শ্রীমদ্বাল্মীকীয় রামাযণে অরণ্যকাংডম্ ।
অথ চত্বারিংশস্সর্গঃ ।
মারীচেন তু তদ্বাক্য়ং ক্ষমং যুক্তং চ নিশাচরঃ ।
উক্তো ন প্রতিজগ্রাহ মর্তুকাম ইবৌষধম্ ॥ 1 ॥
তং পথ্যহিতবক্তারং মারীচং রাক্ষসাধিপঃ ।
অব্রবীত্পরুষং বাক্যময়ুক্তং কালচোদিতঃ ॥ 2 ॥
যত্কিলৈতদয়ুক্তার্থং মারীচ ময়ি কথ্যতে ।
বাক্য়ং নিষ্ফলমত্যর্থমুপ্তং বীজমিবোষরে ॥ 3 ॥
ত্বদ্বাক্য়ৈর্ন তু মাং শক্য়ং ভেত্তুং রামস্য় সংয়ুগে ।
পাপশীলস্য় মূর্খস্য় মানুষস্য় বিশেষতঃ ॥ 4 ॥
যস্ত্যক্ত্বা সুহৃদো রাজ্য়ং মাতরং পিতরং তথা ।
স্ত্রীবাক্য়ং প্রাকৃতং শ্রুত্বা বনমেকপদে গতঃ ॥ 5 ॥
অবশ্য়ংতু ময়া তস্য় সংয়ুগে খরঘাতিনঃ ।
প্রাণৈঃ প্রিযতরা সীতা হর্তব্য়া তব সন্নিধৌ ॥ 6 ॥
এবং মে নিশ্চিতা বুদ্ধির্হৃদি মারীচ বর্ততে ।
ন ব্য়াবর্তয়িতুং শক্য়া সেংদ্রৈরপি সুরাসুরৈঃ ॥ 7 ॥
দোষং গুণং বা সংপৃষ্টস্ত্বমেবং বক্তুমর্হসি ।
অপায়ং বাপ্য়ুপায়ং বা কার্যস্য়াস্য় বিনিশ্চয়ে ॥ 8 ॥
সংপৃষ্টেন তু বক্তব্য়ং সচিবেন বিপশ্চিতা ।
উদ্যতাংজলিনা রাজ্ঞে য ইচ্ছেদ্ভূতিমাত্মনঃ ॥ 9 ॥
বাক্যমপ্রিতকূলং তু মৃদুপূর্বং হিতং শুভম্ ।
উপচারেণ যুক্তং চ বক্তব্য়ো বসুধাধিপঃ ॥ 10 ॥
সাবমর্দং তু যদ্বাক্য়ং মারীচ হিতমুচ্যতে ।
নাভিনংদতি তদ্রাজা মানার্হো মানবর্জিতম্ ॥ 11 ॥
পংচ রূপাণি রাজানো ধারয়ংত্যমিতৌজসঃ ।
অগ্নেরিংদ্রস্য় সোমস্য় বরুণস্য় যমস্য় চ ॥ 12 ॥
ঔষ্ণ্য়ং তথা বিক্রমং চ সৌম্য়ং দংডং প্রসন্নতাম্ ।
ধারয়ংতি মহাত্মানো রাজানঃ ক্ষণদাচর ॥ 13 ॥
তস্মাত্সর্বাস্ববস্থাসু মান্য়াঃ পূজ্য়াশ্চ পার্থিবাঃ ।
ত্বং তু ধর্মমবিজ্ঞায় কেবলং মোহমাস্থিতঃ ।
অভ্য়াগতং মাং দৌরাত্ম্য়াত্পরুষং বক্তুমিচ্ছসি ॥ 14 ॥
গুণদোষৌ ন পৃচ্ছামি ক্ষমং চাত্মনি রাক্ষস ।
ময়োক্তং তব চৈতাবত্সংপ্রত্যমিতবিক্রমঃ ॥ 15 ॥
অস্মিংস্তু ত্বং মহাকৃত্য়ে সাহায়্য়ং কর্তুমর্হসি ।
শৃণু তত্কর্ম সাহায়্য়ে যত্কার্য়ং বচনান্মম ॥ 16 ॥
সৌবর্ণস্ত্বং মৃগো ভূত্বা চিত্রো রজতবিংদুভিঃ ।
আশ্রমে তস্য় রামস্য় সীতায়াঃ প্রমুখে চর ॥ 17 ॥
সৌবর্ণস্ত্বং মৃগো ভূত্বা চিত্রো রজতবিংদুভিঃ ।
আশ্রমে তস্য় রামস্য় সীতায়াঃ প্রমুখে চর ।
প্রলোভয়িত্বা বৈদেহীং যথেষ্টং গংতুমর্হসি ॥ 18 ॥
ত্বাং তু মায়ামৃগং দৃষ্ট্বা কাংচনং জাতবিস্ময়া ।
আনয়ৈনমিতি ক্ষিপ্রং রামং বক্ষ্যতি মৈথিলী ॥ 19 ॥
অপক্রাংতে তু কাকুত্স্থে দূরং যাত্বাপ্য়ুদাহর ।
হা সীতে লক্ষ্মণেত্য়েবং রামবাক্য়ানুরূপকম্ ॥ 20 ॥
তচ্ছ্রুত্বা রামপদবীং সীতয়া চ প্রচোদিতঃ ।
অনুগচ্ছতি সংভ্রাংতঃ সৌমিত্রিরপি সৌহৃদাত্ ॥ 21 ॥
অপক্রাংতে চ কাকুত্স্থে লক্ষ্মণে চ যথাসুখম্ ।
আনয়িষ্য়ামি বৈদেহীং সহস্রাক্ষশ্শচীমিব ॥ 22 ॥
এবং কৃত্বা ত্বিদং কার্য়ং যথেষ্টং গচ্ছ রাক্ষস ।
রাজ্যস্য়ার্ধং প্রযচ্ছামি মারীচ তব সুব্রত ॥ 23 ॥
গচ্ছ সৌম্য় শিবং মার্গং কার্যস্য়াস্য় বিবৃদ্ধয়ে ।
অহং ত্বানুগমিষ্য়ামি সরথো দংডকাবনম্ ॥ 24 ॥
প্রাপ্য় সীতাময়ুদ্ধেন বংচয়িত্বা তু রাঘবম্ ।
লংকাং প্রতিগমিষ্য়ামি কৃতকার্যস্সহ ত্বয়া ॥ 25 ॥
ন চেত্করোষি মারীচ হন্মি ত্বামহমদ্য় বৈ ।
এতত্কার্যমবশ্য়ং মে বলাদপি করিষ্যসি ।
রাজ্ঞো হি প্রতিকূলস্থো ন জাতু সুখমেধতে ॥ 26 ॥
আসাদ্য় তং জীবিতসংশযস্তে মৃত্য়ুর্ধ্রুবো হ্যদ্য় ময়া বিরুধ্য় ।
এতদ্যথাবত্প্রতিগৃহ্য় বুদ্ধ্য়া যদত্র পথ্য়ং কুরু তত্তথা ত্বম্ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে চত্বারিংশস্সর্গঃ ॥
