শ্রীমদ্বাল্মীকীয় রামাযণে সুংদরকাংডম্ ।
অথ ষট্ষষ্টিতমস্সর্গঃ ।
এবমুক্তো হনুমতা রামো দশরথাত্মজঃ ।
তং মণিং হৃদয়ে কৃত্বা প্ররুরোদ সলক্ষ্মণঃ ॥ 1 ॥
তং তু দৃষ্ট্বা মণিশ্রেষ্ঠং রাঘব শ্শোককর্শিতঃ ।
নেত্রাভ্য়ামশ্রুপূর্ণাভ্য়াং সুগ্রীবমিদমব্রবীত্ ॥ 2 ॥
যথৈব ধেনু স্স্রবতি স্নেহাদ্বত্সস্য় বত্সলা ।
তথা মমাপি হৃদয়ং মণিরত্নস্য় দর্শনাত্ ॥ 3 ॥
মণিরত্নমিদং দত্তং বৈদেহ্য়াশ্শ্বশুরেণ মে ।
বধূকালে যথাবদ্ধমধিকং মূর্ধ্নি শোভতে ॥ 4 ॥
অয়ং হি জলসংভূতো মণিস্সজ্জনপূজিতঃ ।
যজ্ঞে পরমতুষ্টেন দত্তশ্শক্রেণ ধীমতা ॥ 5 ॥
ইমং দৃষ্ট্বা মণিশ্রেষ্ঠং যথা তাতস্য় দর্শনম্ ।
অদ্য়াস্ম্যবগতস্সৌম্য় বৈদেহস্য় তথা বিভোঃ ॥ 6 ॥
অয়ং হি শোভতে তস্য়াঃ প্রিয়ায়া মূর্ধ্নি মে মণিঃ ।
অস্য়াদ্য় দর্শনে নাহং প্রাপ্তাং তামিব চিংতয়ে ॥ 7 ॥
কিমাহ সীতা বৈদেহী ব্রূহি সৌম্য় পুনঃ পুনঃ ।
পিপাসুমিব তোয়েন সিংচংতী বাক্যবারিণা ॥ 8 ॥
ইতস্তু কিং দুঃখতরং যদিমং বারিসংভবম্ ।
মণিং পশ্য়ামি সৌমিত্রে বৈদেহীমাগতাং বিনা ॥ 9 ॥
চিরং জীবতি বৈদেহী যদি মাসং ধরিষ্যতি ।
ক্ষণং সৌম্য় ন জীবেয়ং বিনা তামসিতেক্ষণাম্ ॥ 10 ॥
নয় মামপি তং দেশং যত্র দৃষ্টা মম প্রিয়া ।
ন তিষ্ঠেয়ং ক্ষণমপি প্রবৃত্তিমুপলভ্য় চ ॥ 11 ॥
কথং সা মম সুশ্রোণী ভীরুভীরু স্সতী সদা ।
ভয়াবহানাং ঘোরাণাং মধ্য়ে তিষ্ঠতি রক্ষসাম্ ॥ 12 ॥
শারদ স্তিমিরোন্মুক্তো নূনং চংদ্রং ইবাংবুধৈঃ ।
আবৃতং বদনং তস্য়া ন বিরাজতি রাক্ষসৈঃ ॥ 13 ॥
কিমাহ সীতা হনুমংস্তত্ত্বতঃ কথয়াদ্য় মে ।
এতেন খলু জীবিষ্য়ে ভেষজেনাতুরো যথা ॥ 14 ॥
মধুরা মধুরালাপা কিমাহ মম ভামিনী ।
মদ্বিহীনা বরারোহা হনুমন্ কথযস্ব মে ॥ 15 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে ষট্ষষ্টিতমস্সর্গঃ ॥
