শ্রীমদ্বাল্মীকীয় রামাযণে অয়োধ্য়াকাংডম্ ।
অথ নবতিতমস্সর্গঃ ।
ভরদ্বাজাশ্রমং দৃষ্ট্বা ক্রোশাদেব নরর্ষভঃ ।
বলং সর্বমবস্থাপ্য় জগাম সহ মংত্রিভিঃ ॥ 1 ॥
পদ্ভ্য়ামেব হি ধর্মজ্ঞো ন্যস্তশস্ত্রপরিচ্ছদঃ ।
বসানো বাসসী ক্ষৌমে পুরোধায় পুরোধসম্ ॥ 2 ॥
ভরদ্বাজাশ্রমং দৃষ্ট্বা ক্রোশাদেব নরর্ষভঃ ।
বলং সর্বমবস্থাপ্য় জগাম সহ মংত্রিভিঃ ॥ 3 ॥
পদ্ভ্য়ামেব হি ধর্মজ্ঞো ন্যস্তশস্ত্রপরিচ্ছদঃ ।
বসানো বাসসী ক্ষৌমে পুরোধায় পুরোধসম্ ॥ 4 ॥
তত স্সংদর্শনে তস্য় ভরদ্বাজস্য় রাঘবঃ ।
মংত্রিণস্তানবস্থাপ্য় জগামানুপুরোহিতম্ ॥ 5 ॥
বসিষ্ঠমথ দৃষ্ট্বৈব ভরদ্বাজো মহাতপাঃ ।
সংচচাঽলাসনাত্তূর্ণং শিষ্য়ানর্ঘ্যমিতি ব্রুবন্ ॥ 6 ॥
সমাগম্য় বসিষ্ঠেন ভরতেনাভিবাদিতঃ ।
অবুদ্ধ্যত মহাতেজাস্সুতং দশরথস্য় তম্ ॥ 7 ॥
তাভ্য়ামর্ঘ্য়ং চ পাদ্য়ং চ দত্বা পশ্চাত্ফলানি চ ।
আনুপূর্ব্য়াচ্ছ ধর্মজ্ঞঃ পপ্রচ্ছ কুশলং কুলে ॥ 8 ॥
অয়োধ্য়ায়াং বলে কোশে মিত্রেষ্বপি চ মংত্রিষু ।
জানন্ দশরথং বৃত্তং ন রাজানমুদাহরত্ ॥ 9 ॥
বসিষ্ঠো ভরতশ্চৈনং পপ্রচ্ছতুরনামযম্ ।
শরীরেঽগ্নিষু বৃক্ষেষু শিষ্য়েষু মৃগপক্ষিষু ॥ 10 ॥
তথেতি তত্প্রতিজ্ঞায় ভরদ্বাজো মহাতপাঃ ।
ভরতং প্রত্য়ুবাচেদং রাঘবস্নেহবংধনাত্ ॥ 11 ॥
কিমিহাঽগমনে কার্য়ং তব রাজ্য়ং প্রশাসতঃ ।
এতদাচক্ষ্ব মে সর্বং ন হি মে শুদ্ধ্যতে মনঃ ॥ 12 ॥
সুষুবে যমমিত্রঘ্নং কৌসল্য়ানঽংদবর্ধনম্ ।
ভ্রাত্রা সহ সভার্য়ো যশ্চিরং প্রব্রাজিতো বনম্ ॥ 13 ॥
নিয়ুক্তঃ স্ত্রীনিয়ুক্তেন পিত্রা যোঽসৌ মহাযশাঃ ।
বনবাসী ভবেতীহ সমাঃ কিল চতুর্দশ ॥ 14 ॥
কচ্ছিন্ন তস্য়াপাপস্য় পাপং কর্তুমিহেচ্ছসি ।
অকংটকং ভোক্তুমনা রাজ্য়ং তস্য়ানুজস্য় চ ॥ 15 ॥
এবমুক্তো ভরদ্বাজং ভরতঃ প্রত্য়ুবাচ হ ।
পর্যশ্রুনযনো দুঃখাদ্বাচা সংসজ্জমানয়া ॥ 16 ॥
হতোঽস্মি যদি মামেবং ভগবানপি মন্যতে ।
মত্তো ন দোষমাশংকে নৈবং মামনুশাস্তু হি ॥ 17 ॥
ন চৈতদিষ্টং মাতা মে যদবোচন্মদংতরে ।
নাহমেতেন তুষ্টশ্চ ন তদ্বচনমাদদে ॥ 18 ॥
অহং তু তং নরব্য়াঘ্রমুপয়াতঃ প্রসাদকঃ ।
প্রতিনেতুময়োধ্য়াং চ পাদৌ তস্য়াভিবংদিতুম্ ॥ 19 ॥
ত্বং মামেবংগতং মত্বা প্রসাদং কর্তুমর্হসি ।
শংস মে ভগবন্রামঃ ক্ব সংপ্রতি মহীপতিঃ ॥ 20 ॥
বশিষ্ঠাদিভিঃ ঋত্বিগ্ভির্য়াচিতো ভগবাংস্ততঃ ।
উবাচ তং ভরদ্বাজঃ প্রসাদাদ্ভরতং বচঃ ॥ 21 ॥
ত্বয়্য়েতত্পুরুষব্য়াঘ্র যুক্তং রাঘববংশজে ।
গুরুবৃত্তির্দমশ্চৈব সাধূনামনুয়ায়িতা ॥ 22 ॥
জানে চৈতন্মনস্থং তে দৃঢীকরণমস্ত্বিতি ।
অপৃচ্ছং ত্বাং তথাঽত্যর্থং কীর্তিং সমভিবর্ধযন্ ॥ 23 ॥
জানে চ রামং ধর্মজ্ঞং সসীতং সহলক্ষ্মণম্ ।
অসৌ বসতি তে ভ্রাতা চিত্রকূটে মহাগিরৌ ॥ 24 ॥
শ্বস্তু গংতাসি তং দেশং বসাদ্য় সহ মংত্রিভিঃ ।
এতন্মে কুরু সুপ্রাজ্ঞ কামং কামার্থকোবিদ ॥ 25 ॥
ততস্তথেত্য়েবমুদারদর্শনঃ প্রতীতরূপো ভরতোঽব্রবীদ্বচঃ ।
চকার বুদ্ধিং চ তদা তদাশ্রমে নিশানিবাসায় নরাধিপাঽত্মজঃ ॥ 26 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে নবতিতমস্সর্গঃ ॥
