শ্রীমদ্বাল্মীকীয় রামাযণে সুংদরকাংডম্ ।
অথ প্রথমস্সর্গঃ ।
ততো রাবণনীতায়াঃ সীতায়াঃ শত্রুকর্শনঃ ।
ইয়েষ পদমন্বেষ্টুং চারণাচরিতে পথি ॥ 1 ॥
দুষ্করং নিষ্প্রতিদ্বংদ্বং চিকীর্ষন্ কর্ম বানরঃ ।
সমুদগ্রশিরোগ্রীবো গবাংপতিরিবাবভৌ ॥ 2 ॥
অথ বৈডূর্যবর্ণেষু শাদ্বলেষু মহাবলঃ ।
ধীরঃ সলিলকল্পেষু বিচচার যথাসুখম্ ॥ 3 ॥
দ্বিজান্ বিত্রাসযন্ ধীমানুরসা পাদপান্ হরন্ ।
মৃগাংশ্চ সুবহূন্নিঘ্নন্ প্রবৃদ্ধ ইব কেসরী ॥ 4 ॥
নীললোহিতমাংজিষ্ঠপত্রবর্ণৈঃ সিতাসিতৈঃ ।
স্বভাববিহিতৈশ্চিত্রৈর্ধাতুভিঃ সমলংকৃতম্ ॥ 5 ॥
কামরূপিভিরাবিষ্টমভীক্ষ্ণং সপরিচ্ছদৈঃ ।
যক্ষকিন্নরগংধর্বৈর্দেবকল্পৈশ্চ পন্নগৈঃ ॥ 6 ॥
স তস্য় গিরিবর্যস্য় তলে নাগবরায়ুতে ।
তিষ্ঠন্ কপিবরস্তত্র হ্রদে নাগ ইবাবভৌ ॥ 7 ॥
স সূর্য়ায় মহেংদ্রায় পবনায় স্বয়ংভুবে ।
ভূতেভ্যশ্চাংজলিং কৃত্বা চকার গমনে মতিম্ ॥ 8 ॥
অংজলিং প্রাঙ্মুখঃ কুর্বন্ পবনায়াত্ময়োনয়ে ।
ততো হি ববৃধে গংতুং দক্ষিণো দক্ষিণাং দিশম্ ॥ 9 ॥
প্লবংগপ্রবরৈর্দৃষ্টঃ প্লবনে কৃতনিশ্চয়ঃ ।
ববৃধে রামবৃদ্ধ্যর্থং সমুদ্র ইব পর্বসু ॥ 10 ॥
নিষ্প্রমাণশরীরঃ সন্ লিলংঘয়িষুরর্ণবম্ ।
বাহুভ্য়াং পীডয়ামাস চরণাভ্য়াং চ পর্বতম্ ॥ 11 ॥
স চচালাচলশ্চাপি মুহূর্তং কপিপীডিতঃ ।
তরূণাং পুষ্পিতাগ্রাণাং সর্বং পুষ্পমশাতযত্ ॥ 12 ॥
তেন পাদপমুক্তেন পুষ্পৌঘেণ সুগংধিনা ।
সর্বতঃ সংবৃতঃ শৈলো বভৌ পুষ্পময়ো যথা ॥ 13 ॥
তেন চোত্তমবীর্য়েণ পীড্যমানঃ স পর্বতঃ ।
সলিলং সংপ্রসুস্রাব মদং মত্ত ইব দ্বিপঃ ॥ 14 ॥
পীড্যমানস্তু বলিনা মহেংদ্রস্তেন পর্বতঃ ।
রীতীর্নির্বর্তয়ামাস কাংচনাংজনরাজতীঃ ॥ 15 ॥
মুমোচ চ শিলাঃ শৈলো বিশালাঃ সমনঃশিলাঃ ।
মধ্যমেনার্চিষা জুষ্টা ধূমরাজীরিবানলঃ ॥ 16 ॥
গিরিণা পীড্যমানেন পীড্যমানানি সর্বতঃ ।
গুহাবিষ্টানি ভূতানি বিনেদুর্বিকৃতৈঃ স্বরৈঃ ॥ 17 ॥
স মহাসত্ত্বসন্নাদঃ শৈলপীডানিমিত্তজঃ ।
পৃথিবীং পূরয়ামাস দিশশ্চোপবনানি চ ॥ 18 ॥
শিরোভিঃ পৃথুভিঃ সর্পা ব্যক্তস্বস্তিকলক্ষণৈঃ ।
বমংতঃ পাবকং ঘোরং দদংশুর্দশনৈঃ শিলাঃ ॥ 19 ॥
তাস্তদা সবিষৈর্দষ্টাঃ কুপিতৈস্তৈর্মহাশিলাঃ ।
জজ্জ্বলুঃ পাবকোদ্দীপ্তা বিভিদুশ্চ সহস্রধা ॥ 20 ॥
যানি চৌষধজালানি তস্মিন্ জাতানি পর্বতে ।
বিষঘ্নান্যপি নাগানাং ন শেকুঃ শমিতুং বিষম্ ॥ 21 ॥
ভিদ্যতেঽয়ং গিরির্ভূতৈরিতি মত্ত্বা তপস্বিনঃ ।
ত্রস্তা বিদ্য়াধরাস্তস্মাদুত্পেতুঃ স্ত্রী গণৈঃ সহ ॥ 22 ॥
পানভূমিগতং হিত্বা হৈমমাসবভাজনম্ ।
পাত্রাণি চ মহার্হাণি করকাংশ্চ হিরণ্ময়ান্ ॥ 23 ॥
লেহ্য়ানুচ্চাবচান্ ভক্ষ্য়ান্ মাংসানি বিবিধানি চ ।
আর্ষভাণি চ চর্মাণি খডগাংশ্চ কনকত্সরূন্ ॥ 24 ॥
কৃতকংঠগুণাঃ ক্ষীবা রক্তমাল্য়ানুলেপনাঃ ।
রক্তাক্ষাঃ পুষ্করাক্ষাশ্চ গগনং প্রতিপেদিরে ॥ 25 ॥
হারনূপুরকেয়ূরপারিহার্যধরাঃ স্ত্রিয়ঃ ।
বিস্মিতাঃ সস্মিতাস্তস্থুরাকাশে রমণৈঃ সহ ॥ 26 ॥
দর্শয়ংতো মহাবিদ্য়াং বিদ্য়াধরমহর্ষয়ঃ ।
