শ্রীমদ্বাল্মীকীয় রামাযণে সুংদরকাংডম্ ।
অথ পংচষষ্টিতমস্সর্গঃ ।
ততঃ প্রস্রবণং শৈলং তে গত্বা চিত্রকাননম্ ।
প্রণম্য় শিরসা রামং লক্ষ্মণং চ মহাবলম্ ॥ 1 ॥
যুবরাজং পুরস্কৃত্য় সুগ্রীবমভিবাদ্য় চ ।
প্রবৃত্তিমথ সীতায়াঃ প্রবক্তুমুপচক্রমুঃ ॥ 2 ॥
রাবণাংতঃ পুরে রোধং রাক্ষসীভিশ্চ তর্জনম্ ।
রামে সমনুরাগং চ যশ্চায়ং সময়ঃ কৃতঃ ॥ 3 ॥
এতদাখ্য়াংতি তে সর্বে হরয়ো রামসন্নিধৌ ।
বৈদেহীমক্ষতাং শ্রুত্বা রামস্তূত্তরমব্রবীত্ ॥ 4 ॥
ক্ব সীতা বর্ততে দেবী কথং চ ময়ি বর্ততে ।
এতন্মে সর্বমাখ্য়াত বৈদেহীং প্রতি বানরাঃ ॥ 5 ॥
রামস্য় গদিতং শ্রুত্বা হরয়ো রামসন্নিধৌ ।
চোদয়ংতি হনূমংতং সীতাবৃত্তাংতকোবিদম্ ॥ 6 ॥
শ্রুত্বা তু বচনং তেষাং হনুমান্মারুতাত্মজঃ ।
প্রণম্য় শিরসা দেব্য়ৈ সীতায়ৈ তাং দিশং প্রতি ॥ 7 ॥
উবাচ বাক্য়ং বাক্যজ্ঞস্সীতায়া দর্শনং যথা ।
সমুদ্রং লংঘয়িত্বাহং শতয়োজনমাযতম্ ॥ 8 ॥
অগচ্ছং জানকীং সীতাং মার্গমাণো দিদৃক্ষয়া ।
তত্র লংকেতি নগরী রাবণস্য় দুরাত্মনঃ ॥ 9 ॥
দক্ষিণস্য় সমুদ্রস্য় তীরে বসতি দক্ষিণে ।
তত্র দৃষ্টা ময়া সীতা রাবণাংতঃ পুরে সতী ॥ 10 ॥
সন্ন্যস্য় ত্বয়ি জীবংতী রামা রাম মনোরথম্ ।
দৃষ্টা মে রাক্ষসীমধ্য়ে তর্জ্যমানা মুহুর্মুহুঃ ॥ 11 ॥
রাক্ষসীভির্বিরূপাভী রক্ষিতা প্রমদাবনে ।
দুঃখ মাসাদ্যতে দেবী তথাঽদুঃখোচিতা সতী ॥ 12 ॥
রাবণাংতঃ পুরে রুদ্ধা রাক্ষসীভি স্সুরক্ষিতা ।
একবেণীধরা দীনা ত্বয়ি চিংতাপরাযণা ॥ 13 ॥
অধঃশয়্য়া বিবর্ণাংগী পদ্মিনীব হিমাগমে ।
রাবণাদ্বিনিবৃত্তার্থা মর্তব্যকৃতনিশ্চয়া ॥ 14 ॥
দেবী কথংচিত্কাকুত্স্থ ত্বন্মনা মার্গিতা ময়া ।
ইক্ষ্বাকুবংশবিখ্য়াতিং শনৈঃ কীর্তযতানঘ ॥ 15 ॥
সা ময়া নরশার্দূল বিশ্বাসমুপপাদিতা ।
তত স্সংভাষিতা দেবী সর্বমর্থং চ দর্শিতা ॥ 16 ॥
রামসুগ্রীবসখ্য়ং চ শ্রুত্বা প্রীতিমুপাগতা ।
নিযত স্সমুদাচারো ভক্তিশ্চাস্য়াস্তথা ত্বয়ি ॥ 17 ॥
এবং ময়া মহাভাগা দৃষ্টা জনকনংদিনী ।
উগ্রেণ তপসা যুক্তা ত্বদ্ভক্ত্য়া পুরুষর্ষভ ॥ 18 ॥
অভিজ্ঞানং চ মে দত্তং যথা বৃত্তং তবাংতিকে ।
চিত্রকূটে মহাপ্রাজ্ঞ বাযসং প্রতি রাঘব ॥ 19 ॥
বিজ্ঞাপ্যশ্চ নরব্য়াঘ্রো রামো বায়ুসুত ত্বয়া ।
অখিলেনেহ যদ্ধৃষ্টমিতি মামাহ জানকী ॥ 20 ॥
অয়ং চাস্মৈ প্রদাতব্য়ো যত্নাত্সুপরিরক্ষিতঃ ।
ব্রুবতা বচনান্য়েবং সুগ্রীবস্য়োপশৃণ্বতঃ ॥ 21 ॥
এষ চূডামণিশ্শ্রীমান্ ময়া সুপরিরক্ষিতঃ ।
মনশ্শিলায়াস্তিলকো গংডপার্শ্বে নিবেশিতঃ ॥ 22 ॥
ত্বয়া প্রণষ্ঠে তিলকে তং কিল স্মর্তুমর্হসি ।
এষ নির্য়াতিতশ্শ্রীমান্ময়া তে বারি সংভবঃ ।
এতং দৃষ্ট্বা প্রহৃষ্য়ামি ব্যসনে ত্বামিবানঘ ॥ 23 ॥
জীবিতং ধারয়িষ্য়ামি মাসং দশরথাত্মজ ॥ 24 ॥
ঊর্ধ্বং মাসান্ন জীবেয়ং রক্ষসাং বশমাগতা ।
ইতি মামব্রবীত্সীতা কৃশাংগী ধর্মচারিণী ॥ 25 ॥
রাবণাংতঃ পুরে রুদ্ধা মৃগীবোত্ফুল্ললোচনা ।
এতদেব ময়াখ্য়াতং সর্বং রাঘব যদ্যথা ॥ 26 ॥
সর্বথা সাগরজলে সংতারঃ প্রবিধীযতাম্ ।
তৌ জাতাশ্বাসৌ রাজপুত্রৌ বিদিত্বা তচ্চাভিজ্ঞানং রাঘবায় প্রদায় ।
দেব্য়া চাখ্য়াতং সর্বমেবানুপূর্ব্য়াদ্বাচা সংপূর্ণং বায়ুপুত্ত্র শ্শশংস ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে পংচষষ্টিতমস্সর্গঃ ॥
