শ্রীমদ্বাল্মীকীয় রামাযণে অরণ্যকাংডম্ ।
অথ পংচপংচাশস্সর্গঃ ।
সংদিশ্য় রাক্ষসান্ঘোরান্ রাবণোঽষ্টৌ মহাবলান্ ।
আত্মানং বুদ্ধিবৈক্লব্য়াত্কৃতকৃত্যমমন্যত ॥ 1 ॥
স চিংতয়ানো বৈদেহীং কামবাণসমর্পিতঃ ।
প্রবিবেশ গৃহং রম্য়ং সীতাং দ্রষ্টুমভিত্বরন্ ॥ 2 ॥
স প্রবিশ্য় তু তদ্বেশ্ম রাবণো রাক্ষসাধিপঃ ।
অপশ্যদ্রাক্ষসীমধ্য়ে সীতাং শোকপরাযণাম্ ॥ 3 ॥
অশ্রুপূর্ণমুখীং দীনাং শোকভারাভিপীডিতাম্ ।
বায়ুবেগৈরিবাক্রাংতাং মজ্জংতীং নাবমর্ণবে ॥ 4 ॥
মৃগয়ূথপরিভ্রষ্টাং মৃগীং শ্বভিরিবাবৃতাম্ ।
অধোমুখমুখীং সীতামভ্য়েত্য় চ নিশাচরঃ ॥ 5 ॥
তাং তু শোকপরাং দীনামবশাং রাক্ষসাধিপঃ ।
স বলাদ্দর্শয়ামাস গৃহং দেবগৃহোপমম্ ॥ 6 ॥
হর্ম্যপ্রাসাদসংবাধং স্ত্রীসহস্রনিষেবিতম্ ।
নানাপক্ষিগণৈর্জুষ্টং নানারত্নসমন্বিতম্ ॥ 7 ॥
দাংতকৈস্তাপনীয়ৈশ্চ স্ফাটিকৈ রাজতৈরপি ।
বজ্রবৈডূর্যচিত্রৈশ্চ স্তংভৈর্দৃষ্টিমনোহরৈঃ ॥ 8 ॥
দিব্যদুংদুভিনির্হ্রাদং তপ্তকাংচনতোরণম্ ।
সোপানং কাংচনং চিত্রমারুরোহ তয়া সহ ॥ 9 ॥
দাংতকা রাজতাশ্চৈব গবাক্ষাঃ প্রিযদর্শনাঃ ।
হেমজালাবতাশ্চাসন্স্তত্র প্রাসাদপংক্তয়ঃ ॥ 10 ॥
সুধামণিবিচিত্রাণি ভূমিভাগানি সর্বশঃ ।
দশগ্রীবস্স্বভবনে প্রাদর্শযত মৈথিলীম্ ॥ 11 ॥
দীর্ঘিকাঃ পুষ্করিণ্যশ্চ নানাবৃক্ষসমন্বিতাঃ ।
রাবণো দর্শয়ামাস সীতাং শোকপরাযণাম্ ॥ 12 ॥
দর্শয়িত্বা তু বৈদেহ্য়াঃ কৃত্স্নং তদ্ভবনোত্তমম্ ।
উবাচ বাক্য়ং পাপাত্মা সীতাং লোভিতুমিচ্ছয়া ॥ 13 ॥
দশ রাক্ষসকোট্যশ্চ দ্বাবিংশতিরথাপরাঃ ।
তেষাং প্রভুরহং সীতে সর্বেষাং ভীমকর্মণাম্ ॥ 14 ॥
বর্জয়িত্বা জরাবৃদ্ধান্বালাংশ্চ রজনীচরান্ ।
সহস্রমেকমেকস্য় মম কার্যপুরস্সরম্ ॥ 15 ॥
যদিদং রাজতংত্রং মে ত্বয়ি সর্বং প্রতিষ্ঠিতম্ ।
জীবিতং চ বিশালাক্ষি ত্বং মে প্রাণৈর্গরীযসী ॥ 16 ॥
বহূনাংস্ত্রীসহস্রাণাং মম যোঽসৌ পরিগ্রহঃ ।
তাসাং ত্বমীশ্বরা সীতে মম ভার্য়া ভব প্রিয়ে ॥ 17 ॥
সাধু কিং তেঽন্যয়া বুদ্ধ্য়া রোচযস্ব বচো মম ।
ভজস্বমাভিতপ্তস্য় প্রসাদং কর্তুমর্হসি ॥ 18 ॥
পরিক্ষিপ্তা সমুদ্রেণ লংকেয়ং শতয়োজনা ।