সহিতাস্তস্থুরাকাশে বীক্ষাংচক্রুশ্চ পর্বতম্ ॥ 27 ॥
শুশ্রুবুশ্চ তদা শব্দমৃষীণাং ভাবিতাত্মনাম্ ।
চারণানাং চ সিদ্ধানাং স্থিতানাং বিমলেঽংবরে ॥ 28 ॥
এষ পর্বতসংকাশো হনুমান্ মারুতাত্মজঃ ।
তিতীর্ষতি মহাবেগস্সমুদ্রং মকরালযম্ ॥ 29 ॥
রামার্থং বানরার্থং চ চিকীর্ষন্ কর্ম দুষ্করম্ ।
সমুদ্রস্য় পরং পারং দুষ্প্রাপং প্রাপ্তুমিচ্ছতি ॥ 30 ॥
ইতি বিদ্য়াধরাঃ শ্রুত্বা বচস্তেষাং মহাত্মনাম্ ।
তমপ্রমেয়ং দদৃশুঃ পর্বতে বানরর্ষভম্ ॥ 31 ॥
দুধুবে চ স রোমাণি চকংপে চাচলোপমঃ ।
ননাদ সুমহানাদং সুমহানিব তোযদঃ ॥ 32 ॥
আনুপূর্ব্য়েণ বৃত্তং চ লাংগূলং লোমভিশ্চিতম্ ।
উত্পতিষ্যন্ বিচিক্ষেপ পক্ষিরাজ ইবোরগম্ ॥ 33 ॥
তস্য় লাংগূলমাবিদ্ধমাত্তবেগস্য় পৃষ্ঠতঃ ।
দদৃশে গরুডেনেব হ্রিযমাণো মহোরগঃ ॥ 34 ॥
বাহূ সংস্তংভয়ামাস মহাপরিঘসন্নিভৌ ।
সসাদ চ কপিঃ কট্য়াং চরণৌ সংচুকোচ চ ॥ 35 ॥
সংহৃত্য় চ ভুজৌ শ্রীমাংস্তথৈব চ শিরোধরাম্ ।
তেজঃ সত্ত্বং তথা বীর্যমাবিবেশ স বীর্যবান্ ॥ 36 ॥
মার্গমালোকয়ংদূরাদূর্ধ্বং প্রণিহিতেক্ষণঃ ।
রুরোধ হৃদয়ে প্রাণানাকাশমবলোকযন্ ॥ 37 ॥
পদ্ভ্য়াং দৃঢমবস্থানং কৃত্বা স কপিকুংজরঃ ।
নিকুংচ্য় কর্ণৌ হনুমানুত্পতিষ্যন্ মহাবলঃ ।
বানরান্ বানরশ্রেষ্ঠ ইদং বচনমব্রবীত্ ॥ 38 ॥
যথা রাঘবনির্মুক্তঃ শরঃ শ্বসনবিক্রমঃ ।
গচ্ছেত্তদ্বদ্গমিষ্য়ামি লংকাং রাবণপালিতাম্ ॥ 39 ॥
ন হি দ্রক্ষ্য়ামি যদি তাং লংকায়াং জনকাত্মজাম্ ।
অনেনৈব হি বেগেন গমিষ্য়ামি সুরালযম্ ॥ 40 ॥
যদি বা ত্রিদিবে সীতাং ন দ্রক্ষ্য়াম্যকৃতশ্রমঃ ।
বদ্ধ্বা রাক্ষসরাজানমানয়িষ্য়ামি রাবণম্ ॥ 41 ॥
সর্বথা কৃতকার্য়োঽহমেষ্য়ামি সহ সীতয়া ।
আনয়িষ্য়ামি বা লংকাং সমুত্পাট্য় সরাবণাম্ ॥ 42 ॥
এবমুক্ত্বা তু হনুমান্বানরান্বানরোত্তমঃ ॥ 43 ॥
উত্পপাতাথ বেগেন বেগবানবিচারযন্ ।
সুপর্ণমিব চাত্মানং মেনে স কপিকুংজরঃ ॥ 44 ॥
সমুত্পততি তস্মিংস্তু বেগাত্তে নগরোহিণঃ ।
সংহৃত্য় বিটপান্ সর্বান্ সমুত্পেতুঃ সমংততঃ ॥ 45 ॥
স মত্তকোযষ্টিমকান্ পাদপান্ পুষ্পশালিনঃ ।
উদ্বহন্নূরুবেগেন জগাম বিমলেঽংবরে ॥ 46 ॥
ঊরুবেগোদ্ধতা বৃক্ষা মুহূর্তং কপিমন্বয়ুঃ ।
প্রস্থিতং দীর্ঘমধ্বানং স্ববংধুমিব বাংধবাঃ ॥ 47 ॥
তমূরুবেগোন্মথিতাঃ সালাশ্চান্য়ে নগোত্তমাঃ ।
অনুজগ্মুর্হনূমংতং সৈন্য়া ইব মহীপতিম্ ॥ 48 ॥
সুপুষ্পিতাগ্রৈর্বহুভিঃ পাদপৈরন্বিতঃ কপিঃ ।
হনুমান্ পর্বতাকারো বভূবাদ্ভুতদর্শনঃ ॥ 49 ॥
সারবংতোঽথ যে বৃক্ষা ন্যমজ্জন্ লবণাংভসি ।
ভয়াদিব মহেংদ্রস্য় পর্বতা বরুণালয়ে ॥ 50 ॥
স নানাকুসুমৈঃ কীর্ণঃ কপিঃ সাংকুরকোরকৈঃ ।
শুশুভে মেঘসংকাশঃ খদ্য়োতৈরিব পর্বতঃ ॥ 51 ॥
বিমুক্তাস্তস্য় বেগেন মুক্ত্বা পুষ্পাণি তে দ্রুমাঃ ।
অবশীর্য়ংত সলিলে নিবৃত্তাঃ সুহৃদো যথা ॥ 52 ॥
লঘুত্বেনোপপন্নং তদ্বিচিত্রং সাগরেঽপতত্ ।
দ্রুমাণাং বিবিধং পুষ্পং কপিবায়ুসমীরিতম্ ॥ 53 ॥
তারাচিতমিবাকাশং প্রবভৌ স মহার্ণবঃ ।
