শ্রীমদ্বাল্মীকীয় রামাযণে অরণ্যকাংডম্ ।
অথ পংচমস্সর্গঃ ।
হত্বা তু তং ভীমবলং বিরাধং রাক্ষসং বনে ।
ততস্সীতাং পরিষ্বজ্য় সমাশ্বাস্য় চ বীর্যবান্ ॥ 1 ॥
অব্রবীল্লক্ষ্মণং রামো ভ্রাতরং দীপ্ততেজসম্ ।
কষ্টং বনমিদং দুর্গং ন চ স্ম বনগোচরাঃ ॥ 2 ॥
অভিগচ্ছামহে শীঘ্রং শরভংগং তপোধনম্ ।
আশ্রমং শরভংগস্য় রাঘবোঽভিজগাম হ ॥ 3 ॥
তস্য় দেবপ্রভাবস্য় তপসা ভাবিতাত্মনঃ ।
সমীপে শরভংগস্য় দদর্শ মহদদ্ভুতম্ ॥ 4 ॥
বিভ্রাজমানং বপুষা সূর্যবৈশ্বানরোপমম্ ।
অবরুহ্যরথোত্সংগাদাকাশে বিবুধানুগম ॥ 5 ॥
অসংস্পৃশংতং বসুধাং দদর্শ বিবুধেশ্বরম্ ।
সুপ্রভাভরণং দেবং বিরজোঽংবরধারিণম্ ॥ 6 ॥
তদ্বিধৈরেব বহুভিঃ পূজ্যমানং মহাত্মভিঃ ।
হরিভির্বাজিভির্য়ুক্তমংতরিক্ষগতং রথম্ ॥ 7 ॥
দদর্শাদূরতস্তস্য় তরুণাদিত্যসন্নিভম্ ।
পাংডুরাভ্রঘনপ্রখ্য়ং চংদ্রমংডলসন্নিভম্ ॥ 8 ॥
অপশ্যদ্বিমলং ছত্রং চিত্রমাল্য়োপশোভিতম্ ।
চামরব্যজনে চাগ্র্য়ে রুক্মদংডে মহাধনে ॥ 9 ॥
গৃহীতে বরনারীভ্য়াং ধূযমানে চ মূর্ধনি ।
গংধর্বামরসিদ্ধাশ্চ বহবঃ পরমর্ষয়ঃ ॥ 10 ॥
অংতরিক্ষগতং দেবং বাগ্ভিরগ্য়্রাভিরীডিরে ।
সহ সংভাষমাণে তু শরভংগেন বাসবে ॥ 11 ॥
দৃষ্ট্বা শতক্রতুং তত্র রামো লক্ষ্মণমব্রবীত্ ।
রামোঽথ রথমুদ্দিশ্য় লক্ষ্মণাযপ্রদর্শযন্ ॥ 12 ॥
অর্চিষ্মংতং শ্রিয়া জুষ্টমদ্ভুতং পশ্য় লক্ষ্মণ ।
প্রতপংতমিবাদিত্যমংতরিক্ষগতং রথম্ ॥ 13 ॥
যে হয়াঃ পুরুহূতস্য় পুরা শক্রস্য় নশ্শ্রুতাঃ ।
অংতরিক্ষগতা দিব্য়াস্ত ইমে হরয়ো ধ্রুবম্ ॥ 14 ॥
ইমে চ পুরুষব্য়াঘ্রা যে তিষ্ঠংত্যভিতো রথম্ ।
শতং শতং কুংডলিনো যুবানঃ খংগপাণয়ঃ ॥ 15 ॥
বিস্তীর্ণবিপুলোরস্কাঃ পরিঘাযতবাহবঃ ।
শোণাংশুবসনাস্সর্বে ব্য়াধ্রা ইব দুরাসদাঃ ॥ 16 ॥
উরোদেশেষু সর্বেষাং হারা জ্বলনসন্নিভাঃ ।
রূপং বিভ্রতি সৌমিত্রে পংচবিংশতিবার্ষিকম্ ॥ 17 ॥
এতদ্দি কিল দেবানাং বয়ো ভবতি নিত্যদা ।
যথেমে পুরুষব্য়াঘ্রা দৃশ্য়ংতে প্রিযদর্শনাঃ ॥ 18 ॥
ইহৈব সহ বৈদেহ্য়া মুহূর্তং তিষ্ঠ লক্ষ্মণ ।
যাবজ্জানাম্যহং ব্যক্তং ক এষ দ্য়ুতিমান্রথে ॥ 19 ॥
তমেবমুক্ত্বা সৌমিত্রিমিহৈব স্থীযতামিতি ।
অভিচক্রাম কাকুত্স্থ শ্শরভংগাশ্রমং প্রতি ॥ 20 ॥
ততস্সমভিগচ্ছংতং প্রেক্ষ্য় রামং শচীপতিঃ ।
শরভংগমনুপ্রাপ্য় বিবিক্ত ইদমব্রবীত্ ॥ 21 ॥
ইহোপয়াত্যসৌ রামো যাবন্মাং নাভিভাষতে ।
নিষ্ঠাং নযতু তাবত্তু ততো মা দ্রষ্টুমর্হতি ॥ 22 ॥
