শ্রীমদ্বাল্মীকীয় রামাযণে কিষ্কিংধাকাংডম্ ।
অথ একচত্বারিংশস্সর্গঃ ।
ততঃ প্রস্থাপ্য় সুগ্রীবস্তন্মহদ্বানরং বলম্ ।
দক্ষিণাং প্রেষয়ামাস বানরানভিলক্ষিতান্ ॥ 1 ॥
নীল মগ্নিসুতং চৈব হনুমংতং চ বানরম্ ।
পিতামহসুতং চৈব জাংববংতং মহাবলম্ ॥ 2 ॥
সুহোত্রং চ শরারিং চ শরগুল্মং তথৈব চ ।
গজং গবাক্ষং গবয়ং সুষেণমৃষভং তথা ॥ 3 ॥
মৈংদং চ দ্বিবিদং চৈব বিজয়ং গংধমাদনম্ ।
উল্কামুখমসংগং চ হুতাশনসুতাবুভৌ ॥ 4 ॥
অংগদপ্রমুখান্বীরান্বীরঃ কপিগণেশ্বরঃ ।
বেগবিক্রমসংপন্নান্সংদিদেশ বিশেষবিত্ ॥ 5 ॥
তেষামগ্রেসরং চৈব মহাবলমথাংগদম্ ।
বিধায় হরিবীরাণামাদিশদ্দক্ষিণাং দিশম্ ॥ 6 ॥
যে কেচন সমুদ্দেশাস্তস্য়াং দিশি সুদুর্গমাঃ ।
কপীশঃ কপিমুখ্য়ানাং স তেষাং তানুদাহরত্ ॥ 7 ॥
সহস্রশিরসং বিংধ্য়ং নানাদ্রুমলতায়ুতম্ ।
নর্মদাং চ নদীং রম্য়াং মহোরগনিষেবিতাম্ ॥ 8 ॥
ততো গোদাবরীং রম্য়াং কৃষ্ণবেণীং মহানদীম্ ।
বরদাং চ মহাভাগাং মহোরগনিষেবিতাম্ ॥ 9 ॥
মেখলামুত্কলাং চৈব দশার্ণনগরাণ্যপি ।
আশ্ববংতীমবংতীং চ সর্বামেবানুপশ্যত ॥ 10 ॥
বিদর্ভানৃষিকাংশ্চৈব রম্য়ান্মাহিষকানপি ।
তথা বংগান্কলিংগাংশ্চ কৌশিকাংশ্চ সমংততঃ ॥ 11 ॥
অন্বীক্ষ্য় দংডকারণ্য়ং সপর্বতনদীগুহাম্ ।
নদীং গোদাবরীং চৈব সর্বমেবানুপশ্যত ॥ 12 ॥
তথৈবাংধ্রাংশ্চ পুংড্রাংশ্চ চোলান্পাংড্য়াংত্স কেরলান্ ।
অয়োমুখশ্চ গংতব্য়ঃ পর্বতো ধাতুমংডিতঃ ॥ 13 ॥
বিচিত্রশিখর শ্শ্রীমাংশ্চিত্রপুষ্পিতকাননঃ ।
সচংদনবনোদ্দেশো মার্গিতব্য়ো মহাগিরিঃ ॥ 14 ॥
ততস্তামাপগাং দিব্য়াং প্রসন্নসলিলাং শিবাম্ ।
তত্র দ্রক্ষ্যথ কাবেরীং বিহিতামপ্সরোগণৈঃ ॥ 15 ॥
তস্য়াসীনং নগস্য়াগ্রে মলযস্য় মহৌজসম্ ।
দ্রক্ষ্যথাঽদিত্যসংকাশমগস্ত্যমৃষিসত্তমম্ ॥ 16 ॥
ততস্তেনাভ্যনুজ্ঞাতাঃ প্রসন্নেন মহাত্মনা ।
তাম্রপর্ণীং গ্রাহজুষ্টাং তরিষ্যথ মহানদীম্ ॥ 17 ॥