পুষ্পৌঘেণানুবদ্ধেন নানাবর্ণেন বানরঃ ।
বভৌ মেঘ ইবাকাশে বিদ্য়ুদ্গণ বিভূষিতঃ ॥ 54 ॥
তস্য় বেগসমাধূতৈঃ পুষ্পৈস্তোযমদৃশ্যত ॥ 55 ॥
তারাভিরভিরামাভিরুদিতাভিরিবাংবরম্ ।
তস্য়াংবরগতৌ বাহূ দদৃশাতে প্রসারিতৌ ॥ 56 ॥
পর্বতাগ্রাদ্বিনিষ্ক্রাংতৌ পংচাস্য়াবিব পন্নগৌ ।
পিবন্নিব বভৌ চাপি সোর্মিমালং মহার্ণবম্ ॥ 57 ॥
পিপাসুরিব চাকাশং দদৃশে স মহাকপিঃ ।
তস্য় বিদ্য়ুত্প্রভাকারে বায়ুমার্গানুসারিণঃ ॥ 58 ॥
নযনে বিপ্রকাশেতে পর্বতস্থাবিবানলৌ ।
পিংগে পিংগাক্ষমুখ্যস্য় বৃহতী পরিমংডলে ॥ 59 ॥
চক্ষুষী সংপ্রাকাশেতে চংদ্রসূর্য়াবিবোদিতৌ ।
মুখং নাসিকয়া তস্য় তাম্রয়া তাম্রমাবভৌ ॥ 60 ॥
সংধ্যয়া সমভিস্পৃষ্টং যথা তত্সূর্যমংডলম্ ।
লাংগূলং চ সমাবিদ্ধং প্লবমানস্য় শোভতে ॥ 61 ॥
অংবরে বায়ুপুত্রস্য় শক্রধ্বজ ইবোচ্ছ্রিতম্ ।
লাংগূলচক্রেণ মহান্ শুক্লদংষ্ট্রোঽনিলাত্মজঃ ॥ 62 ॥
ব্যরোচত মহাপ্রাজ্ঞঃ পরিবেষীব ভাস্করঃ ।
স্ফিগ্দেশেনাভিতাম্রেণ ররাজ স মহাকপিঃ ॥ 63 ॥
মহতা দারিতেনেব গিরির্গৈরিকধাতুনা ।
তস্য় বানরসিংহস্য় প্লবমানস্য় সাগরম্ ॥ 64 ॥
কক্ষাংতরগতো বায়ুর্জীমূত ইব গর্জতি ।
খে যথা নিপতত্য়ুল্কা হ্য়ুত্তরাংতাদ্বিনিঃসৃতা ॥ 65 ॥
দৃশ্যতে সানুবংধা চ তথা স কপিকুংজরঃ ।
পতত্পতংগসংকাশো ব্য়াযতঃ শুশুভে কপিঃ ॥ 66 ॥
প্রবৃদ্ধ ইব মাতংগঃ কক্ষ্যয়া বধ্যমানয়া ।
উপরিষ্টাচ্ছরীরেণ ছাযয়া চাবগাঢয়া ॥ 67 ॥
সাগরে মারুতাবিষ্টা নৌরিবাসীত্তদা কপিঃ ।
যং যং দেশং সমুদ্রস্য় জগাম স মহাকপিঃ ।
স স তস্য়োরুবেগেন সোন্মাদ ইব লক্ষ্যতে ॥ 68 ॥
সাগরস্য়োর্মিজালানামুরসা শৈলবর্ষ্মণাম্ ।
অভিঘ্নংস্তু মহাবেগঃ পুপ্লুবে স মহাকপিঃ ॥ 69 ॥
কপিবাতশ্চ বলবান্ মেঘবাতশ্চ নিঃসৃতঃ ।
সাগরং ভীমনির্ঘোষং কংপয়ামাসতুর্ভৃশম্ ॥ 70 ॥
বিকর্ষন্নূর্মিজালানি বৃহংতি লবণাংভসি ।
পুপ্লুবে কপিশার্দূলো বিকিরন্নিব রোদসী ॥ 71 ॥
মেরুমংদরসংকাশানুদ্ধতান্ স মহার্ণবে ।
অত্যক্রামন্মহাবেগস্তরংগান্ গণযন্নিব ॥ 72 ॥
তস্য় বেগসমুদ্ধূতং জলং সজলদং তদা ।
অংবরস্থং বিবভ্রাজ শারদাভ্রমিবাততম্ ॥ 73 ॥
তিমিনক্রঝষাঃ কূর্মা দৃশ্য়ংতে বিবৃতাস্তদা ।
বস্ত্রাপকর্ষণেনেব শরীরাণি শরীরিণাম্ ॥ 74 ॥
প্লবমানং সমীক্ষ্য়াথ ভুজংগাঃ সাগরালয়াঃ ।
ব্য়োম্নি তং কপিশার্দূলং সুপর্ণ ইতি মেনিরে ॥ 75 ॥
দশয়োজনবিস্তীর্ণা ত্রিংশদ্য়োজনমাযতা ।
ছায়া বানরসিংহস্য় জলে চারুতরাভবত্ ॥ 76 ॥
শ্বেতাভ্রঘনরাজীব বায়ুপুত্রানুগামিনী ।
তস্য় সা শুশুভে ছায়া বিততা লবণাংভসি ॥ 77 ॥
শুশুভে স মহাতেজা মহাকায়ো মহাকপিঃ ।
বায়ুমার্গে নিরালংবে পক্ষবানিব পর্বতঃ ॥ 78 ॥
যেনাসৌ যাতি বলবান্ বেগেন কপিকুংজরঃ ।
তেন মার্গেণ সহসা দ্রোণীকৃত ইবার্ণবঃ ॥ 79 ॥
আপাতে পক্ষিসংঘানাং পক্ষিরাজ ইব ব্রজন্ ।
হনুমান্ মেঘজালানি প্রকর্ষন্ মারুতো যথা ॥ 80 ॥
পাংডুরারুণবর্ণানি নীলমাংজিষ্ঠকানি চ ।
কপিনাকৃষ্যমাণানি মহাভ্রাণি চকাশিরে ॥ 81 ॥
