শ্রীমদ্বাল্মীকীয় রামাযণে সুংদরকাংডম্ ।
অথ বিংশস্সর্গঃ ।
স তাং পরিবৃতাং দীনাং নিরানংদাং তপস্বিনীম্ ।
সাকারৈর্মধুরৈর্বাক্য়ৈর্ন্যদর্শযত রাবণঃ ॥ 1 ॥
মাং দৃষ্ট্বা নাগনাসোরু গূহমানা স্তনোদরম্ ।
অদর্শনমিবাত্মানং ভয়ান্নেতুং ত্বমিচ্ছসি ॥ 2 ॥
কাময়ে ত্বাং বিশালাক্ষি বহুমন্যস্ব মাং প্রিয়ে ।
সর্বাংগগুণসংপন্নে সর্বলোকমনোহরে ॥ 3 ॥
নেহ কেচিন্মনুষ্য়া বা রাক্ষসাঃ কামরূপিণঃ ।
ব্যপসর্পতু তে সীতে ভয়ং মত্তঃ সমুত্থিতম্ ॥ 4 ॥
স্বধর্মো রক্ষসাং ভীরু সর্বথৈব ন সংশয়ঃ ।
গমনং বা পরস্ত্রীণাং হরণং সংপ্রমথ্য় বা ॥ 5 ॥
এবং চৈতদকামাং তু ন ত্বাং স্প্রক্ষ্য়ামি মৈথিলি ।
কামং কামঃ শরীরে মে যথাকামং প্রবর্ততাম্ ॥ 6 ॥
দেবি নেহ ভয়ং কার্য়ং ময়ি বিশ্বসি হি প্রিয়ে ।
প্রণযস্ব চ তত্ত্বেন মৈবং ভূঃ শোকলালসা ॥ 7 ॥
একবেণী ধরাশয়্য়া ধ্য়ানং মলিনমংবরম্ ।
অস্থানেঽপ্য়ুপবাসশ্চ নৈতান্য়ৌপয়িকানি তে ॥ 8 ॥
বিচিত্রাণি চ মাল্য়ানি চংদনান্যগরূণি চ ।
বিবিধানি চ বাসাংসি দিব্য়ান্য়াভরণানি চ ॥ 9 ॥
মহার্হাণি চ পানানি শযনান্য়াসনানি চ ।
গীতং নৃত্তং চ বাদ্য়ং চ লভ মাং প্রাপ্য় মৈথিলি ॥ 10 ॥
স্ত্রীরত্নমসি মৈবং ভূঃ কুরু গাত্রেষু ভূষণম্ ।
মাং প্রাপ্য় হি কথং নু স্বাস্ত্বমনর্হা সুবিগ্রহে ॥ 11 ॥
ইদং তে চারু সংজাতং যৌবনং ব্যতিবর্ততে ।
যদতীতং পুনর্নৈতি স্রোতঃ শীঘ্রমপামিব ॥ 12 ॥
ত্বাং কৃত্বোপরতো মন্য়ে রূপকর্তা স বিশ্বসৃক্ ।
ন হি রূপোপমা ত্বন্য়া তবাস্তি শুভদর্শনে ॥ 13 ॥
ত্বাং সমাসাদ্য় বৈদেহি রূপয়ৌবনশালিনীম্ ।
কঃ পুমানতিবর্তেত সাক্ষাদপি পিতামহঃ ॥ 14 ॥
যদ্যত্পশ্য়ামি তে গাত্রং শীতাংশুসদৃশাননে ।
তস্মিংস্তস্মিন্ পৃথুশ্রোণি চক্ষুর্মম নিবধ্যতে ॥ 15 ॥
ভব মৈথিলি ভার্য়া মে মোহমেনং বিসর্জয় ।
বহ্বীনামুত্তমস্ত্রীণামাহৃতানামিতস্ততঃ ॥ 16 ॥
সর্বাসামেব ভদ্রং তে মমাগ্রমহিষী ভব ।
লোকেভ্য়ো যানি রত্নানি সংপ্রমথ্য়াহৃতানি বৈ ॥ 17 ॥
তানি মে ভীরু সর্বাণি রাজ্য়ং চৈতদহং চ তে ।
বিজিত্য় পৃথিবীং সর্বাং নানানগরমালিনীম্ ॥ 18 ॥
জনকায় প্রদাস্য়ামি তব হেতোর্বিলাসিনি ।