সা চংদনবনৈর্দিব্য়ৈ প্রচ্ছন্না দ্বীপশালিনী ।
কাংতেব যুবতিঃ কাংতাং সমুদ্রমবগাহতে ॥ 18 ॥
ততো হেমময়ং দিব্য়ং মুক্তামণিবিভূষিতম্ ।
যুক্তং কবাটং পাংড্য়ানাং গতা দ্রক্ষ্যথ বানরাঃ ॥ 19 ॥
ততস্সমুদ্রমাসাদ্য় সংপ্রধার্য়ার্থনিশ্চযম্ ।
অগস্ত্য়েনাংতরে তত্র সাগরে বিনিবেশিতঃ ॥ 20 ॥
চিত্রনানানগঃ শ্রীমান্মহেংদ্রঃ পর্বতোত্তমঃ ।
জাতরূপময়ঃ শ্রীমানবগাঢো মহার্ণবম্ ॥ 21 ॥
নানাবিধৈর্নগৈ স্সর্বৈলতাভিশ্চোপশোভিতম্ ।
দেবর্ষিযক্ষপ্রবরৈরপ্সরোভিশ্চ সেবিতম্ ॥ 22 ॥
সিদ্ধচারণসংঘৈশ্চ প্রকীর্ণং সমনোরমম্ ।
তমুপৈতি সহস্রাক্ষঃ সদা পর্বসু পর্বসু ॥ 23 ॥
দ্বীপস্তস্য়াপরে পারে শতয়োজনমাযতঃ ।
অগম্য়ো মানুষৈর্দীপ্তস্তং মার্গধ্বং সমংততঃ ॥ 24 ॥
তত্র সর্বাত্মনা সীতা মার্গিতব্য়া বিশেষতঃ ।
স হি দেশস্তু বধ্যস্য় রাবণস্য় দুরাত্মনঃ ॥ 25 ॥
রাক্ষসাধিপতের্বাসস্সহস্রাক্ষসমদ্য়ুতেঃ ।
দক্ষিণস্য় সমুদ্রস্য় মধ্য়ে তস্য় তু রাক্ষসী ॥ 26 ॥
অংগারকেতি বিখ্য়াতা ছায়ামাকৃষ্য় ভোজিনী ।
এবং নিস্সংশয়ান্কৃত্বা সংশয়ান্নষ্টসংশয়াঃ ॥ 27 ॥
মৃগযধ্বং নরেংদ্রস্য় পত্নীমমিততেজসঃ ।
তমতিক্রম্য় লক্ষ্মীবান্সমুদ্রে শতয়োজনে ॥ 28 ॥
গিরিঃ পুষ্পিতকো নাম সিদ্ধচারণসেবিতঃ ।
চংদ্রসূর্য়াংশুসংকাশস্সাগরাংবুসমাবৃতঃ ॥ 29 ॥
ভ্রাজতে বিপুলৈশ্শৃংগৈরংবরং বিলিখন্নিব ।
তস্য়ৈকং কাংচনং শৃংগং সেবতেঽয়ং দিবাকরঃ ॥ 30 ॥
শ্বেতং রাজতমেকং চ সেবতেঽয়ং নিশাকরঃ ।
ন তং কৃতঘ্নাঃ পশ্য়ংতি ন নৃশংসা ন নাস্তিকাঃ ॥ 31 ॥
প্রণম্য় শিরসা শৈলং তং বিমার্গত বানরাঃ ।
তমতিক্রম্য় দুর্ধর্ষ স্সূর্যবান্নাম পর্বতঃ ॥ 32 ॥
অধ্বনা দুর্বিগাহেন যোজনানি চতুর্দশ ।
ততস্তমপ্যতিক্রম্য় বৈদ্য়ুতো নাম পর্বতঃ ॥ 33 ॥
সর্বকামফলৈর্বৃক্ষৈ স্সর্বকালমনোহরৈঃ ।
তত্র ভুক্ত্বা বরার্হাণি মূলানি চ ফলানি চ ॥ 34 ॥
মধূনি পীত্বা মুখ্য়ানি পরং গচ্ছত বানরাঃ ।