নেয়ং ধর্ষয়িতুং শক্য়া সেংদ্রৈরপি সুরাসুরৈঃ ॥ 19 ॥
ন দেবেষু ন যক্ষেষু ন গংধর্বেষু পক্ষিষু ।
অহং পশ্য়ামি লোকেষু যো মে বীর্যসমো ভবেত্ ॥ 20 ॥
রাজ্যভ্রষ্টেন দীনেন তাপসেন গতায়ুষা ।
কিং করিষ্যসি রামেণ মানুষেণাল্পতেজসা ॥ 21 ॥
ভজস্ব সীতে মামেব ভর্তাহং সদৃশস্তব ।
যৌবনং হ্যধ্রুবং ভীরু রমস্বেহ ময়া সহ ॥ 22 ॥
দর্শনে মাকৃথা বুদ্ধিং রাঘবস্য় বরাননে ।
কাস্য় শক্তিরিহাগংতুমপি সীতে মনোরথৈঃ ॥ 23 ॥
ন শক্য়ো বায়ুরাকাশে পাশৈর্বদ্ধুং মহাজবঃ ।
দীপ্যমানস্য় বাপ্যগ্নের্গৃহীতুং বিমলাং শিখাম্ ॥ 24 ॥
ত্রয়াণামপি লোকানাং ন তং পশ্য়ামি শোভনে ।
বিক্রমেণ নয়েদ্যস্ত্বাং মদ্বাহুপরিপালিতাম্ ॥ 25 ॥
লংকায়াং সুমহদ্রাজ্যমিদং ত্বমনুপালয় ।
ত্বত্প্রেষ্য়া মদ্বিধাশ্চৈব দেবাশ্চাপি চরাচরাঃ ॥ 26 ॥
অভিষেকোদকক্লিন্না তুষ্টা চ রমযস্ব মাম্ ।
দুষ্কৃতং যত্পরা কর্ম বনবাসেন তদ্গতম্ ॥ 27 ॥
যশ্চ তে সুকৃতো ধর্মস্তস্য়েহ ফলমাপ্নুহি ।
ইহ মাল্য়ানি সর্বাণি দিব্যগংধানি মৈথিলি ॥ 28 ॥
ভূষণানি চ মুখ্য়ানি সেবস্ব চ ময়া সহ ।
পুষ্পকং নাম সুশ্রোণি ভ্রাতুর্বৈশ্রবণস্য় মে ॥ 29 ॥
বিমানং সূর্যসংকাশং তরসা নির্জিতং ময়া ।
বিশালং রমণীয়ং চ তদ্বিমানমনুত্তম্ ॥ 30 ॥
তত্র সীতে ময়া সার্ধং বিহরস্ব যথাসুখম্ ।
বদনং পদ্মসংকাশমমলং চারুদর্শনম্ ।
শোকার্তংতু বরারোহে ন ভ্রাজতি বরাননে ॥ 31 ॥
এবং বদতি তস্মিত্সা বস্ত্রাংতেন বরাংগনা ।
পিধায়েংদুনিভং সীতা মুখমশ্রূণ্যবর্তযত্ ॥ 32 ॥
ধ্য়ায়ংতীং তামিবাস্বস্থাং দীনাং চিংতাহতপ্রভাম্ ।
উবাচ বচনং পাপো রাবণো রাক্ষসেশ্বরঃ ॥ 33 ॥
অলং ব্রীডেন বৈদেহি ধর্মলোপকৃতেন চ ॥ 34 ॥
আর্ষোঽয়ং দৈবনিষ্য়ংদো যস্ত্বামভিগমিষ্যতি ।
এতৌ পাদৌ ময়া স্নিগ্ধৌ শিরোভিঃ পরিপীডিতৌ ॥ 35 ॥
প্রসাদং কুরু মে ক্ষিপ্রং বশ্য়ো দাসোঽহমস্মিতে ।
ইমাশ্শূন্য় ময়া বাচশ্শুষ্যমাণেন ভাষিতাঃ ॥ 36 ॥
ন চাপি রাবণঃ কাংচিন্মূর্ধ্না স্ত্রীং প্রণমেত হ ।
এবমুক্ত্বা দশগ্রীবো মৈথিলীং জনকাত্মজাম্ ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে পংচপংচাশস্সর্গঃ ॥