প্রবিশন্নভ্রজালানি নিষ্পতংশ্চ পুনঃ পুনঃ ।
প্রচ্ছন্নশ্চ প্রকাশশ্চ চংদ্রমা ইব লক্ষ্যতে ॥ 82 ॥
প্লবমানং তু তং দৃষ্ট্বা প্লবংগং ত্বরিতং তদা ।
ববর্ষুঃ পুষ্পবর্ষাণি দেবগংধর্বদানবাঃ ॥ 83 ॥
ততাপ ন হি তং সূর্য়ঃ প্লবংতং বানরোত্তমম্ ।
সিষেবে চ তদা বায়ূ রামকার্য়ার্থসিদ্ধয়ে ॥ 84 ॥
ঋষযস্তুষ্টুবুশ্চৈনং প্লবমানং বিহাযসা ।
জগুশ্চ দেবগংধর্বাঃ প্রশংসংতো মহৌজসম্ ॥ 85 ॥
নাগাশ্চ তুষ্টুবুর্যক্ষা রক্ষাংসি বিবুধাঃ খগাঃ ।
প্রেক্ষ্য় সর্বে কপিবরং সহসা বিগতক্লমম্ ॥ 86 ॥
তস্মিন্ প্লবগশার্দূলে প্লবমানে হনূমতি ।
ইক্ষ্বাকুকুলমানার্থী চিংতয়ামাস সাগরঃ ॥ 87 ॥
সাহায়্য়ং বানরেংদ্রস্য় যদি নাহং হনূমতঃ ।
করিষ্য়ামি ভবিষ্য়ামি সর্ববাচ্য়ো বিবক্ষতাম্ ॥ 88 ॥
অহমিক্ষ্বাকুনাথেন সগরেণ বিবর্ধিতঃ ।
ইক্ষ্বাকুসচিবশ্চায়ং নাবসীদিতুমর্হতি ॥ 89 ॥
তথা ময়া বিধাতব্য়ং বিশ্রমেত যথা কপিঃ ॥ 90 ॥
শেষং চ ময়ি বিশ্রাংতঃ সুখেনাতিপতিষ্যতি ।
ইতি কৃত্বা মতিং সাধ্বীংসমুদ্র শ্ছন্নমংভসি ॥ 91 ॥
হিরণ্যনাভং মৈনাকমুবাচ গিরিসত্তমম্ ।
ত্বমিহাসুরসংঘানাং পাতালতলবাসিনাম্ ॥ 92 ॥
দেবরাজ্ঞা গিরিশ্রেষ্ঠ পরিঘঃ সন্নিবেশিতঃ ।
ত্বমেষাং জাতবীর্য়াণাং পুনরেবোত্পতিষ্যতাম্ ॥ 93 ॥
পাতালস্য়াপ্রমেযস্য় দ্বারমাবৃত্য় তিষ্ঠসি ।
তির্যগূর্ধ্বমধশ্চৈব শক্তিস্তে শৈল বর্ধিতুম্ ॥ 94 ॥
তস্মাত্সংচোদয়ামি ত্বামুত্তিষ্ঠ গিরিসত্তম ।
স এষ কপিশার্দূলস্ত্বামুপর্য়েতি বীর্যবান্ ॥ 95 ॥
হনূমান্রামকার্য়ার্থং ভীমকর্মা খমাপ্লুতঃ ।
অস্য় সাহ্য়ং ময়া কার্যমিক্ষ্বাকুকুলবর্তিনঃ ॥ 96 ॥
মম হীক্ষ্বাকবঃ পূজ্য়াঃ পরং পূজ্যতমাস্তব ।
কুরু সাচিব্যমস্মাকং ন নঃ কার্যমতিক্রমেত্ ॥ 97 ॥
কর্তব্যমকৃতং কার্য়ং সতাং মন্য়ুমুদীরয়েত্ ।
সলিলাদূর্ধ্বমুত্তিষ্ঠ তিষ্ঠত্বেষ কপিস্ত্বয়ি ॥ 98 ॥
অস্মাকমতিথিশ্চৈব পূজ্যশ্চ প্লবতাং বরঃ ।
চামীকরমহানাভ দেবগংধর্বসেবিত ॥ 99 ॥
হনুমাংস্ত্বয়ি বিশ্রাংতস্ততঃ শেষং গমিষ্যতি ।
কাকুত্স্থস্য়ানৃশংস্য়ং চ মৈথিল্য়াশ্চ বিবাসনম্ ॥ 100 ॥
শ্রমং চ প্লবগেংদ্রস্য় সমীক্ষ্য়োত্থাতুমর্হসি ।
হিরণ্যনাভো মৈনাকো নিশম্য় লবণাংভসঃ ॥ 101 ॥
উত্পপাত জলাত্তূর্ণং মহাদ্রুমলতায়ুতঃ ।
স সাগরজলং ভিত্ত্বা বভূবাভ্য়ুত্থিতস্তদা ॥ 102 ॥
যথা জলধরং ভিত্ত্বা দীপ্তরশ্মির্দিবাকরঃ ।
স মহাত্মা মুহূর্তেন সর্বতঃ সলিলাবৃতঃ ॥ 103 ॥
দর্শয়ামাস শৃংগাণি সাগরেণ নিয়োজিতঃ ।
আদিত্য়োদযসংকাশৈরালিখদ্ভিরিবাংবরম্ ।
শাতকুংভময়ৈঃ শৃংগৈঃ সকিন্নরমহোরগৈঃ ॥ 104 ॥
তপ্তজাংবূনদৈঃ শৃংগৈঃ পর্বতস্য় সমুত্থিতৈঃ ॥ 105 ॥
আকাশং শস্ত্রসংকাশমভবত্কাংচনপ্রভম্ ।
জাতরূপময়ৈঃ শৃংগৈর্ভ্রাজমানৈঃ স্বয়ংপ্রভৈঃ ॥ 106 ॥
আদিত্যশতসংকাশঃ সোঽভবদ্গিরিসত্তমঃ ।
তমুত্থিতমসংগেন হনুমানগ্রতঃ স্থিতম্ ॥ 107 ॥
মধ্য়ে লবণতোযস্য় বিঘ্নোঽযমিতি নিশ্চিতঃ ।
স তমুচ্ছ্র্রতমত্যর্থং মহাবেগো মহাকপিঃ ॥ 108 ॥
