ශ්රීමද්වාල්මීකීය රාමායණේ අයෝධ්යාකාංඩම් ।
අථ ඒකාශීතිතමස්සර්ගඃ ।
තතෝ නාංදීමුඛීං රාත්රිං භරතං සූතමාගධාඃ ।
තුෂ්ටුවුර්වාග්විශේෂජ්ඤාස්ස්තවෛර්මංගලසංහිතෛඃ ॥ 1 ॥
සුවර්ණකෝණාභිහතඃ ප්රාණදද්යාමදුංදුභිඃ ।
දධ්මුශ්ශංඛාංශ්ච ශතශෝ නාදාංශ්චෝච්චාවචස්වරාන් ॥ 2 ॥
ස තූර්යඝෝෂ ස්සුමහාංදිවමාපූරයන්නිව ।
භරතං ශෝකසංතප්තං භූයශ්ශෝකෛරරංධ්රයත් ॥ 3 ॥
තතඃ ප්රබුද්ධෝ භරතස්තං ඝෝෂං සන්නිවර්ත්ය ච ।
නාහං රාජේති චාප්යුක්ත්වා ශත්රුඝ්නමිදමබ්රවීත් ॥ 4 ॥
පශ්ය ශත්රුඝ්න කෛකේය්යා ලෝකස්යාපකෘතං මහත් ।
විසෘජ්ය මයි දුඃඛානි රාජා දශරථෝ ගතඃ ॥ 5 ॥
තස්යෛෂා ධර්මරාජස්ය ධර්මමූලා මහාත්මනඃ ।
පරිභ්රමති රාජ්ය ශ්රීර්නෞරිවාකර්ණිකා ජලේ ॥ 6 ॥
යෝ හි න ස්සුමහාන්නාථස්සෝऽපි ප්රව්රාජිතෝ වනම් ।
අනයා ධර්මමුත්සෘජ්ය මාත්රා මේ රාඝවස්ස්වයම් ॥ 7 ॥
ඉත්යේවං භරතං ප්රේක්ෂ්ය විලපංතං විචේතනම් ।
කෘපණං රුරුදුස්සර්වාස්සස්වරං යෝෂිත ස්තදා ॥ 8 ॥
තථා තස්මින්විලපති වසිෂ්ඨෝ රාජධර්මවිත් ।
සභාමික්ෂ්වාකුනාථස්ය ප්රවිවේශ මහායශාඃ ॥ 9 ॥
ශාතකුංභමයීං රම්යාං මණිරත්නසමාකුලාම් ।
සුධර්මාමිව ධර්මාත්මා සගණඃ ප්රත්යපද්යත ॥ 10 ॥
ස කාංචනමයං පීඨං සුඛාස්තරණසංවෘතම් ।
අධ්යාස්ත සර්වවේදජ්ඤෝ දූතානනුශශාස ච ॥ 11 ॥
බ්රාහ්මණාන් ක්ෂත්රියාන්වෛශ්යනමාත්යාන්ගණවල්ලභාන් ।
ක්ෂිප්රමානයතාऽව්යග්රාඃ කෘත්යමාත්යයිකං හි නඃ ॥ 12 ॥
සරාජභෘත්යං ශත්රුඝ්නං භරතං ච යශස්විනම් ।
යුධාජිතං සුමංත්රං ච යේ ච තත්ර හිතා ජනාඃ ॥ 13 ॥
තතෝ හලහලාශබ්දස්සුමහාන්සමපද්යත ।
රථෛරශ්වෛර්ගජෛශ්චාපි ජනානාමුපගච්ඡතාම් ॥ 14 ॥
තතෝ භරතමායාංතං ශතක්රතුමිවාමරාඃ ।
ප්රත්යනංදන්ප්රකෘතයෝ යථා දශරථං තථා ॥ 15 ॥
හ්රද ඉව තිමිනාගසංවෘතඃ ස්තිමිතජලෝ මණිශංඛශර්කරඃ ।
දශරථසුතශෝභිතා සභා සදශරථේව බභෞ යථා පුරා ॥ 16 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ඒකාශීතිතමස්සර්ගඃ ॥
