ශ්රීමද්වාල්මීකීය රාමායණේ අයෝධ්යාකාංඩම් ।
අථ නවතිතමස්සර්ගඃ ।
භරද්වාජාශ්රමං දෘෂ්ට්වා ක්රෝශාදේව නරර්ෂභඃ ।
බලං සර්වමවස්ථාප්ය ජගාම සහ මංත්රිභිඃ ॥ 1 ॥
පද්භ්යාමේව හි ධර්මජ්ඤෝ න්යස්තශස්ත්රපරිච්ඡදඃ ।
වසානෝ වාසසී ක්ෂෞමේ පුරෝධාය පුරෝධසම් ॥ 2 ॥
භරද්වාජාශ්රමං දෘෂ්ට්වා ක්රෝශාදේව නරර්ෂභඃ ।
බලං සර්වමවස්ථාප්ය ජගාම සහ මංත්රිභිඃ ॥ 3 ॥
පද්භ්යාමේව හි ධර්මජ්ඤෝ න්යස්තශස්ත්රපරිච්ඡදඃ ।
වසානෝ වාසසී ක්ෂෞමේ පුරෝධාය පුරෝධසම් ॥ 4 ॥
තත ස්සංදර්ශනේ තස්ය භරද්වාජස්ය රාඝවඃ ।
මංත්රිණස්තානවස්ථාප්ය ජගාමානුපුරෝහිතම් ॥ 5 ॥
වසිෂ්ඨමථ දෘෂ්ට්වෛව භරද්වාජෝ මහාතපාඃ ।
සංචචාऽලාසනාත්තූර්ණං ශිෂ්යානර්ඝ්යමිති බ්රුවන් ॥ 6 ॥
සමාගම්ය වසිෂ්ඨේන භරතේනාභිවාදිතඃ ।
අබුද්ධ්යත මහාතේජාස්සුතං දශරථස්ය තම් ॥ 7 ॥
තාභ්යාමර්ඝ්යං ච පාද්යං ච දත්වා පශ්චාත්ඵලානි ච ।
ආනුපූර්ව්යාච්ඡ ධර්මජ්ඤඃ පප්රච්ඡ කුශලං කුලේ ॥ 8 ॥
අයෝධ්යායාං බලේ කෝශේ මිත්රේෂ්වපි ච මංත්රිෂු ।
ජානන් දශරථං වෘත්තං න රාජානමුදාහරත් ॥ 9 ॥
වසිෂ්ඨෝ භරතශ්චෛනං පප්රච්ඡතුරනාමයම් ।
ශරීරේऽග්නිෂු වෘක්ෂේෂු ශිෂ්යේෂු මෘගපක්ෂිෂු ॥ 10 ॥
තථේති තත්ප්රතිජ්ඤාය භරද්වාජෝ මහාතපාඃ ।
භරතං ප්රත්යුවාචේදං රාඝවස්නේහබංධනාත් ॥ 11 ॥
කිමිහාऽගමනේ කාර්යං තව රාජ්යං ප්රශාසතඃ ।
ඒතදාචක්ෂ්ව මේ සර්වං න හි මේ ශුද්ධ්යතේ මනඃ ॥ 12 ॥
සුෂුවේ යමමිත්රඝ්නං කෞසල්යානऽංදවර්ධනම් ।
භ්රාත්රා සහ සභාර්යෝ යශ්චිරං ප්රව්රාජිතෝ වනම් ॥ 13 ॥
නියුක්තඃ ස්ත්රීනියුක්තේන පිත්රා යෝऽසෞ මහායශාඃ ।
වනවාසී භවේතීහ සමාඃ කිල චතුර්දශ ॥ 14 ॥
කච්ඡින්න තස්යාපාපස්ය පාපං කර්තුමිහේච්ඡසි ।
අකංටකං භෝක්තුමනා රාජ්යං තස්යානුජස්ය ච ॥ 15 ॥
ඒවමුක්තෝ භරද්වාජං භරතඃ ප්රත්යුවාච හ ।
පර්යශ්රුනයනෝ දුඃඛාද්වාචා සංසජ්ජමානයා ॥ 16 ॥
හතෝऽස්මි යදි මාමේවං භගවානපි මන්යතේ ।
මත්තෝ න දෝෂමාශංකේ නෛවං මාමනුශාස්තු හි ॥ 17 ॥
න චෛතදිෂ්ටං මාතා මේ යදවෝචන්මදංතරේ ।
නාහමේතේන තුෂ්ටශ්ච න තද්වචනමාදදේ ॥ 18 ॥
අහං තු තං නරව්යාඝ්රමුපයාතඃ ප්රසාදකඃ ।
ප්රතිනේතුමයෝධ්යාං ච පාදෞ තස්යාභිවංදිතුම් ॥ 19 ॥
ත්වං මාමේවංගතං මත්වා ප්රසාදං කර්තුමර්හසි ।
ශංස මේ භගවන්රාමඃ ක්ව සංප්රති මහීපතිඃ ॥ 20 ॥
වශිෂ්ඨාදිභිඃ ඍත්විග්භිර්යාචිතෝ භගවාංස්තතඃ ।
උවාච තං භරද්වාජඃ ප්රසාදාද්භරතං වචඃ ॥ 21 ॥
ත්වය්යේතත්පුරුෂව්යාඝ්ර යුක්තං රාඝවවංශජේ ।
ගුරුවෘත්තිර්දමශ්චෛව සාධූනාමනුයායිතා ॥ 22 ॥
ජානේ චෛතන්මනස්ථං තේ දෘඪීකරණමස්ත්විති ।
අපෘච්ඡං ත්වාං තථාऽත්යර්ථං කීර්තිං සමභිවර්ධයන් ॥ 23 ॥
ජානේ ච රාමං ධර්මජ්ඤං සසීතං සහලක්ෂ්මණම් ।
අසෞ වසති තේ භ්රාතා චිත්රකූටේ මහාගිරෞ ॥ 24 ॥
ශ්වස්තු ගංතාසි තං දේශං වසාද්ය සහ මංත්රිභිඃ ।
ඒතන්මේ කුරු සුප්රාජ්ඤ කාමං කාමාර්ථකෝවිද ॥ 25 ॥
තතස්තථේත්යේවමුදාරදර්ශනඃ ප්රතීතරූපෝ භරතෝऽබ්රවීද්වචඃ ।
චකාර බුද්ධිං ච තදා තදාශ්රමේ නිශානිවාසාය නරාධිපාऽත්මජඃ ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ නවතිතමස්සර්ගඃ ॥
