ශ්රීමද්වාල්මීකීය රාමායණේ සුංදරකාංඩම් ।
අථ චතුඃෂෂ්ටිතමස්සර්ගඃ ।
සුග්රීවේණෛවමුක්තස්තු හෘෂ්ටෝ දධිමුඛඃ කපිඃ ।
රාඝවං ලක්ෂ්මණං චෛව සුග්රීවං චාභ්යවාදයත් ॥ 1 ॥
ස ප්රණම්ය ච සුග්රීවං රාඝවෞ ච මහාබලෞ ।
වානරෛඃ සහිතඃ ශූරෛර්දිවමේවෝත්පපාත හ ॥ 2 ॥
ස යථෛවාऽගතඃ පූර්වං තථෛව ත්වරිතං ගතඃ ।
නිපත්ය ගගනාද්භූමෞතද්වනං ප්රවිවේශ හ ॥ 3 ॥
ස ප්රවිෂ්ටෝ මධුවනං දදර්ශ හරියූථපාන් ।
විමදානුත්ථිතාන්සර්වාන් මේහමානාන්මධූදකම් ॥ 4 ॥
ස තානුපාගමද්වීරෝ බද්ධ්වා කරපුටාංජලිම් ।
උවාච වචනං ශ්ලක්ෂ්ණමිදං හෘෂ්ටවදංගදම් ॥ 5 ॥
සෞම්ය රෝෂෝ න කර්තව්යෝ යදේතත්පරිවාරිතම් ।
අජ්ඤානාද්රක්ෂිභිඃ ක්රෝධාද්භවංතඃ ප්රතිෂේධිතාඃ ॥ 6 ॥
යුවරාජස්ත්වමීශශ්ච වනස්යාස්ය මහාබල ।
මෞර්ඛ්යාත්පූර්වං කෘතෝ දෝෂස්තං භවාන් ක්ෂංතුමර්හති ॥ 7 ॥
ආඛ්යාතං හි මයා ගත්වා පිතෘව්යස්ය තවානඝ ।
ඉහෝපයාතං සර්වේෂාමේතේෂාං වනචාරිණාම් ॥ 8 ॥
ස ත්වදාගමනං ශ්රුත්වා සහෛභිර්හරියූථපෛඃ ।
ප්රහෘෂ්ටෝ න තු රුෂ්ටෝऽසෞ වනං ශ්රුත්වා ප්රධර්ෂිතම් ॥ 9 ॥
ප්රහෘෂ්ටෝ මාං පිතෘව්යස්තේ සුග්රීවෝ වානරේශ්වරඃ ।
ශීඝ්රං ප්රේෂය සර්වාංස්තානිති හෝවාච පාර්ථිවඃ ॥ 10 ॥
ශ්රුත්වා දධිමුඛස්යේදං වචනං ශ්ලක්ෂ්ණමංගදඃ ।
අබ්රවීත්තාන් හරිශ්රේෂ්ඨෝ වාක්යං වාක්යවිශාරදඃ ॥ 11 ॥
ශංකේ ශ්රුතෝऽයං වෘත්තාංතෝ රාමේණ හරියූථපාඃ ।
තත්ක්ෂමං නේහ නඃ ස්ථාතුං කෘතේ කාර්යේ පරංතපාඃ ॥ 12 ॥
පීත්වා මධු යථාකාමං විශ්රාංතා වනචාරිණඃ ।
කිං ශේෂං ගමනං තත්ර සුග්රීවෝ යත්ර මේ ගුරුඃ ॥ 13 ॥
සර්වේ යථා මාං වක්ෂ්යංති සමේත්ය හරියූථපාඃ ।
තථාස්මි කර්තා කර්තව්යේ භවද්භිඃ පරවානහම් ॥ 14 ॥
නාජ්ඤාපයිතුමීශෝऽහං යුවරාජෝऽස්මි යද්යපි ।
අයුක්තං කෘතකර්මාණෝ යූයං ධර්ෂයිතුං මයා ॥ 15 ॥
බ්රුවතශ්චාංගදස්යෛවං ශ්රුත්වා වචනමව්යයම් ।
ප්රහෘෂ්ටමනසෝ වාක්යමිදමූචුර්වනෞකසඃ ॥ 16 ॥
ඒවං වක්ෂ්යති කෝ රාජන් ප්රභුස්සන්වානරර්ෂභ ।
ඓශ්වර්යමදමත්තෝ හි සර්වෝऽහමිති මන්යතේ ॥ 17 ॥
තව චේදං සුසදෘශං වාක්යං නාන්යස්ය කස්යචිත් ।
සන්නතිර්හි තවාඛ්යාති භවිෂ්යච්ඡුභයෝග්යතාම් ॥ 18 ॥
සර්වේ වයමපි ප්රාප්තාස්තත්ර ගංතුං කෘතක්ෂණාඃ ।
ස යත්ර හරිවීරාණාං සුග්රීවඃ පතිරව්යයඃ ॥ 19 ॥
ත්වයා හ්යනුක්තෛර්හරිභිර්නෛව ශක්යං පදාත්පදම් ।
