ශ්රීමද්වාල්මීකීය රාමායණේ අයෝධ්යාකාංඩම් ।
අථ සප්තසප්තතිතමස්සර්ගඃ ।
තතෝ දශාහේऽතිගතේ කෘතශෞචෝ නෘපාත්මජඃ ।
ද්වාදශේऽහනි සංප්රාප්තේ ශ්රාද්ධකර්මාණ්යකාරයත් ॥ 1 ॥
බ්රාහ්මණේභ්යෝ දදෞ රත්නං ධනමන්නං ච පුෂ්කලම් ।
වාසාංසි ච මහාර්හාණි රත්නානි විවිධානි ච ॥ 2 ॥
බාස්තිකං බහු ශුක්ලං ච ගාශ්චාපි ශතශස්තථා ।
දාසීදාසං ච යානං ච වේශ්මානි සුමහාංති ච ॥ 3 ॥
බ්රාහ්මණේභ්යෝ දදෞ පුත්රෝ රාජ්ඤස්තස්යෞර්ධ්වදෛහිකම් ।
තතඃ ප්රභාතසමයේ දිවසේऽථ ත්රයෝදශේ ॥ 4 ॥
විලලාප මහාබාහුර්භරත ශ්ශෝකමූර්ඡිතඃ ।
ශබ්දාපිහිතකංඨස්තු ශෝධනාර්ථමුපාගතඃ ॥ 5 ॥
චිතාමූලේ පිතුර්වාක්යමිදමාහ සුදුඃඛිතඃ ।
තාත යස්මින්නිසෘෂ්ටෝऽහං ත්වයා භ්රාතරි රාඝවේ ॥ 6 ॥
තස්මින්වනං ප්රව්රජිතේ ශූන්යේ ත්යක්තෝऽස්ම්යහං ත්වයා ।
යස්යා ගතිරනාථායාඃ පුත්රඃ ප්රවාජිතෝ වනම් ।
තාමංබාං තාත කෞසල්යාං ත්යක්ත්වා ත්වං ක්ව ගතෝ නෘප ॥ 7 ॥
දෘෂ්ට්වා භස්මාරුණං තච්ච දග්ධාස්ථි ස්ථානමංඩලම් ॥ 8 ॥
පිතු ශ්ශරීරනිර්වාණං නිෂ්ටනන්විෂසාද සඃ ।
ස තු දෘෂ්ට්වා රුදන් දීනඃ පපාත ධරණීතලේ ॥ 9 ॥
උත්ථාප්යමානශ්ශක්රස්ය යංත්රධ්වජ ඉව ච්යුතඃ ।
අභිපේතුස්තතස්සර්වේ තස්යාමාත්යාශ්ශුචිව්රතම් ॥ 10 ॥
අංතකාලේ නිපතිතං යයාතිමෘෂයෝ යථා ।
ශත්රුඝ්න ශ්චාපි භරතං දෘෂ්ට්වා ශෝකං පරිප්ලුතඃ ॥ 11 ॥
විසංජ්ඤෝ න්යපතද්භූමෞ භූමිපාලමනුස්මරන් ।
උන්මත්ත ඉව නිශ්චේතා විලලාප සුදුඃඛිතඃ ॥ 12 ॥
ස්මෘත්වා පිතුර්ගුණාංගානි තානි තානි තථා තථා ।
මංථරාප්රභවස්තීව්රඃ කෛකේයීග්රාහසංකුලඃ ॥ 13 ॥
වරදානමයෝऽක්ෂෝභ්යෝऽමංජයච්ඡෝකසාගරඃ ।
සුකුමාරං ච බාලං ච සතතං ලාලිතං ත්වයා ॥ 14 ॥
ක්ව තාත භරතං හිත්වා විලපංතං ගතෝ භවාන් ।
නනු භෝජ්යේෂු පානේෂු වස්ත්රේෂ්වාභරණේෂු ච ॥ 15 ॥
ප්රවාරයසි නස්සර්වාන් තන්නඃ කෝऽන්යඃ කරිෂ්යති ।
අවදාරණකාලේ තු පෘථිවී නාවදීර්යතේ ॥ 16 ॥
යා විහීනා ත්වයා රාජ්ඤා ධර්මජ්ඤේන මහාත්මනා ।
පිතරි ස්වර්ගමාපන්නේ රාමේ චාරණ්යමාශ්රිතේ ॥ 17 ॥
කිං මේ ජීවිතසාමර්ථ්යං ප්රවේක්ෂ්යාමි හුතාශනම් ।
හීනෝ භ්රාත්රා ච පිත්රා ච ශූන්යාමික්ෂ්වාකුපාලිතාම් ॥ 18 ॥
අයෝධ්යාං න ප්රවේක්ෂ්යාමි ප්රවේක්ෂ්යාමි තපෝවනම් ।
තයෝර්විලපිතං ශ්රුත්වා ව්යසනං චාන්වවේක්ෂ්ය තත් ॥ 19 ॥
භෘශමාර්තතරා භූයස්සර්වඒවානුගාමිනඃ ।
තතෝ විෂණ්ණෞ ශ්රාංතෞ ච ශත්රුඝ්නභරතාවුභෞ ॥ 20 ॥
ධරණ්යාං සංව්යවේෂ්ටේතාං භග්නශෘංගාවිවර්ෂභෞ ।
තතඃ ප්රකෘතිමාන්වෛද්යඃ පිතුරේෂාං පුරෝහිතඃ ॥ 21 ॥
වසිෂ්ඨෝ භරතං වාක්යමුත්ථාප්ය තමුවාච හ ।
ත්රයෝදශෝऽයං දිවසඃ පිතුර්වෘත්තස්ය තේ විභෝ ॥ 22 ॥
සාවශේෂාස්ථිනිචයේ කිමිහ ත්වං විලංභසේ ।
ත්රීණි ද්වංද්වානි භූතේෂු ප්රවෘත්තාන්යවිශේෂතඃ ॥ 23 ॥
තේෂු චාපරිහාර්යේෂු නෛවං භවිතුමර්හසි ।
සුමංත්රශ්චාපි ශත්රුඝ්නමුත්ථාප්යාභිප්රසාද්ය ච ॥ 24 ॥
ශ්රාවයාමාස තත්ත්වජ්ඤ ස්සර්වභූතභවාභවම් ।
උත්ථිතෞ ච නරව්යාඝ්රෞ ප්රකාශේතේ යශස්විනෞ ॥ 25 ॥
වර්ෂාතපපරික්ලිනෞ පෘථගිංද්රධ්වජාවිව ।
අශ්රූණි පරිමෘද්නංතෞ රක්තාක්ෂෞ දීනභාෂිණෞ ।
අමාත්යාස්ත්වරයංති ස්ම තනයෞ චාපරාඃ ක්රියාඃ ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ සප්තසප්තතිතමස්සර්ගඃ ॥