তত্র নেত্রমনঃকাংতঃ কুংজরো নাম পর্বতঃ ॥ 35 ॥
অগস্ত্যভবনং যত্র নির্মিতং বিশ্বকর্মণা ।
তত্র যোজনবিস্তারমুচ্ছ্রিতং দশয়োজনম্ ॥ 36 ॥
শরণং কাংচনং দিব্য়ং নানারত্নবিভূষিতম্ ।
তত্র ভোগবতী নাম সর্পাণামালয়ঃ পুরী ॥ 37 ॥
বিশালকক্ষ্য়া দুর্ধর্ষা সর্বতঃ পরিরক্ষিতা ।
রক্ষিতা পন্নগৈর্ঘোরৈস্তীক্ষ্ণদষ্ট্রৈরৈর্মহাবিষৈঃ ॥ 38 ॥
সর্পরাজো মহাপ্রাজ্ঞো যস্য়াং বসতি বাসুকিঃ ।
নির্য়ায় মার্গিতব্য়া চ সা চ ভোগবতী পুরী ॥ 39 ॥
তত্র চানংতরা দেশা যে কেচন সুসম্বৃতাঃ ।
তং চ দেশমতিক্রম্য় মহানৃষভসংস্থিতঃ ॥ 40 ॥
সর্বরত্নময়ঃ শ্রীমান্ ঋষভো নাম পর্বতঃ ।
গোশীর্ষকং পদ্মকং চ হরিশ্য়ামং চ চংদনম্ ॥ 41 ॥
দিব্যমুত্পদ্যতে যত্র তচ্চৈবাগ্নিসমপ্রভম্ ।
ন তু তচ্চংদনং দৃষ্টবা স্প্রষ্টব্য়ং চ কদাচন ॥ 42 ॥
রোহিতা নাম গংধর্বা ঘোরা রক্ষংতি তদ্বনম্ ।
তত্র গংধর্বপতয়ঃ পংচ সূর্যসমপ্রভাঃ ॥ 43 ॥
শৈলূষো গ্রামণী শ্শিগ্রু শ্শুভ্রো বভ্রুস্তথৈব চ ।
রবিসোমাগ্নিবপুষাং নিবাসঃ পুণ্যকর্মণাম্ ॥ 44 ॥
অংতে পৃথিব্য়া দুর্ধর্ষাস্তত্র স্বর্গজিতঃ স্থিতাঃ ।
ততঃ পরং ন বস্সেব্য়ঃ পিতৃলোক স্সুদারুণঃ ॥ 45 ॥
রাজধানী যমস্য়ৈষা কষ্টেন তমসা বৃতা ।
এতাবদেব যুষ্মাভির্বীরা বানরপুংগবাঃ ॥ 46 ॥
শক্য়ং বিচেতুং গংতুং বা নাতো গতিমতাং গতিঃ ।
সর্বমেতত্সমালোক্য় যচ্চান্যদপি দৃশ্যতে ॥ 47 ॥
গতিং বিদিত্বা বৈদেহ্য়া স্সন্নিবর্তিতুমর্হথ ।
যস্তু মাসান্নিবৃত্তোঽগ্রে দৃষ্টা সীতেতি বক্ষ্যতি ॥ 48 ॥
মত্তুল্যবিভবো ভোগৈ স্সুখং স বিহরিষ্যতি ।
ততঃ প্রিযতরো নাস্তি মম প্রাণাদ্বিশেষতঃ ॥ 49 ॥
কৃতাপরাধো বহুশো মম বংধুর্ভবিষ্যতি ।
অমিতবলপরাক্রমা ভবংতো বিপুলগুণেষু কুলেষু চ প্রসূতাঃ ।
মনুজপতিসুতাং যথা লভধ্বং তদধিগুণং পুরুষার্থমারভধ্বম্ ॥ 50 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে একচত্বারিংশস্সর্গঃ ॥