ක්වචිද්ගංතුං හරිශ්රේෂ්ඨ බ්රූමඃ සත්යමිදං තු තේ ॥ 20 ॥
ඒවං තු වදතාං තේෂාමංගදඃ ප්රත්යුවාච හ ।
බාඪං ගච්ඡාම ඉත්යුක්ත්වා ඛමුත්පේතුර්මහාබලාඃ ॥ 21 ॥
උත්පතංතමනූත්පේතු ස්සර්වේ තේ හරියූථපාඃ ।
කෘත්වාකාශං නිරාකාශං යංත්රෝත්ක්ෂිප්තා ඉවාචලාඃ ॥ 22 ॥
තේऽංබරං සහසෝත්පත්ය වේගවංතඃ ප්ලවංගමාඃ ।
විනදංතෝ මහානාදං ඝනා වාතේරිතා යථා ॥ 23 ॥
අංගදේ හ්යනනුප්රාප්තේ සුග්රීවෝ වානරාධිපඃ ।
උවාච ශෝකෝපහතං රාමං කමලලෝචනම් ॥ 24 ॥
සමාශ්වසිහි භද්රං තේ දෘෂ්ටා දේවී න සංශයඃ ।
නාගංතුමිහ ශක්යං තෛරතීතේ සමයේ හි නඃ ॥ 25 ॥
න මත්සකාශමාගච්ඡේත්කෘත්යේ හි විනිපාතිතේ ।
යුවරාජෝ මහාබාහුඃ ප්ලවතාං ප්රවරෝऽංගදඃ ॥ 26 ॥
යද්යප්යකෘතකෘත්යානාමීදෘශ ස්ස්යාදුපක්රමඃ ।
භවේත්ස දීනවදනෝ භ්රාංතවිප්ලුතමානසඃ ॥ 27 ॥
පිතෘපෛතාමහං චෛතත්පූර්වකෛරභිරක්ෂිතම් ।
න මේ මධුවනං හන්යාදහෘෂ්ටඃ ප්ලවගේශ්වරඃ ॥ 28 ॥
කෞසල්යාසුප්රජා රාම සමාශ්වසිහි සුව්රත ।
දෘෂ්ටා දේවී න සංදේහෝ න චාන්යේන හනූමතා ॥ 29 ॥
න හ්යන්යඃ කර්මණෝ හේතුස්සාධනේऽස්ය හනූමතඃ ।
හනූමති හි සිද්ධිශ්ච මතිශ්ච මතිසත්තමඃ ॥ 30 ॥
ව්යවසායශ්ච වීර්යං ච සූර්යේ තේජ ඉව ධ්රුවම් ।
ජාංබවාන්යත්ර නේතා ස්යාදංගදශ්ච බලේශ්වරඃ ।
හනුමාංශ්චාප්යධිෂ්ඨාතා න තස්ය ගතිරන්යථා ॥ 31 ॥
මා භූශ්චිංතාසමායුක්තස්සංප්රත්යමිතවික්රමඃ ॥ 32 ॥
තතඃ කිලකිලාශබ්දං ශුශ්රාවාසන්නමංබරේ ।
හනුමත්කර්මදෘප්තානාං නාර්ධතාං කානනෞකසාම් ॥ 33 ॥
කිෂ්කිංධාමුපයාතානාං සිද්ධිං කථයතාමිව ।
තතශ්ශ්රුත්වා නිනාදං තං කපීනාං කපිසත්තමඃ ॥ 34 ॥
ආයතාංචිතලාංගූලස්සෝऽභවද්ධෘෂ්ටමානසඃ ।
ආජග්මුස්තේऽපි හරයෝ රාමදර්ශනකාංක්ෂිණඃ ॥ 35 ॥
අංගදං පුරතඃ කෘත්වා හනූමංතං ච වානරම් ।
තේऽංගදප්රමුඛා වීරාඃ ප්රහෘෂ්ඨාශ්ච මුදාන්විතාඃ ॥ 36 ॥
නිපේතුර්හරිරාජස්ය සමීපේ රාඝවස්ය ච ।
හනුමාංශ්ච මහාබාහුඃ ප්රණම්ය ශිරසා තතඃ ॥ 37 ॥
නියතාමක්ෂතාං දේවීං රාඝවාය න්යවේදයත් ।
දෘෂ්ටා දේවීති හනුමද්වදනාදමෘතෝපමම් ॥ 38 ॥
ආකර්ණ්ය වචනං රාමෝ හර්ෂමාප සලක්ෂ්මණඃ ।
නිශ්චිතාර්ථං තතස්තස්මින් සුග්රීවං පවනාත්මජේ ॥ 39 ॥
ලක්ෂ්මණඃ ප්රීතිමාන් ප්රීතං බහුමානාදවෛක්ෂත ।
ප්රීත්යා ච රමමාණෝऽථ රාඝවඃ පරවීරහා ॥ 40 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ චතුඃෂෂ්ටිතමස්සර්ගඃ ॥
