শ্রীমদ্বাল্মীকীয় রামাযণে অয়োধ্য়াকাংডম্ ।
অথ একোনসপ্ততিতমস্সর্গঃ ।
যামেব রাত্রিং তে দূতাঃ প্রবিশংতি স্ম তাং পুরীম্ ।
ভরতেনাপি তাং রাত্রিং স্বপ্নো দৃষ্টোঽযমপ্রিয়ঃ ॥ 1 ॥
ব্য়ুষ্টামেব তু তাং রাত্রিং দৃষ্ট্বা তং স্বপ্নমপ্রিযম্ ।
পুত্রো রাজাধিরাজস্য় সুভৃশং পর্যতপ্যত ॥ 2 ॥
তপ্যমানং সমাজ্ঞায় বযস্য়াঃ প্রিযবাদিনঃ ।
আয়াসং হি বিনেষ্য়ংত স্সভায়াং চক্রিরে কথাঃ ॥ 3 ॥
বাদয়ংতি তথা শাংতিং লাস যংত্যপি চাপরে ।
নাটকান্যপরে প্রাহুর্হাস্য়ানি বিবিধানি চ ॥ 4 ॥
স তৈর্মহাত্মা ভরতস্সখিভিঃ প্রিযবাদিভিঃ ।
গোষ্ঠীহাস্য়ানি কুর্বদ্ভির্ন প্রাহৃষ্যত রাঘবঃ ॥ 5 ॥
তমব্রবীত্প্রিযসখো ভরতং সখিভির্বৃতম্ ।
সুহৃদ্ভিঃ পর্য়ুপাসীনঃ কিং সখে নানুমোদসে ॥ 6 ॥
এবং ব্রুবাণং সুহৃদং ভরতঃ প্রত্য়ুবাচ হ ।
শ্রুণু ত্বং যন্নিমিত্তং মে দৈন্যমেতদুপাগতম্ ॥ 7 ॥
স্বপ্নে পিতরমদ্রাক্ষং মলিনং মুক্ত মূর্ধজম্ ।
পতংতমদ্রিশিখরাত্কলুষে গোমযহ্রদে ॥ 8 ॥
প্লবমানশ্চ মে দৃষ্টস্স তস্মিন্গোমযহ্রদে ।
পিবন্নংজলিনা তৈলং হসন্নপি মুহুর্মুহুঃ ॥ 9 ॥
ততস্তিলৌদনং ভুক্ত্বা পুনঃ পুনরধশ্শিরাঃ ।
তৈলেনাভ্যক্তসর্বাংগঃ তৈলমেবান্বগাহত ॥ 10 ॥
স্বপ্নেঽপি সাগরং শুষ্কং চংদ্রং চ পতিতং ভবি ।
উপরুদ্ধাং চ জগতীং তমসেব সমাবৃতাম্ ॥ 11 ॥
ঔপবাহ্যস্য় নাগস্য় বিষাণং শকলীকৃতম্ ।
সহসাচাপি সংশাংতং জ্বলিতং জাতবেদসম্ ॥ 12 ॥
অবতীর্ণাং চ পৃথিবীং শুষ্কাং শ্চ বিবিধান্ দ্রুমান্ ।
অহং পশ্য়ামি বিধ্বস্তান্ সধূমাংশ্চাপি পর্বতান্ ॥ 13 ॥
পীঠে কার্ষ্ণাযসে চৈনং নিষণ্ণং কৃষ্ণবাসসম্ ।
প্রহসংতি স্ম রাজানং প্রমদাঃ কৃষ্ণপিংগলাঃ ॥ 14 ॥
ত্বরমাণশ্চ ধর্মাত্মা রক্তমাল্য়ানুলেপনঃ ।
রথেন খরয়ুক্তেন প্রয়াতো দক্ষিণামুখঃ ॥ 15 ॥
প্রহসংতীব রাজানং প্রমদা রক্তবাসিনী ।
প্রকর্ষংতী ময়া দৃষ্টা রাক্ষসী বিকৃতাননা ॥ 16 ॥
এবমেতন্ময়া দৃষ্টমিমাং রাত্রিং ভয়াবহম্ ।
অহং রামোঽথবা রাজা লক্ষ্মণো বা মরিষ্যতি ॥ 17 ॥
নরো যানেন য স্স্বপ্নে স্বরয়ুক্তেন যাতি হি ।
অচিরাত্তস্য় ধূমাগ্রং চিতায়াং সংপ্রদৃশ্যতে ॥ 18 ॥
এতন্নিমিত্তং দীনোঽহং তন্নবঃ প্রতিপূজয়ে ।
শুষ্যতীব চ মে কংঠঃ ন স্বস্থমিব মে মনঃ ॥ 19 ॥
ন পশ্য়ামি ভযস্থানং ভয়ং চৈবোপধারয়ে ভ্রষ্টশ্চ স্বরয়োগো মে ছায়া চোপহতা মম ।
জুগুপ্সন্নিব চাঽত্মানং ন পশ্যমি চ কারণম্ ॥ 20 ॥
ইমাং চ দুস্স্বপ্নগতিং নিশাম্যতামনেকরূপামবিতর্কিতাং পুরা ।
ভয়ং মহত্তদ্ধৃদয়ান্নয়াতি মে বিচিংত্য় রাজানমচিংতদর্শনম্ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একোনসপ্ততিতমস্সর্গঃ ॥
