শ্রীমদ্বাল্মীকীয় রামাযণে অয়োধ্য়াকাংডম্ ।
অথ একাশীতিতমস্সর্গঃ ।
ততো নাংদীমুখীং রাত্রিং ভরতং সূতমাগধাঃ ।
তুষ্টুবুর্বাগ্বিশেষজ্ঞাস্স্তবৈর্মংগলসংহিতৈঃ ॥ 1 ॥
সুবর্ণকোণাভিহতঃ প্রাণদদ্য়ামদুংদুভিঃ ।
দধ্মুশ্শংখাংশ্চ শতশো নাদাংশ্চোচ্চাবচস্বরান্ ॥ 2 ॥
স তূর্যঘোষ স্সুমহাংদিবমাপূরযন্নিব ।
ভরতং শোকসংতপ্তং ভূযশ্শোকৈররংধ্রযত্ ॥ 3 ॥
ততঃ প্রবুদ্ধো ভরতস্তং ঘোষং সন্নিবর্ত্য় চ ।
নাহং রাজেতি চাপ্য়ুক্ত্বা শত্রুঘ্নমিদমব্রবীত্ ॥ 4 ॥
পশ্য় শত্রুঘ্ন কৈকেয়্য়া লোকস্য়াপকৃতং মহত্ ।
বিসৃজ্য় ময়ি দুঃখানি রাজা দশরথো গতঃ ॥ 5 ॥
তস্য়ৈষা ধর্মরাজস্য় ধর্মমূলা মহাত্মনঃ ।
পরিভ্রমতি রাজ্য় শ্রীর্নৌরিবাকর্ণিকা জলে ॥ 6 ॥
যো হি ন স্সুমহান্নাথস্সোঽপি প্রব্রাজিতো বনম্ ।
অনয়া ধর্মমুত্সৃজ্য় মাত্রা মে রাঘবস্স্বযম্ ॥ 7 ॥
ইত্য়েবং ভরতং প্রেক্ষ্য় বিলপংতং বিচেতনম্ ।
কৃপণং রুরুদুস্সর্বাস্সস্বরং যোষিত স্তদা ॥ 8 ॥
তথা তস্মিন্বিলপতি বসিষ্ঠো রাজধর্মবিত্ ।
সভামিক্ষ্বাকুনাথস্য় প্রবিবেশ মহাযশাঃ ॥ 9 ॥
শাতকুংভময়ীং রম্য়াং মণিরত্নসমাকুলাম্ ।
সুধর্মামিব ধর্মাত্মা সগণঃ প্রত্যপদ্যত ॥ 10 ॥
স কাংচনময়ং পীঠং সুখাস্তরণসংবৃতম্ ।
অধ্য়াস্ত সর্ববেদজ্ঞো দূতাননুশশাস চ ॥ 11 ॥
ব্রাহ্মণান্ ক্ষত্রিয়ান্বৈশ্যনমাত্য়ান্গণবল্লভান্ ।
ক্ষিপ্রমানযতাঽব্যগ্রাঃ কৃত্যমাত্যয়িকং হি নঃ ॥ 12 ॥
সরাজভৃত্য়ং শত্রুঘ্নং ভরতং চ যশস্বিনম্ ।
যুধাজিতং সুমংত্রং চ যে চ তত্র হিতা জনাঃ ॥ 13 ॥
ততো হলহলাশব্দস্সুমহান্সমপদ্যত ।
রথৈরশ্বৈর্গজৈশ্চাপি জনানামুপগচ্ছতাম্ ॥ 14 ॥
ততো ভরতমায়াংতং শতক্রতুমিবামরাঃ ।
প্রত্যনংদন্প্রকৃতয়ো যথা দশরথং তথা ॥ 15 ॥
হ্রদ ইব তিমিনাগসংবৃতঃ স্তিমিতজলো মণিশংখশর্করঃ ।
দশরথসুতশোভিতা সভা সদশরথেব বভৌ যথা পুরা ॥ 16 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একাশীতিতমস্সর্গঃ ॥