উরসা পাতয়ামাস জীমূতমিব মারুতঃ ।
স তথা পাতিতস্তেন কপিনা পর্বতোত্তমঃ ॥ 109 ॥
বুদ্ধ্বা তস্য় কপের্বেগং জহর্ষ চ ননংদ চ ।
তমাকাশগতং বীরমাকাশে সমুপস্থিতঃ ॥ 110 ॥
প্রীতো হৃষ্টমানা বাক্যমব্রবীত্পর্বতঃ কপিম্ ।
মানুষং ধারযন্ রূপমাত্মনঃ শিখরে স্থিতঃ ॥ 111 ॥
দুষ্করং কৃতবান্কর্ম ত্বমিদং বানরোত্তম ।
নিপত্য় মম শৃংগেষু বিশ্রমস্ব যথাসুখম্ ॥ 112 ॥
রাঘবস্য় কুলে জাতৈরুদধিঃ পরিবর্ধিতঃ ।
স ত্বাং রামহিতে যুক্তং প্রত্যর্চযতি সাগরঃ ॥ 113 ॥
কৃতে চ প্রতিকর্তব্যমেষ ধর্মঃ সনাতনঃ ।
সোঽয়ং ত্বত্প্রতিকারার্থী ত্বত্তঃ সম্মানমর্হতি ॥ 114 ॥
ত্বন্নিমিত্তমনেনাহং বহুমানাত্প্রচোদিতঃ ।
তিষ্ঠ ত্বং কপিশার্দূল ময়ি বিশ্রম্য় গম্যতাম্ ॥ 115 ॥
তব সানুষু বিশ্রাংতঃ শেষং প্রক্রমতামিতি ।
যোজনানাং শতং চাপি কপিরেষ সমাপ্লুতঃ ॥ 116 ॥
তদিদং গংধবত্স্বাদু কংদমূলফলং বহু ।
তদাস্বাদ্য় হরিশ্রেষ্ঠ বিশ্রাংতোঽনু গমিষ্যসি ॥ 117 ॥
অস্মাকমপি সংবংধঃ কপিমুখ্য় ত্বয়াস্তি বৈ ।
প্রখ্য়াতস্ত্রিষু লোকেষু মহাগুণপরিগ্রহঃ ॥ 118 ॥
বেগবংতঃ প্লবংতো যে প্লবগা মারুতাত্মজ ।
তেষাং মুখ্যতমং মন্য়ে ত্বামহং কপিকুংজর ॥ 119 ॥
অতিথিঃ কিল পূজার্হঃ প্রাকৃতোঽপি বিজানতা ।
ধর্মং জিজ্ঞাসমানেন কিং পুনস্ত্বাদৃশো মহান্ ॥ 120 ॥
ত্বং হি দেববরিষ্ঠস্য় মারুতস্য় মহাত্মনঃ ।
পুত্রস্তস্য়ৈব বেগেন সদৃশঃ কপিকুংজর ॥ 121 ॥
পূজিতে ত্বয়ি ধর্মজ্ঞ পূজাং প্রাপ্নোতি মারুতঃ ।
তস্মাত্ত্বং পূজনীয়ো মে শৃণু চাপ্যত্র কারণম্ ॥ 122 ॥
পূর্বং কৃতয়ুগে তাত পর্বতাঃ পক্ষিণোঽভবন্ ।
তে হি জগ্মুর্দিশঃ সর্বা গরুডানিলবেগিনঃ ॥ 123 ॥
ততস্তেষু প্রয়াতেষু দেবসংঘাঃ মহর্ষিভিঃ ।
ভূতানি চ ভয়ং জগ্মুস্তেষাং পতনশংকয়া ॥ 124 ॥
ততঃ ক্রুদ্ধঃ সহস্রাক্ষঃ পর্বতানাং শতক্রতুঃ ।
পক্ষান্ চিচ্ছেদ বজ্রেণ তত্র তত্র সহস্রশঃ ॥ 125 ॥
স মামুপাগতঃ ক্রুদ্ধো বজ্রমুদ্যম্য় দেবরাট্ ।
ততোঽহং সহসা ক্ষিপ্তঃ শ্বসনেন মহাত্মনা ॥ 126 ॥
অস্মিন্লবণতোয়ে চ প্রক্ষিপ্তঃ প্লবগোত্তম ।
গুপ্তপক্ষসমগ্রশ্চ তব পিত্রাভিরক্ষিতঃ ॥ 127 ॥
ততোঽহং মানয়ামি ত্বাং মান্য়ো হি মম মারুতঃ ।
ত্বয়া মে হ্য়েষ সংবংধঃ কপিমুখ্য় মহাগুণঃ ॥ 128 ॥
অস্মিন্নেবংগতে কার্য়ে সাগরস্য় মমৈব চ ।
প্রীতিং প্রীতমনাঃ কর্তুং ত্বমর্হসি মহাকপে ॥ 129 ॥
শ্রমং মোক্ষয় পূজাং চ গৃহাণ কপিসত্তম ।
প্রীতিং চ বহুমন্যস্ব প্রীতোঽস্মি তব দর্শনাত্ ॥ 130 ॥
এবমুক্তঃ কপিশ্রেষ্ঠস্তং নগোত্তমমব্রবীত্ ।
প্রীতোঽস্মি কৃতমাতিথ্য়ং মন্য়ুরেষোঽপনীযতাম্ ॥ 131 ॥
ত্বরতে কার্যকালো মে অহশ্চাপ্যতিবর্ততে ।
প্রতিজ্ঞা চ ময়া দত্তা ন স্থাতব্যমিহাংতরে ॥ 132 ॥
ইত্য়ুক্ত্বা পাণিনা শৈলমালভ্য় হরিপুংগবঃ ।
জগামাকাশমাবিশ্য় বীর্যবান্ প্রহসন্নিব ॥ 133 ॥
স পর্বতসমুদ্রাভ্য়াং বহুমানাদবেক্ষিতঃ ।
পূজিতশ্চোপপন্নাভিরাশীর্ভিরনিলাত্মজঃ ॥ 134 ॥
অথোর্ধ্বং দূরমুত্প্লুত্য় হিত্বা শৈলমহার্ণবৌ ।
