলা চানৃশংসা চ ত্বং হি নিত্য়ং পরেষ্বপি ॥ 7 ॥
ভর্তা তু খলু নারীণাং গুণবান্নির্গুণোঽপি বা ।
ধর্মং বিমৃশমানানাং প্রত্যক্ষং দেবি দৈবতম্ ॥ 8 ॥
সা ত্বং ধর্মপরা নিত্য়ং দৃষ্টলোক পরাবরা ।
নার্হসে বিপ্রিয়ং বক্তুং দুখিঃতাঽপি সুদুঃখিতম্ ॥ 9 ॥
তদ্বাক্য়ং করুণং রাজ্ঞঃ শ্রুত্বা দীনস্য় ভাষিতম্ ।
কৌসল্য়া ব্যসৃজদ্বাষ্পং প্রণালীব নবোদকম্ ॥ 10 ॥
সা মূর্ধ্নিবধ্বা রুদতী রাজ্ঞঃ পদ্মমিবাংজলিম্ ।
সংভ্রমাদব্রবীত্ ত্রস্তা ত্বরমাণাক্ষরং বচঃ ॥ 11 ॥
প্রসীদ শিরসা যাচে ভূমৌ নিপতিতাস্মি তে ।
যাচিতাস্মি হতা দেব ক্ষংতব্য়াঽহং ন হি ত্বয়া ॥ 12 ॥
নৈষা হি সা স্ত্রী ভবতি শ্লাঘনীয়েন ধীমতা ।
উভয়োর্লোকয়োর্বীর পত্য়া যা সম্সাদ্যতে ॥ 13 ॥
জানামি ধর্মং ধর্মজ্ঞ ত্বাং জানে সত্যবাদিনম্ ।
পুত্রশোকার্তয়া তত্তু ময়া কিমপি ভাষিতম্ ॥ 14 ॥
শোকো নাশযতে ধৈর্য়ং শোকো নাশযতে শ্রুতম্ ।
শোকো নাশযতে সর্বং নাস্তি শোকসমো রিপুঃ ॥ 15 ॥
শক্য় আপতিত স্সোঢুং প্রহারো রিপুহস্ততঃ ।
সোঢুংমাপতিতশ্শোকস্সুসূক্ষ্মোঽপি ন শক্যতে ॥ 16 ॥
ধর্মজ্ঞা শ্শ্রুতিমংতোঽপি ছিন্নধর্মার্থসংশয়াঃ ।
যতয়ো বীর মুহ্য়ংতি শোকসম্মূঢচেতসঃ ॥ 17 ॥
বনবাসায় রামস্য় পংচরাত্রোঽদ্য় গণ্যতে ।
য শ্শোকহতহর্ষায়াঃ পংচবর্ষোপমো মম ॥ 18 ॥
তং হি চিংতযমানায়া শ্শোকোঽয়ং হৃদি বর্ধতে ।
নদীনামিব বেগেন সমুদ্রসলিলং মহত্ ॥ 19 ॥
এবং হি কথয়ংত্য়াস্তু কৌসল্য়ায়াশ্শুভং বচঃ ।
মংদরশ্মিরভূত্সূর্য়ো রজনী চাভ্যবর্তত ॥ 20 ॥
তথা প্রসাদিতো বাক্য়ৈর্দেব্য়া কৌসল্যয়া নৃপঃ ।
শোকেন চ সমাক্রাংতো নিদ্রায়া বশংতোমেয়িবান্ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বিষষ্টিতমস্সর্গঃ ॥
