শ্রীমদ্বাল্মীকীয় রামাযণে সুংদরকাংডম্ ।
অথ ষোডশস্সর্গঃ ।
প্রশস্য় তু প্রশস্তব্য়াং সীতাং তাং হরিপুংগবঃ ।
গুণাভিরামং রামং চ পুনশ্চিংতাপরোঽভবত্ ॥ 1 ॥
স মুহূর্তমিব ধ্য়াত্বা বাষ্পপর্য়াকুলেক্ষণঃ ।
সীতামাশ্রিত্য় তেজস্বী হনূমান্বিললাপ হ ॥ 2 ॥
মান্য়া গুরুবিনীতস্য় লক্ষ্মণস্য় গুরুপ্রিয়া ।
যদি সীতাঽঽপি দুঃখার্তা কালো হি দুরতিক্রমঃ ॥ 3 ॥
রামস্য় ব্যবসাযজ্ঞা লক্ষ্মণস্য় চ ধীমতঃ ।
নাত্যর্থং ক্ষুভ্যতে দেবী গংগেব জলদাগমে ॥ 4 ॥
তুল্যশীলবয়োবৃত্তাং তুল্য়াভিজনলক্ষণাম্ ।
রাঘবোঽঽর্হতি বৈদেহীং তং চেযমসিতেক্ষণা ॥ 5 ॥
তাং দৃষ্ট্বা নবহেমাভাং লোককাংতামিব শ্রিযম্ ।
জগাম মনসা রামং বচনং চেদমব্রবীত্ ॥ 6 ॥
অস্য়া হেতোর্বিশালাক্ষ্য়া হতো বালী মহাবলঃ ।
রাবণপ্রতিমো বীর্য়ে কবংধশ্চ নিপাতিতঃ ॥ 7 ॥
বিরাধশ্চ হতঃ সংখ্য়ে রাক্ষসো ভীমবিক্রমঃ ।
বনে রামেণ বিক্রম্য় মহেংদ্রেণেব শংবরঃ ॥ 8 ॥
চতুর্দশ সহস্রাণি রক্ষসাং ভীমকর্মণাম্ ।
নিহতানি জনস্থানে শরৈরগ্নিশিখোপমৈঃ ॥ 9 ॥
খরশ্চ নিহতসংখ্য়ে ত্রিশিরাশ্চ নিপাতিতঃ ।
দূষণশ্চ মহাতেজা রামেণ বিদিতাত্মনা ॥ 10 ॥
ঐশ্বর্য়ং বানরাণাং চ দুর্লভং বালিপালিতম্ ।
অস্য়া নিমিত্তে সুগ্রীবঃ প্রাপ্তবান্ লোকসত্কৃতম্ ॥ 11 ॥
সাগরশ্চ ময়া ক্রাংতশ্শ্রীমান্নদনদীপতিঃ ।
অস্য়া হেতোর্বিশালাক্ষ্য়াঃ পুরী চেযমবেক্ষিতা ॥ 12 ॥
যদি রামঃ সমুদ্রাংতাং মেদিনীং পরিবর্তয়েত্ ।
অস্য়াঃ কৃতে জগচ্চাপি যুক্তমিত্য়েব মে মতিঃ ॥ 13 ॥
রাজ্য়ং বা ত্রিষু লোকেষু সীতা বা জনকাত্মজা ।
ত্রৈলোক্যরাজ্য়ং সকলং সীতায়া নাপ্নুয়াত্কলাম্ ॥ 14 ॥
ইয়ং সা ধর্মশীলস্য় মৈথিলস্য় মহাত্মনঃ ।
সুতা জনকরাজস্য় সীতা ভর্তৃদৃঢব্রতা ॥ 15 ॥
উত্থিতা মেদিনীং ভিত্ত্বা ক্ষেত্রে হলমুখক্ষতে ।
পদ্মরেণুনিভৈঃ কীর্ণা শুভৈঃ কেদারপাম্সুভিঃ ॥ 16 ॥
বিক্রাংতস্য়ার্যশীলস্য় সংয়ুগেষ্ন্বিবর্তিনঃ ।
