শ্রীমদ্বাল্মীকীয় রামাযণে অরণ্যকাংডম্ ।
অথ একোনষষ্টিতমস্সর্গঃ ।
অথাশ্রমাদুপাবৃত্তমংতরা রঘুনংদনঃ ।
পরিপপ্রচ্ছ সৌমিত্রিং রামো দুঃখার্দিতং পুনঃ ॥ 1 ॥
তমুবাচ কিমর্থং ত্বমাগতোঽপাস্য় মৈথিলীম্ ।
যদা সা তব বিশ্বাসাদ্বনে বিরহিতা ময়া ॥ 2 ॥
দৃষ্ট্বৈবাভ্য়াগতং ত্বাং মে মৈথিলীং ত্যজ্য় লক্ষ্মণ ।
শংকমানং মহত্পাপং যত্সত্য়ং ব্যথিতং মনঃ ॥ 3 ॥
স্ফুরতে নযনং সব্য়ং বাহুশ্চ হৃদয়ং চ মে ।
দৃষ্ট্বা লক্ষ্মণ দূরে ত্বাং সীতাবিরহিতং পথি ॥ 4 ॥
এবমুক্তংতু সৌমিত্রির্লক্ষ্মণশ্শুভলক্ষণঃ ।
ভূয়ো দুঃখসমাবিষ্টো দুঃখিতং রামমব্রবীত্ ॥ 5 ॥
ন স্বয়ং কামকারেণ তাং ত্যক্ত্বাহমিহাগতঃ ।
প্রচোদিত স্তয়ৈবোগ্রৈস্ত্বত্সকাশমিহাগতঃ ॥ 6 ॥
আর্য়েণেব পরাক্রুষ্টং হাসীতে লক্ষ্মণেতি চ ।
পরিত্রাহীতি যদ্বাক্য়ং মৈথিল্য়াস্তচ্ছ্রুতিং গতম্ ॥ 7 ॥
সা তমার্তস্বরং শ্রুত্বা তব স্নেহেন মৈথিলী ।
গচ্ছ গচ্ছেতি মামাহ রুদংতী ভযবিহ্বলা ॥ 8 ॥
প্রচোদ্যমানেন ময়া গচ্ছেতি বহুশস্তয়া ।
প্রত্য়ুক্তা মৈথিলী বাক্যমিদং ত্বত্প্রত্যয়ান্বিতম্ ॥ 9 ॥
ন তত্পশ্য়াম্যহং রক্ষো যদস্য় ভযমাবহেত্ ।
নির্বৃতা ভব নাস্ত্য়েতত্কেনাপ্য়েবমুদাহৃতম্ ॥ 10 ॥
বিগর্হিতং চ নীচং চ কথমার্য়োঽভিধাস্যতি ।
ত্রাহীতি বচনং সীতে যস্ত্রায়েত্রিদশানপি ॥ 11 ॥
কিং নিমিত্তং তু কেনাপি ভ্রাতুরালংব্য় মে স্বরম্ ।
রাক্ষসেনেরিতং বাক্য়ং ত্রাহি ত্রাহীতি শোভনে ॥ 12 ॥
বিস্বরং ব্য়াহৃতং বাক্য়ং লক্ষ্মণ ত্রাহি মামিতি ।
ন ভবত্য়া ব্যথা কার্য়া কুনারীজনসেবিতা ॥ 13 ॥
অলং বৈক্লব্যমালংব্য় স্বস্থা ভব নিরুত্সুকা ।
ন সোঽস্তি ত্রিষু লোকেষু পুমান্বৈ রাঘবং রণে ॥ 14 ॥
জাতো বা জাযমানো বা সংয়ুগে যঃ পরাজয়েত্ ।
ন জয়্য়ো রাঘবো যুদ্ধে দেবৈশ্শক্রপুরোগমৈঃ ॥ 15 ॥
এবমুক্তা তু বৈদেহী পরিমোহিতচেতনা ।
উবাচাশ্রূণি মুংচংতী দারুণং মামিদং বচঃ ॥ 16 ॥
ভাবো ময়ি তবাত্যর্থং পাপ এব নিবেশিতঃ ।
বিনষ্টে ভ্রাতরি প্রাপ্তুং ন চ ত্বং মামবাপ্স্যসি ॥ 17 ॥
সংকেতাদ্ভরতেন ত্বং রামং সমনুগচ্ছসি ।
ক্রোশংতং হি যথাত্যর্থং নৈবমভ্যবপদ্যসে ॥ 18 ॥
রিপুঃ প্রচ্ছন্নচারী ত্বং মদর্থমনুগচ্ছসি ।
রাঘবস্য়াংতরপ্রেপ্সুস্তথৈনং নাভিপদ্যসে ॥ 19 ॥
এবমুক্তো হি বৈদেহ্য়া সংরব্ধো রক্তলোচনঃ ।
ক্রোধাত্প্রস্ফুরমাণোষ্ঠ আশ্রমাদভিনির্গতঃ ॥ 20 ॥
এবং ব্রুবাণং সৌমিত্রিং রামস্সংতাপমোহিতঃ ।
অব্রবীদ্দুষ্কৃতং সৌম্য় তাং বিনা যত্ত্বমাগতঃ ॥ 21 ॥
জানন্নপি সমর্থং মাং রক্ষসাং বিনিবারণে ।
অনেন ক্রোধবাক্য়েন মৈথিল্য়া নিস্সৃতো ভবান্ ॥ 22 ॥
ন হি তে পরিতুষ্য়ামি ত্যক্ত্বা যদ্য়াসি মৈথিলীম্ ।
ক্রুদ্ধায়াঃ পরুষং শ্রুত্বা তাং বিহায় ত্বমাগতঃ ॥ 23 ॥
সর্বথা ত্ববিনীতং তে সীতয়া যত্প্রচোদিতঃ ।
ক্রোধস্য় বশমাপন্নো নাকরোশ্শাসনং মম ॥ 24 ॥
অসৌ হি রাক্ষসশ্শেতে শরেণাভিহতো ময়া ।
মৃগরূপেণ যেনাহমাশ্রমাদপবাহিতঃ ॥ 25 ॥
বিকৃষ্য় চাপং পরিধায় সাযকং সলীলবাণেন চ তাডিতো ময়া ।
মার্গীং তনুং ত্যজ্য় স বিক্লবস্বরো বভূব কেয়ূরধরস্সরাক্ষসঃ ॥ 26 ॥
শরাহতেনৈব তদার্তয়া গিরা স্বরং সমালংব্য় সুদূরসুশ্রবম্ ।
উদাহৃতং তদ্বচনং সুদারুণং ত্বমাগতো যেন বিহায় মৈথিলীম্ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একোনষষ্টিতমস্সর্গঃ ॥
