শ্রীমদ্বাল্মীকীয় রামাযণে অরণ্যকাংডম্ ।
অথ একোনচত্বারিংশস্সর্গঃ ।
এবমস্মি তদা মুক্তঃ কথংচিত্তেন সংয়ুগে ।
ইদানীমপি যদ্বৃত্তং তচ্ছৃণুষ্ব নিরুত্তরম্ ॥ 1 ॥
রাক্ষসাভ্য়ামহং দ্বাভ্য়ামনির্বিণ্ণস্তথা কৃতঃ ।
সহিতো মৃগরূপাভ্য়াং প্রবিষ্টো দংডকাবনম্ ॥ 2 ॥
দীপ্তজিহ্বো মহাকাযস্তীক্ষ্ণদংষ্ট্রো মহাবলঃ ।
ব্যচরং দংডকারণ্য়ং মাংসভক্ষো মহামৃগঃ ॥ 3 ॥
অগ্নিহোত্রেষু তীর্থেষু চৈত্যবৃক্ষেষু রাবণ ।
অত্য়ংতঘোরো ব্যচরং তাপসান্সংপ্রধর্ষযন্ ॥ 4 ॥
নিহত্য় দংডকারণ্য়ে তাপসাংধর্মচারিণঃ ।
রুধিরাণি পিবংস্তেষাং তথা মাংসানি ভক্ষযন্ ॥ 5 ॥
ঋষিমাংসাশনঃ ক্রূরস্ত্রাসযন্বনগোচরান্ ।
তথা রুধিরমত্তোঽহং বিচরংধর্মদূষকঃ ॥ 6 ॥
আসাদয়ং তদা রামং তাপসং ধর্মচারিণম্ ।
বৈদেহীং চ মহাভাগাং লক্ষ্মণং চ মহারথম্ ॥ 7 ॥
তাপসং নিযতাহারং সর্বভূতহিতে রতম্ ।
সোঽহং বনগতং রামং পরিভূয় মহাবলম্ ॥ 8 ॥
তাপসোঽযমিতি জ্ঞাত্বা পূর্ববৈরমনুস্মরন্ ।
অভ্যধাবং হি সংক্রুদ্ধস্তীক্ষ্ণ শৃংগো মৃগাকৃতিঃ ॥ 9 ॥
জিঘাংসুরকৃতপ্রজ্ঞস্তং প্রহারমনুস্মরন্ ।
তেন মুক্তাস্ত্রয়ো বাণাশ্শিতাশ্শত্রুনিবর্হণাঃ ॥ 10 ॥
বিকৃষ্য় বলবচ্চাপং সুপর্ণানিলনিস্স্বনাঃ ।
তে বাণা বজ্রসংকাশাস্সুমুক্তা রক্তভোজনাঃ ।
আজগ্মুস্সহিতাস্সর্বে ত্রযস্সন্নতপর্বণঃ ॥ 11 ॥
পরাক্রমজ্ঞো রামস্য় শঠো দৃষ্টভয়ঃ পুরা ।
সমুদ্ভাংতস্ততোমুক্তস্তাবুভৌ রাক্ষসৌ হতৌ ॥ 12 ॥
শরেণ মুক্তো রামস্য় কথংচিত্প্রাপ্য় জীবিতম্ ।
ইহ প্রব্রাজিতো যুক্তস্তাপসোঽহং সমাহিতঃ ॥ 13 ॥
বৃক্ষে বৃক্ষে চ পশ্য়ামি চীরকৃষ্ণাজিনাংবরম্ ।
গৃহীতধনুষং রামং পাশহস্তমিবাংতকম্ ॥ 14 ॥
অপি রামসহস্রাণি ভীতঃ পশ্য়ামি রাবণ ।
রামভূতমিদং সর্বমরণ্য়ং প্রতিভাতি মে ॥ 15 ॥
রামমেব হি পশ্য়ামি রহিতে রাক্ষসাধিপ ।
দৃষ্ট্বা স্বপ্নগতং রামমুদ্ভ্রমামি বিচেতনঃ ॥ 16 ॥
রকারাদীনি নামানি রামত্রস্তস্য় রাবণ ।
রত্নানি চ রথাশ্চৈব ত্রাসং সংজনয়ংতি মে ॥ 17 ॥
অহং তস্য় প্রভাবজ্ঞো ন যুদ্ধং তেন তে ক্ষমম্ ।
বলিং বা নমুচিং বাপি হন্য়াদ্ধি রঘুনংদনঃ ॥ 18 ॥
রণে রামেণ যুদ্ধ্যস্ব ক্ষমাং বা কুরু রাক্ষস ।
ন তে রামকথা কার্য়া যদি মাং দ্রষ্টুমিচ্ছসি ॥ 19 ॥
বহবস্সাধবো লোকে যুক্তা ধর্মমনুষ্ঠিতাঃ ।
পরেষামপরাধেন বিনষ্ঠাস্সপরিচ্ছদাঃ ॥ 20 ॥
সোঽঽহং তবাপরাধেন বিনশ্য়েয়ং নিশাচর ।
কুরু যত্তে ক্ষমং তত্ত্বমহং ত্বা নানুয়ামি হ ॥ 21 ॥
রামশ্চ হি মহাতেজা মহাসত্ত্বো মহাবলঃ ॥ 22 ॥
অপি রাক্ষসলোকস্য় ন ভবেদংতকোঽপি সঃ ।
যদি শূর্পণখাহেতোর্জনস্থানগতঃ খরঃ ॥ 23 ॥
অতিবৃত্তো হতঃ পূর্বং রামেণাক্লিষ্টকর্মণা ।
অত্র ব্রূহি যথাতত্ত্বং কো রামস্য় ব্যতিক্রমঃ ॥ 24 ॥
ইদং বচো বংধুহিতার্থিনাময়া যথোচ্যমানং যদি নাভিপত্স্যসে ।
সবাংধবস্ত্যক্ষ্যসি জীবিতং রণে হতোঽঽদ্য় রামেণ শরৈরজিহ্মগৈঃ ॥ 25 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একোনচত্বারিংশস্সর্গঃ ॥