নেহ পশ্য়ামি লোকেঽন্য়ং যো মে প্রতিবলো ভবেত্ ।
পশ্য় মে সুমহদ্বীর্যমপ্রতিদ্বংদ্বমাহবে ॥ 19 ॥
অসকৃত্সংয়ুগে ভগ্না ময়া বিমৃদিতধ্বজাঃ ॥ 20 ॥
অশক্তাঃ প্রত্যনীকেষু স্থাতুং মম সুরাসুরাঃ ।
ইচ্ছ মাং ক্রিযতামদ্য় প্রতিকর্ম তবোত্তমম্ ॥ 21 ॥
সপ্রভাণ্যবসজ্য়ংতাং তবাংগে ভূষণানি চ ।
সাধু পশ্য়ামি তে রূপং সংয়ুক্তং প্রতিকর্মণা ॥ 22 ॥
প্রতিকর্মাভিসংয়ুক্তা দাক্ষিণ্য়েন বরাননে ।
ভুংক্ষ্ব ভোগান্যথাকামং পিব ভীরু রমস্ব চ ॥ 23 ॥
যথেষ্টং চ প্রযচ্ছ ত্বং পৃথিবীং বা ধনানি চ ।
ললস্ব ময়ি বিস্রব্ধা ধৃষ্টমাজ্ঞাপযস্ব চ ॥ 24 ॥
মত্প্রসাদাল্ললংত্য়াশ্চ ললংতাং বাংধবাস্তব ।
ঋদ্ধিং মমানুপশ্য় ত্বং শ্রিয়ং ভদ্রে যশশ্চ মে ॥ 25 ॥
কিং করিষ্যসি রামেণ সুভগে চীরবাসসা ।
নিক্ষিপ্তবিজয়ো রামো গতশ্রীর্বনগোচরঃ ॥ 26 ॥
ব্রতী স্থংডিলশায়ী চ শংকে জীবতি বা ন বা ।
ন হি বৈদেহি রামস্ত্বাং দ্রষ্টুং বা প্য়ুপলপ্স্যতে ।
পুরোবলাকৈরসিতৈর্মেঘৈর্জ্য়োত্স্নামিবাবৃতাম্ ॥ 27 ॥
ন চাপি মম হস্তাত্ত্বাং প্রাপ্তুমর্হতি রাঘবঃ ॥ 28 ॥
হিরণ্যকশিপুঃ কীর্তিমিংদ্রহস্তগতামিব ।
চারুস্মিতে চারুদতি চারুনেত্রে বিলাসিনি ॥ 29 ॥
মনো হরসি মে ভীরু সুপর্ণঃ পন্নগং যথা ।
ক্লিষ্টকৌশেযবসনাং তন্বীমপ্যনলংকৃতাম্ ॥ 30 ॥
ত্বাং দৃষ্ট্বা স্বেষু দারেষু রতিং নোপলভাম্যহম্ ।
অংতঃপুরনিবাসিন্য়ঃ স্ত্রিয়ঃ সর্বগুণান্বিতাঃ ॥ 31 ॥
যাবংত্য়ো মম সর্বাসামৈশ্বর্য়ং কুরু জানকি ।
মম হ্যসিতকেশাংতে ত্রৈলোক্যপ্রবরাঃ স্ত্রিয়ঃ ॥ 32 ॥
তাস্ত্বাং পরিচরিষ্য়ংতি শ্রিযমপ্সরসো যথা ।
যানি বৈশ্রবণে সুভ্রু রত্নানি চ ধনানি চ ॥ 33 ॥
তানি লোকাংশ্চ সুশ্রোণি মাং চ ভুংক্ষ্ব যথাসুখম্ ।
ন রামস্তপসা দেবি ন বলেন ন বিক্রমৈঃ ॥ 34 ॥
ন ধনেন ময়া তুল্যস্তেজসা যশসাপি বা ।
পিব বিহর রমস্ব ভুংক্ষ্ব ভোগান্ ধননিচয়ং প্রদিশামি মেদিনীং চ ।
ময়ি লল ললনে যথাসুখং ত্বং ত্বয়ি চ সমেত্য় ললংতু বাংধবাস্তে ॥ 35 ॥
কুসুমিততরুজালসংততানি ভ্রমরয়ুতানি সমুদ্রতীরজানি ।
কনকবিমলহারভূষিতাংগী বিহর ময়া সহ ভীরু কাননানি ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে বিংশস্সর্গঃ ॥