জিতবংতং কৃতার্থং হি তদাহমচিরাদিমম্ ।
কর্ম হ্যনেন কর্তব্য়ং মহদন্য়ৈস্সুদুষ্করম্ ॥ 23 ॥
ইতি বজ্রী তমামংত্র্য় মানয়িত্বা চ তাপসম্ ।
রথেন হযয়ুক্তেন যয়ৌ দিবমরিংদমঃ ॥ 24 ॥
প্রয়াতে তু সহস্রাক্ষে রাঘবস্সপরিচ্ছদঃ ।
অগ্নিহোত্রমুপাসীনং শরভংগমুপাগমত্ ॥ 25 ॥
তস্য় পাদৌ চ সংগৃহ্য় রামস্সীতা চ লক্ষ্মণঃ ।
নিষেদুস্সমনুজ্ঞাতা লব্ধবাসা নিমংত্রিতাঃ ॥ 26 ॥
ততশ্শক্রোপয়ানং তু পর্যপৃচ্ছত্স রাঘবঃ ।
শরভংগশ্চ তত্সর্য়ং রাঘবায় ন্যবেদযত্ ॥ 27 ॥
মামেষ বরদো রাম ব্রহ্মলোকং নিনীষতি ।
জিতমুগ্রেণ তপসা দুষ্প্রাপমকৃতাত্মভিঃ ॥ 28 ॥
অহং জ্ঞাত্বা নরব্য়াঘ্র বর্তমানমদূরতঃ ।
ব্রহ্মলোকং ন গচ্ছামি ত্বামদৃষ্ট্বা প্রিয়াতিথিম্ ॥ 29 ॥
ত্বয়াঽহং পুরুষব্য়াঘ্র ধার্মিকেণ মহাত্মনা ।
সমাগম্য় গমিষ্য়ামি ত্রিদিবং দেবসেবিতম্ ॥ 30 ॥
অক্ষয়া নরশার্দূল ময়া লোকা জিতাশ্শুভা ।
ব্রাহ্ম্য়াশ্চ নাকপৃষ্ঠ্য়াশ্চ প্রতিগৃহ্ণীষ্ব মামকান্ ॥ 31 ॥
এবমুক্তো নরব্য়াঘ্রস্সর্বশাস্ত্র বিশারদঃ ।
ঋষিণা শরভংগেণ রাঘবো বাক্যমব্রবীত্ ॥ 32 ॥
অহমেবাহরিষ্য়ামি সর্বাংল্লোকান্মহামুনে ।
আবাসং ত্বহমিচ্ছামি প্রদিষ্টমিহ কাননে ॥ 33 ॥
রাঘবেণৈবমুক্তস্তু শক্রতুল্যবলেন বৈ ।
শরভংগো মহাপ্রাজ্ঞঃ পুনরেবাব্রবীদ্বচঃ ॥ 34 ॥
ইহ রাম মহাতেজাস্সুতীক্ষ্ণো নাম ধার্মিকঃ ।
বসত্যরণ্য়ে ধর্মাত্মা স তে শ্রেয়ো বিধাস্যতি ॥ 35 ॥
সুতীক্ষ্ণমভিগচ্ছ ত্বং শুচৌ দেশে তপস্বিনম্ ।
রমণীয়ে বনোদ্দেশে স তে বাসং বিধাস্যতি ॥ 36 ॥
ইমাং মংদাকিনীং রাম প্রতিস্রোতামনুব্রজ ।
নদীং পুষ্পোডুপবহাং ততস্তত্র গমিষ্যসি ॥ 37 ॥
এষ পংথা নরব্য়াঘ্র মুহূর্তং পশ্য় তাত মাম্ ।
যাবজ্জহামি গাত্রাণি জীর্ণাং ত্বচমিবোরগঃ ॥ 38 ॥
ততোঽগ্নিং স সমাধায় হুত্বা চাজ্য়েন মংত্রবিত্ ।
শরভংগো মহাতেজাঃ প্রবিবেশ হুতাশনম্ ॥ 39 ॥
তস্য় রোমাণি কেশাংশ্চ তদা বহ্নির্মহাত্মনঃ ।
জীর্ণাং ত্বচং তথাঽস্থীনি যচ্চ মাংসং সশোণিতম্ ॥ 40 ॥
স চ পাবকসংকাশঃ কুমারস্সমপদ্যত ।
উত্থায়াগ্নিচয়াত্তস্মাচ্ছরভংগো ব্যরোচত ॥ 41 ॥
স লোকানাহিতাগ্নীনামৃষীণাং চ মহাত্মনাম্ ।
দেবানাং চ ব্যতিক্রম্য় ব্রহ্মলোকং ব্যরোহত ॥ 42 ॥
স পুণ্যকর্মা ভুবনে দ্বিজর্ষভঃ পিতামহং সানুচরং দদর্শ হ ।
পিতামহশ্চাপি সমীক্ষ্য় তং দ্বিজং ননংদ সুস্বাগতমিত্য়ুবাচ হ ॥ 43 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে পংচমস্সর্গঃ ॥
