শ্রীমদ্বাল্মীকীয় রামাযণে বালকাংডম্ ।
অথ পংচবিংশস্সর্গঃ ।
অথ তস্য়াপ্রমেযস্য় মুনের্বচনমুত্তমম্ ।
শ্রুত্বা পুরুষশার্দূলঃ প্রত্য়ুবাচ শুভাং গিরম্ ॥ 1 ॥
অল্পবীর্য়া যদা যক্ষা শ্শ্রূয়ংতে মুনিপুংগব ।
কথন্নাগসহস্রস্য় ধারযত্যবলা বলম্ ॥ 2 ॥
বিশ্বামিত্রোঽব্রবীদ্বাক্য়ং শৃণ যেন বলোত্তরা ।
বরদানকৃতং বীর্য়ং ধারযত্যবলা বলম্ ॥ 3 ॥
পূর্বমাসীন্মহাযক্ষস্সুকেতুর্নাম বীর্যবান্ ।
অনপত্যশ্শুভাচারস্স চ তেপে মহত্তপঃ ॥ 4 ॥
পিতামহস্তু সুপ্রীতস্তস্য় যক্ষপতে স্তদা ।
কন্য়ারত্নং দদৌ রাম তাটকাং নাম নামতঃ ॥ 5 ॥
দদৌ নাগসহস্রস্য় বলং চাস্য়াঃ পিতামহঃ ।
নত্বেব পুত্রং যক্ষায় দদৌ ব্রহ্মা মহাযশাঃ ॥ 6 ॥
তাং তু জাতাং বিবর্ধংতীং রূপয়ৌবনশালিনীম্ ।
ঝর্ঝপুত্রায় সুংদায় দদৌ ভার্য়াং যশস্বিনীম্ ॥ 7 ॥
কস্যচিত্ত্বথ কালস্য় যক্ষী পুত্রমজাযত ।
মারীচং নাম দুর্ধর্ষং যশ্শাপাদ্রাক্ষসোঽভবত্ ॥ 8 ॥
সুংদে তু নিহতে রাম সাগস্ত্যমৃষিসত্তমম্ ।
তাটকা সহ পুত্রেণ প্রধর্ষয়িতুমিচ্ছতি ॥ 9 ॥
ভক্ষার্থং জাতসংরংভা গর্জংতী সাভ্যধাবত ।
0 আপতংতীং তু তাং দৃষ্ট্বা অগস্ত্য়ো ভগবানৃষিঃ ॥ 10 ॥
রাক্ষসত্বং ভজস্বেতি মারীচং ব্য়াজহার সঃ ।
1 অগস্ত্য়ঃ পরমক্রুদ্ধস্তাটকামপি শপ্তবান্ ॥ 11 ॥
পুরুষাদী মহাযক্ষী বিরূপা বিকৃতাননা ।
ইদং রূপং বিহায়াথ দারুণং রূপমস্তু তে ॥ 12 ॥
সৈষা শাপকৃতামর্ষা তাটকা ক্রোধমূর্ছিতা ।
দেশমুত্সাদযত্য়েনমগস্ত্যচরিতং শুভম্ ॥ 13 ॥
এনাং রাঘব দুর্বৃত্তাং যক্ষীং পরমদারুণাম্ ।
গোব্রাহ্মণহিতার্থায় জহি দুষ্টপরাক্রমাম্ ॥ 14 ॥
ন হ্য়েনাং শাপসম্স্পৃষ্টাং কশ্চিদুত্সহতে পুমান্ ।
নিহংতুং ত্রিষু লোকেষু ত্বামৃতে রঘুনংদন ॥ 15 ॥
ন হি তে স্ত্রীবধকৃতে ঘৃণা কার্য়া নরোত্তম ।
চাতুর্বণ্যহিতার্থায় কর্তব্য়ং রাজসূনুনা ॥ 16 ॥
নৃশংসমনৃশংসং বা প্রজারক্ষণকারণাত্ ।
পাতকং বা সদোষং বা কর্তব্য়ং রক্ষতা সতা ॥ 17 ॥
রাজ্যভারনিয়ুক্তানামেষ ধর্মস্সনাতনঃ ।
অধর্ম্য়াং জহি কাকুত্স্থ ধর্মোহ্যস্য়া ন বিদ্যতে ॥ 18 ॥
শ্রূযতে হি পুরা শক্রো বিরোচনসুতাং নৃপ ।
পৃথিবীং হংতুমিচ্ছংতীং মংথরামভ্যসূদযত্ ॥ 19 ॥
বিষ্ণুনাপি পুরা রাম ভৃগুপত্নী দৃঢব্রতা ।
অনিংদ্রং লোকমিচ্ছংতী কাব্যমাতা নিষূদিতা ॥ 20 ॥
এতৈশ্চান্য়ৈশ্চ বহুভী রাজপুত্র মহাত্মভিঃ ।
অধর্মসহিতা নার্য়ো হতাঃ পুরুষসত্তমৈঃ ॥ 21 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে পংচবিংশস্সর্গঃ ॥
