શ્રીમદ્વાલ્મીકીય રામાયણે અયોધ્યાકાંડમ્ ।
અથ નવતિતમસ્સર્ગઃ ।
ભરદ્વાજાશ્રમં દૃષ્ટ્વા ક્રોશાદેવ નરર્ષભઃ ।
બલં સર્વમવસ્થાપ્ય જગામ સહ મંત્રિભિઃ ॥ 1 ॥
પદ્ભ્યામેવ હિ ધર્મજ્ઞો ન્યસ્તશસ્ત્રપરિચ્છદઃ ।
વસાનો વાસસી ક્ષૌમે પુરોધાય પુરોધસમ્ ॥ 2 ॥
ભરદ્વાજાશ્રમં દૃષ્ટ્વા ક્રોશાદેવ નરર્ષભઃ ।
બલં સર્વમવસ્થાપ્ય જગામ સહ મંત્રિભિઃ ॥ 3 ॥
પદ્ભ્યામેવ હિ ધર્મજ્ઞો ન્યસ્તશસ્ત્રપરિચ્છદઃ ।
વસાનો વાસસી ક્ષૌમે પુરોધાય પુરોધસમ્ ॥ 4 ॥
તત સ્સંદર્શને તસ્ય ભરદ્વાજસ્ય રાઘવઃ ।
મંત્રિણસ્તાનવસ્થાપ્ય જગામાનુપુરોહિતમ્ ॥ 5 ॥
વસિષ્ઠમથ દૃષ્ટ્વૈવ ભરદ્વાજો મહાતપાઃ ।
સંચચાઽલાસનાત્તૂર્ણં શિષ્યાનર્ઘ્યમિતિ બ્રુવન્ ॥ 6 ॥
સમાગમ્ય વસિષ્ઠેન ભરતેનાભિવાદિતઃ ।
અબુદ્ધ્યત મહાતેજાસ્સુતં દશરથસ્ય તમ્ ॥ 7 ॥
તાભ્યામર્ઘ્યં ચ પાદ્યં ચ દત્વા પશ્ચાત્ફલાનિ ચ ।
આનુપૂર્વ્યાચ્છ ધર્મજ્ઞઃ પપ્રચ્છ કુશલં કુલે ॥ 8 ॥
અયોધ્યાયાં બલે કોશે મિત્રેષ્વપિ ચ મંત્રિષુ ।
જાનન્ દશરથં વૃત્તં ન રાજાનમુદાહરત્ ॥ 9 ॥
વસિષ્ઠો ભરતશ્ચૈનં પપ્રચ્છતુરનામયમ્ ।
શરીરેઽગ્નિષુ વૃક્ષેષુ શિષ્યેષુ મૃગપક્ષિષુ ॥ 10 ॥
તથેતિ તત્પ્રતિજ્ઞાય ભરદ્વાજો મહાતપાઃ ।
ભરતં પ્રત્યુવાચેદં રાઘવસ્નેહબંધનાત્ ॥ 11 ॥
કિમિહાઽગમને કાર્યં તવ રાજ્યં પ્રશાસતઃ ।
એતદાચક્ષ્વ મે સર્વં ન હિ મે શુદ્ધ્યતે મનઃ ॥ 12 ॥
સુષુવે યમમિત્રઘ્નં કૌસલ્યાનઽંદવર્ધનમ્ ।
ભ્રાત્રા સહ સભાર્યો યશ્ચિરં પ્રવ્રાજિતો વનમ્ ॥ 13 ॥
નિયુક્તઃ સ્ત્રીનિયુક્તેન પિત્રા યોઽસૌ મહાયશાઃ ।
વનવાસી ભવેતીહ સમાઃ કિલ ચતુર્દશ ॥ 14 ॥
કચ્છિન્ન તસ્યાપાપસ્ય પાપં કર્તુમિહેચ્છસિ ।
અકંટકં ભોક્તુમના રાજ્યં તસ્યાનુજસ્ય ચ ॥ 15 ॥
એવમુક્તો ભરદ્વાજં ભરતઃ પ્રત્યુવાચ હ ।
પર્યશ્રુનયનો દુઃખાદ્વાચા સંસજ્જમાનયા ॥ 16 ॥
હતોઽસ્મિ યદિ મામેવં ભગવાનપિ મન્યતે ।
મત્તો ન દોષમાશંકે નૈવં મામનુશાસ્તુ હિ ॥ 17 ॥
ન ચૈતદિષ્ટં માતા મે યદવોચન્મદંતરે ।
નાહમેતેન તુષ્ટશ્ચ ન તદ્વચનમાદદે ॥ 18 ॥
અહં તુ તં નરવ્યાઘ્રમુપયાતઃ પ્રસાદકઃ ।
પ્રતિનેતુમયોધ્યાં ચ પાદૌ તસ્યાભિવંદિતુમ્ ॥ 19 ॥
ત્વં મામેવંગતં મત્વા પ્રસાદં કર્તુમર્હસિ ।
શંસ મે ભગવન્રામઃ ક્વ સંપ્રતિ મહીપતિઃ ॥ 20 ॥
વશિષ્ઠાદિભિઃ ઋત્વિગ્ભિર્યાચિતો ભગવાંસ્તતઃ ।
ઉવાચ તં ભરદ્વાજઃ પ્રસાદાદ્ભરતં વચઃ ॥ 21 ॥
ત્વય્યેતત્પુરુષવ્યાઘ્ર યુક્તં રાઘવવંશજે ।
ગુરુવૃત્તિર્દમશ્ચૈવ સાધૂનામનુયાયિતા ॥ 22 ॥
જાને ચૈતન્મનસ્થં તે દૃઢીકરણમસ્ત્વિતિ ।
અપૃચ્છં ત્વાં તથાઽત્યર્થં કીર્તિં સમભિવર્ધયન્ ॥ 23 ॥
જાને ચ રામં ધર્મજ્ઞં સસીતં સહલક્ષ્મણમ્ ।
અસૌ વસતિ તે ભ્રાતા ચિત્રકૂટે મહાગિરૌ ॥ 24 ॥
શ્વસ્તુ ગંતાસિ તં દેશં વસાદ્ય સહ મંત્રિભિઃ ।
એતન્મે કુરુ સુપ્રાજ્ઞ કામં કામાર્થકોવિદ ॥ 25 ॥
તતસ્તથેત્યેવમુદારદર્શનઃ પ્રતીતરૂપો ભરતોઽબ્રવીદ્વચઃ ।
ચકાર બુદ્ધિં ચ તદા તદાશ્રમે નિશાનિવાસાય નરાધિપાઽત્મજઃ ॥ 26 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે અયોધ્યાકાંડે નવતિતમસ્સર્ગઃ ॥