পিতুঃ পংথানমাস্থায় জগাম বিমলেঽংবরে ॥ 135 ॥
ভূযশ্চোর্ধ্বং গতিং প্রাপ্য় গিরিং তমবলোকযন্ ।
বায়ুসূনুর্নিরালংবে জগাম বিমলেঽংবরে ॥ 136 ॥
তদ্ দ্বিতীয়ং হনুমতো দৃষ্ট্বা কর্ম সুদুষ্করম্ ।
প্রশশংসুঃ সুরাঃ সর্বে সিদ্ধাশ্চ পরমর্ষয়ঃ ॥ 137 ॥
দেবতাশ্চাভবন্ হৃষ্টাস্তত্রস্থাস্তস্য় কর্মণা ।
কাংচনস্য় সুনাভস্য় সহস্রাক্ষশ্চ বাসবঃ ॥ 138 ॥
উবাচ বচনং ধীমান্ পরিতোষাত্সগদ্গদম্ ।
সুনাভং পর্বতশ্রেষ্ঠং স্বযমেব শচীপতিঃ ॥ 139 ॥
হিরণ্যনাভ শৈলেংদ্র পরিতুষ্টোঽস্মি তে ভৃশম্ ।
অভয়ং তে প্রযচ্ছামি তিষ্ঠ সৌম্য় যথাসুখম্ ॥ 140 ॥
সাহ্য়ং কৃতং তে সুমহদ্বিক্রাংতস্য় হনূমতঃ ।
ক্রমতো যোজনশতং নির্ভযস্য় ভয়ে সতি ॥ 141 ॥
রামস্য়ৈষ হিতায়ৈব যাতি দাশরথের্হরিঃ ।
সত্ক্রিয়াং কুর্বতা তস্য় তোষিতোঽস্মি দৃঢং ত্বয়া ॥ 142 ॥
ততঃ প্রহর্ষমগমদ্বিপুলং পর্বতোত্তমঃ ।
দেবতানাং পতিং দৃষ্ট্বা পরিতুষ্টং শতক্রতুম্ ॥ 143 ॥
স বৈ দত্তবরঃ শৈলো বভূবাবস্থিতস্তদা ।
হনুমাংশ্চ মুহূর্তেন ব্যতিচক্রাম সাগরম্ ॥ 144 ॥
ততো দেবাঃ সগংধর্বাঃ সিদ্ধাশ্চ পরমর্ষয়ঃ ।
অব্রুবন্ সূর্যসংকাশাং সুরসাং নাগমাতরম্ ॥ 145 ॥
অয়ং বাতাত্মজঃ শ্রীমান্প্লবতে সাগরোপরি ।
হনুমান্নাম তস্য় ত্বং মুহূর্তং বিঘ্নমাচর ॥ 146 ॥
রাক্ষসং রূপমাস্থায় সুঘোরং পর্বতোপমম্ ।
দংষ্ট্রাকরালং পিংগাক্ষং বক্ত্রং কৃত্বা নভঃ সমম্ ॥ 147 ॥
বলমিচ্ছামহে জ্ঞাতুং ভূযশ্চাস্য় পরাক্রমম্ ।
ত্বাং বিজেষ্যত্য়ুপায়েন বিষাদং বা গমিষ্যতি ॥ 148 ॥
এবমুক্তা তু সা দেবী দৈবতৈরভিসত্কৃতা ।
সমুদ্রমধ্য়ে সুরসা বিভ্রতী রাক্ষসং বপুঃ ॥ 149 ॥
বিকৃতং চ বিরূপং চ সর্বস্য় চ ভয়াবহম্ ।
প্লবমানং হনূমংতমাবৃত্য়েদমুবাচ হ ॥ 150 ॥
মম ভক্ষঃ প্রদিষ্টস্ত্বমীশ্বরৈর্বানরর্ষভ ।
অহং ত্বাং ভক্ষয়িষ্য়ামি প্রবিশেদং মমাননম্ ॥ 151 ॥
এবমুক্তঃ সুরসয়া প্রাংজলির্বানরর্ষভঃ ।
প্রহৃষ্টবদনঃ শ্রীমানিদং বচনমব্রবীত্ ॥ 152 ॥
রামো দাশরথির্নাম প্রবিষ্টো দংডকাবনম্ ।
লক্ষ্মণেন সহ ভ্রাত্রা বৈদেহ্য়া চাপি ভার্যয়া ॥ 153 ॥
অন্যকার্যবিষক্তস্য় বদ্ধবৈরস্য় রাক্ষসৈঃ ।
তস্য় সীতা হৃতা ভার্য়া রাবণেন যশস্বিনী ॥ 154 ॥
তস্য়াঃ সকাশং দূতোঽহং গমিষ্য়ে রামশাসনাত্ ।
কর্তুমর্হসি রামস্য় সাহ্য়ং বিষযবাসিনি ॥ 155 ॥
অথবা মৈথিলীং দৃষ্ট্বা রামং চাক্লিষ্টকারিণম্ ।
আগমিষ্য়ামি তে বক্ত্রং সত্য়ং প্রতিশৃণোমি তে ॥ 156 ॥
এবমুক্তা হনুমতা সুরসা কামরূপিণী ।
অব্রবীন্নাতিবর্তেন্মাং কশ্চিদেষ বরো মম ॥ 157 ॥
তং প্রয়াংতং সমুদ্বীক্ষ্য় সুরসা বাক্যমব্রবীত্ ।
বলং জিজ্ঞাসমানা বৈ নাগমাতা হনূমতঃ ॥ 158 ॥
প্রবিশ্য় বদনং মেঽদ্য় গংতব্য়ং বানরোত্তম ।
বর এষ পুরা দত্তো মম ধাত্রেতি সত্বরা ॥ 159 ॥
ব্য়াদায় বিপুলং বক্ত্রং স্থিতা সা মারুতেঃ পুরঃ ।
এবমুক্তঃ সুরসয়া ক্রুদ্ধো বানরপুংগবঃ ॥ 160 ॥
অব্রবীত্কুরু বৈ বক্ত্রং যেন মাং বিষহিষ্যসে ।
