শ্রীমদ্বাল্মীকীয় রামাযণে সুংদরকাংডম্ ।
অথ ত্রয়োবিংশস্সর্গঃ ।
ইত্য়ুক্ত্বা মৈথিলীং রাজা রাবণঃ শত্রুরাবণঃ ।
সংদিশ্য় চ ততঃ সর্বা রাক্ষসীর্নির্জগাম হ ॥ 1 ॥
নিষ্ক্রাংতে রাক্ষসেংদ্রে তু পুনরংতঃপুরং গতে ।
রাক্ষস্য়ো ভীমরূপাস্তাঃ সীতাং সমভিদুদ্রুবুঃ ॥ 2 ॥
ততঃ সীতামুপাগম্য় রাক্ষস্য়ঃ ক্রোধমূর্ছিতাঃ ।
পরং পরুষয়া বাচা বৈদেহীমিদমব্রুবন্ ॥ 3 ॥
পৌলস্ত্যস্য় বরিষ্ঠস্য় রাবণস্য় মহাত্মনঃ ।
দশগ্রীবস্য় ভার্য়া ত্বং সীতে ন বহুমন্যসে ॥ 4 ॥
ততস্ত্বেকজটা নাম রাক্ষসী বাক্যমব্রবীত্ ।
আমংত্য়্র ক্রোধাতাম্রাক্ষী সীতাং করতলোদরীম্ ॥ 5 ॥
প্রজাপতীনাং ষণ্ণাং তু চতুর্থো যঃ প্রজাপতিঃ ।
মানসো ব্রহ্মণঃ পুত্রঃ পুলস্ত্য় ইতি বিশ্রুতঃ ॥ 6 ॥
পুলস্ত্যস্য় তু তেজস্বী মহর্ষির্মানসঃ সুতঃ ।
নাম্না স বিশ্রবা নাম প্রজাপতিসমপ্রভঃ ॥ 7 ॥
তস্য় পুত্রো বিশালাক্ষি রাবণঃ শত্রুরাবণঃ ।
তস্য় ত্বং রাক্ষসেংদ্রস্য় ভার্য়া ভবিতুমর্হসি ॥ 8 ॥
ময়োক্তং চারুসর্বাংগিঃ বাক্য়ং কিং নানুমন্যসে ।
ততো হরিজটা নাম রাক্ষসী বাক্যমব্রবীত্ ॥ 9 ॥
বিবর্ত্য় নযনে কোপান্মার্জারসদৃশেক্ষণা ।
যেন দেবাস্ত্রযস্ত্রিংশদ্দেবরাজশ্চ নির্জিতাঃ ॥ 10 ॥
তস্য় ত্বং রাক্ষসেংদ্রস্য় ভার্য়া ভবিতুমর্হসি ।
ততস্তু প্রঘসা নাম রাক্ষসী ক্রোধমূর্ছিতা ॥ 11 ॥
ভর্ত্সয়ংতী তদা ঘোরমিদং বচনমব্রবীত্ ।
বীর্য়োত্সিক্তস্য় শূরস্য় সংগ্রামেষু নিবর্তিনঃ ॥ 12 ॥
বলিনো বীর্যয়ুক্তস্য় ভার্য়াত্বং কিং ন লপ্স্যসে ।
প্রিয়াং বহুমতাং ভার্য়াং ত্যক্ত্বা রাজা মহাবলঃ ॥ 13 ॥
সর্বাসাং চ মহাভাগাং ত্বামুপৈষ্যতি রাবণঃ ।
সমৃদ্ধং স্ত্রীসহস্রেণ নানারত্নোপশোভিতম্ ॥ 14 ॥
অংতঃপুরং সমুত্সৃজ্য় ত্বামুপৈষ্যতি রাবণঃ ।
অন্য়া তু বিকটা নাম রাক্ষসী বাক্যমব্রবীত্ ॥ 15 ॥
অসকৃদ্দেবতা যুদ্ধে নাগগংধর্বদানবাঃ ।
নির্জিতাঃ সমরে যেন স তে পার্শ্বমুপাগতঃ ॥ 16 ॥
তস্য় সর্বসমৃদ্ধস্য় রাবণস্য় মহাত্মনঃ ।
কিমদ্য় রাক্ষসেংদ্রস্য় ভার্য়াত্বং নেচ্ছসেঽধমে ॥ 17 ॥
ততস্তু দুর্মুখী নাম রাক্ষসী বাক্যমব্রবীত্ ।
যস্য় সূর্য়ো ন তপতি ভীতো যস্য় চ মারুতঃ ॥ 18 ॥
ন বাতি স্মাযতাপাংগে কিং ত্বং তস্য় ন তিষ্ঠসি ।
পুষ্পবৃষ্টিং চ তরবো মুমুচুর্যস্য় বৈ ভয়াত্ ॥ 19 ॥
শৈলাশ্চ সুভ্রু পানীয়ং জলদাশ্চ যদেচ্ছতি ।
তস্য় নৈরৃতরাজস্য় রাজরাজস্য় ভামিনি ॥ 20 ॥
কিং ত্বং ন কুরুষে বুদ্ধিং ভার্য়ার্থে রাবণস্য় হি ।
সাধু তে তত্ত্বতো দেবি কথিতং সাধু ভামিনি ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ত্রয়োবিংশস্সর্গঃ ॥