স্নুষা দশরথস্য়ৈষা জ্য়েষ্ঠা রাজ্ঞো যশস্বিনী ॥ 17 ॥
ধর্মজ্ঞস্য় কৃতজ্ঞস্য় রামস্য় বিদিতাত্মনঃ ।
ইয়ং সা দয়িতা ভার্য়া রাক্ষসীবশমাগতা ॥ 18 ॥
সর্বান্ ভোগান্পরিত্যজ্য় ভর্তৃস্নেহবলাত্কৃতা ।
অচিংতয়িত্বা দুঃখানি প্রবিষ্টা নির্জনং বনম্ ॥ 19 ॥
সংতুষ্টা ফলমূলেন ভর্তৃশুশ্রূষণে রতা ।
যা পরাং ভজতে প্রীতিং বনেঽঽপি ভবনে যথা ॥ 20 ॥
সেয়ং কনকবর্ণাংগী নিত্য়ং সুস্মিতভাষিণী ।
সহতে যাতনামেতামনর্থানামভাগিনী ॥ 21 ॥
ইমাং তু শীলসংপন্নাং দ্রষ্টুমর্হতি রাঘবঃ ।
রাবণেন প্রমথিতাং প্রপামিব পিপাসিতঃ ॥ 22 ॥
অস্য়া নূনং পুনর্লাভাদ্রাঘবঃ প্রীতিমেষ্যতি ।
রাজা রাজ্যপরিভ্রষ্টঃ পুনঃ প্রাপ্য়েব মেদিনীম্ ॥ 23 ॥
কামভোগৈঃ পরিত্যক্তা হীনা বংধুজনেন চ ।
ধারযত্য়াত্মনো দেহং তত্সমাগমকাংক্ষিণী ॥ 24 ॥
নৈষা পশ্যতি রাক্ষস্য়ো নেমান্পুষ্পফলদ্রুমান্ ।
একস্থহৃদয়া নূনং রামমেবানুপশ্যতি ॥ 25 ॥
ভর্তা নাম পরং নার্য়া ভূষণং ভূষণাদপি ।
এষা তু রহিতা তেন ভূষণার্হা ন শোভতে ॥ 26 ॥
দুষ্করং কুরুতে রামো হীনো যদনয়া প্রভুঃ ।
ধারযত্য়াত্মনো দেহং ন দুঃখেনাবসীদতি ॥ 27 ॥
ইমামসিতকেশাংতাং শতপত্রনিভেক্ষণাম্ ।
সুখার্হাং দুঃখিতাং দৃষ্ট্বা মমাপি ব্যথিতং মনঃ ॥ 28 ॥
ক্ষতিক্ষমা পুষ্করসন্নিভাক্ষী যা রক্ষিতা রাঘবলক্ষ্মণাভ্য়াম্ ।
সা রাক্ষসীভির্বিকৃতেক্ষণাভিঃ সংরক্ষ্যতে সংপ্রতি বৃক্ষমূলে ॥ 29 ॥
হিমহতনলিনীব নষ্টশোভা ব্যসনপরংপরয়া নিপীড্যমানা ।
সহচররহিতেব চক্রবাকী জনকসুতা কৃপণাং দশাং প্রপন্না ॥ 30 ॥
অস্য়া হি পুষ্পাবনতাগ্রশাখাঃ শোকং দৃঢং বৈ জনয়ংত্যশোকাঃ ।
হিমব্যপায়েন চ শীতরশ্মি রভ্য়ুত্থিতো নৈকসহস্ররশ্মিঃ ॥ 31 ॥
ইত্য়েবমর্থং কপিরন্ববেক্ষ্য় সীতেযমিত্য়েব নিবিষ্টবুদ্ধিঃ ।
সংশ্রিত্য় তস্মিন্নিষসাদ বৃক্ষে বলী হরীণামৃষভস্তরস্বী ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ষোডশস্সর্গঃ ॥