ইত্য়ুক্ত্বা সুরসাং ক্রুদ্ধো ধশয়োজনমাযতা ॥ 161 ॥
দশয়োজনবিস্তারো বভূব হনুমাংস্তদা ।
তং দৃষ্ট্বা মেঘসংকাশং দশয়োজনমাযতম্ ॥ 162 ॥
চকার সুরসা চাস্য়ং বিংশদ্য়োজনমাযতম্ ।
হনুমাংস্তু ততঃ ক্রুদ্ধস্ত্রিংশদ্য়োজনমাযতঃ ॥ 163 ॥
চকার সুরসা বক্ত্রং চত্বারিংশত্তথোচ্ছ্রিতম্ ।
বভূব হনুমাবনীরঃ পংচাশদ্য়োজনোচ্ছ্রিতঃ ॥ 164 ॥
চকার সুরসা বক্ত্রং ষষ্টিয়োজনমাযতম্ ।
তথৈব হনুমাবনীরঃ সপ্ততীয়োজনোচ্ছ্রিতঃ ॥ 165 ॥
চকার সুরসা বক্ত্রমশীতীয়োজনাযতম্ ।
হনুমানচলপ্রখ্য়ো নবতীয়োজনোচ্ছ্রিতঃ ॥ 166 ॥
চকার সুরসা বক্ত্রং শতয়োজনমাযতং তব সানুষু বিশ্রাংতঃ শেষং প্রক্রমতামিতি ।
তদ্দৃষ্ট্বা ব্য়াদিতং ত্বাস্য়ং বায়ুপুত্রঃ সুবুদ্ধিমান্ ।
দীর্ঘজিহ্বং সুরসয়া সুঘোরং নরকোপমম্ ॥ 167 ॥
সুসংক্ষিপ্য়াত্মনঃ কায়ং বভূবাংগুষ্ঠমাত্রকঃ ।
সোঽভিপত্য়াশু তদ্বক্ত্রং নিষ্পত্য় চ মহাবলঃ ।
অংতরিক্ষে স্থিতঃ শ্রীমানিদং বচনমব্রবীত্ ॥ 168 ॥
প্রবিষ্টোঽস্মি হি তে বক্ত্রং দাক্ষাযণি নমোঽস্তু তে ।
গমিষ্য়ে যত্র বৈদেহী সত্য়ং চাসীদ্বরস্তব ॥ 169 ॥
তং দৃষ্ট্বা বদনান্মুক্তং চংদ্রং রাহুমুখাদিব ।
অব্রবীত্সুরসা দেবী স্বেন রূপেণ বানরম্ ॥ 170 ॥
অর্থসিদ্ধ্য়ৈ হরিশ্রেষ্ঠ গচ্ছ সৌম্য় যথাসুখম্ ।
সমানযস্ব বৈদেহীং রাঘবেণ মহাত্মনা ॥ 171 ॥
তত্তৃতীয়ং হনুমতো দৃষ্ট্বা কর্ম সুদুষ্করম্ ।
সাধু সাধ্বিতি ভূতানি প্রশশংসুস্তদা হরিম্ ॥ 172 ॥
স সাগরমনাধৃষ্যমভ্য়েত্য় বরুণালযম্ ।
জগামাকাশমাবিশ্য় বেগেন গরুডোপমঃ ॥ 173 ॥
সেবিতে বারিধারাভিঃ পতগৈশ্চ নিষেবিতে ।
চরিতে কৈশিকাচার্য়ৈরৈরাবতনিষেবিতে ॥ 174 ॥
সিংহকুংজরশার্দূলপতগোরগবাহনৈঃ ।
বিমানৈঃ সংপতদ্ভিশ্চ বিমলৈঃ সমলংকৃতে ॥ 175 ॥
বজ্রাশনিসমাঘাতৈঃ পাবকৈরুপশোভিতে ।
কৃতপুণ্য়ৈর্মহাভাগৈঃ স্বর্গজিদ্ভিরলংকৃতে ॥ 176 ॥
বহতা হব্যমত্যর্ধং সেবিতে চিত্রভানুনা ।
গ্রহনক্ষত্রচংদ্রার্কতারাগণ বিভূষিতে ॥ 177 ॥
মহর্ষিগণগংধর্বনাগযক্ষসমাকুলে ।
বিবিক্তে বিমলে বিশ্বে বিশ্বাবসুনিষেবিতে ॥ 178 ॥
দেবরাজগজাক্রাংতে চংদ্রসূর্যপথে শিবে ।
বিতানে জীবলোকস্য় বিততে ব্রহ্মনির্মিতে ॥ 179 ॥
বহুশঃ সেবিতে বীরৈর্বিদ্য়াধরগণৈর্বরৈঃ ।
জগাম বায়ুমার্গে তু গরুত্মানিব মারুতিঃ ॥ 180 ॥
প্রদৃশ্যমানঃ সর্বত্রঃ হনুমান্মারুতাত্মজঃ ।
ভেজেঽংবরং নিরালংবং লংবপক্ষ ইবাদ্রিরাট্ ॥ 181 ॥
প্লবমানং তু তং দৃষ্ট্বা সিংহিকা নাম রাক্ষসী ।
মনসা চিংতয়ামাস প্রবৃদ্ধা কামরূপিণী ॥ 182 ॥
অদ্য় দীর্ঘস্য় কালস্য় ভবিষ্য়াম্যহমাশিতা ।
ইদং হি মে মহত্সত্ত্বং চিরস্য় বশমাগতম্ ॥ 183 ॥
ইতি সংচিংত্য় মনসা ছায়ামস্য় সমাক্ষিপত্ ।
ছায়ায়াং গৃহ্যমাণায়াং চিংতয়ামাস বানরঃ ॥ 184 ॥
সমাক্ষিপ্তোঽস্মি সহসা পংগূকৃতপরাক্রমঃ ।
প্রতিলোমেন বাতেন মহানৌরিব সাগরে ॥ 185 ॥
তির্যগূর্ধ্বমধশ্চৈব বীক্ষমাণস্ততঃ কপিঃ ।
দদর্শ স মহত্সত্ত্বমুত্থিতং লবণাংভসি ॥ 186 ॥
তদ্ধৃষ্ট্বা চিংতয়ামাস মারুতির্বিকৃতাননম্ ।
কপিরাজেন কথিতং সত্ত্বমদ্ভুতদর্শনম্ ॥ 187 ॥
ছায়াগ্রাহি মহাবীর্য়ং তদিদং নাত্র সংশয়ঃ ।
স তাং বুদ্ধ্বার্থতত্ত্বেন সিংহিকাং মতিমান্কপিঃ ॥ 188 ॥
ব্যবর্ধত মহাকায়ঃ প্রাবৃষীব বলাহকঃ ।
তস্য় সা কাযমুদ্বীক্ষ্য় বর্ধমানং মহাকপেঃ ॥ 189 ॥
বক্ত্রং প্রসারয়ামাস পাতালাংতরসন্নিভম্ ।
ঘনরাজীব গর্জংতী বানরং সমভিদ্রবত্ ॥ 190 ॥
স দদর্শ ততস্তস্য়া বিবৃতং সুমহন্মুখম্ ।
কাযমাত্রং চ মেধাবী মর্মাণি চ মহাকপিঃ ॥ 191 ॥
স তস্য়া বিবৃতে বক্ত্রে বজ্রসংহননঃ কপিঃ ।
সংক্ষিপ্য় মুহুরাত্মানং নিষ্পপাত মহাবলঃ ॥ 192 ॥
আস্য়ে তস্য়া নিমজ্জংতং দদৃশুঃ সিদ্ধচারণাঃ ।
গ্রস্যমানং যথা চংদ্রং পূর্ণং পর্বণি রাহুণা ॥ 193 ॥
ততস্তস্য়া নখৈস্তীক্ষ্ণৈর্মর্মাণ্য়ুত্কৃত্য় বানরঃ ।
উত্পপাতাথ বেগেন মনঃ সংপাতবিক্রমঃ ॥ 194 ॥
তাং তু দৃষ্ট্বা চ ধৃত্য়া চ দাক্ষিণ্য়েন নিপাত্য় চ ।
স কপিপ্রবরো বেগাদ্ববৃধে পুনরাত্মবান্ ॥ 195 ॥
হৃতহৃত্সা হনুমতাপপাত বিধুরাংভসি ।
তাং হতাং বানরেণাশু পতিতাং বীক্ষ্য় সিংহিকাম্ ॥ 196 ॥
ভূতান্য়াকাশচারীণি তমূচুঃ প্লবগোত্তমম্ ।
ভীমমদ্য় কৃতং কর্ম মহত্সত্ত্বং ত্বয়া হতম্ ॥ 197 ॥
সাধয়ার্থমভিপ্রেতমরিষ্টং প্লবতাং বর ।
যস্য় ত্বেতানি চত্বারি বানরেংদ্র যথা তব ॥ 198 ॥
ধৃতির্দৃষ্টির্মতির্দাক্ষ্য়ং সঃ কর্মসু ন সীদতি ।
স তৈঃ সংভাবিতঃ পূজ্য়ঃ প্রতিপন্নপ্রয়োজনঃ ॥ 199 ॥
জগামাকাশমাবিশ্য় পন্নগাশনবত্কপিঃ ।
প্রাপ্তভূয়িষ্ঠপারস্তু সর্বতঃ প্রতিলোকযন্ ॥ 200 ॥
যোজনানাং শতস্য়াংতে বনরাজিং দদর্শ সঃ ।
দদর্শ চ পতন্নেব বিবিধদ্রুমভূষিতম্ ॥ 201 ॥
দ্বীপং শাখামৃগশ্রেষ্ঠো মলয়োপবনানি চ ।
সাগরং সাগরানূপং সাগরানূপজান্ দ্রুমান্ ॥ 202 ॥
সাগরস্য় চ পত্নীনাং মুখ্য়ান্যপি বিলোকযন্ ।
স মহামেঘসংকাশং সমীক্ষ্য়াত্মানমাত্মবান্ ॥ 203 ॥
নিরুংধংতমিবাকাশং চকার মতিমান্ মতিম্ ।
কাযবৃদ্ধিং প্রবেগং চ মম দৃষ্ট্বৈব রাক্ষসাঃ ॥ 204 ॥
ময়ি কৌতূহলং কুর্যরিতি মেনে মহাকপিঃ ।
ততঃ শরীরং সংক্ষিপ্য় তন্মহীধরসন্নিভম্ ॥ 205 ॥
পুনঃ প্রকৃতিমাপেদে বীতমোহ ইবাত্মবান্ ।
তদ্রূপমতিসংক্ষিপ্য় হনুমান্ প্রকৃতৌ স্থিতঃ ॥ 206 ॥
ত্রীন্ ক্রমানিব বিক্রম্য় বলিবীর্যহরো হরিঃ ।
স চারুনানাবিধরূপধারী পরং সমাসাদ্য় সমুদ্রতীরম্ ।
পরৈরশক্য়ঃ প্রতিপন্নরূপঃ সমীক্ষিতাত্মা সমবেক্ষিতার্ধঃ ॥ 207 ॥
ততঃ স লংবস্য় গিরেঃ সমৃদ্ধে বিচিত্রকূটে নিপপাত কূটে ।
সকেতকোদ্দালকনালিকেরে মহাদ্রিকূটপ্রতিমো মহাত্মা ॥ 208 ॥
ততস্তু সংপ্রাপ্য় সমুদ্রতীরং সমীক্ষ্য় লংকাং গিরিবর্যমূর্ধ্নি ।
কপিস্তু তস্নিন্নিপপাত পর্বতে বিধূয় রূপং ব্যথযন্মৃগদ্বিজান্ ॥ 209 ॥
স সাগরং দানবপন্নগায়ুতং বলেন বিক্রম্য় মহোর্মিমালিনম্ ।
নিপত্য় তীরে চ মহোদধেস্তদা দদর্শ লংকামমরাবতীমিব ॥ 210 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে প্রথমস্সর্গঃ ॥
