ශ්රීමද්වාල්මීකීය රාමායණේ බාලකාංඩම් ।
අථ පංචවිංශස්සර්ගඃ ।
අථ තස්යාප්රමේයස්ය මුනේර්වචනමුත්තමම් ।
ශ්රුත්වා පුරුෂශාර්දූලඃ ප්රත්යුවාච ශුභාං ගිරම් ॥ 1 ॥
අල්පවීර්යා යදා යක්ෂා ශ්ශ්රූයංතේ මුනිපුංගව ।
කථන්නාගසහස්රස්ය ධාරයත්යබලා බලම් ॥ 2 ॥
විශ්වාමිත්රෝऽබ්රවීද්වාක්යං ශෘණ යේන බලෝත්තරා ।
වරදානකෘතං වීර්යං ධාරයත්යබලා බලම් ॥ 3 ॥
පූර්වමාසීන්මහායක්ෂස්සුකේතුර්නාම වීර්යවාන් ।
අනපත්යශ්ශුභාචාරස්ස ච තේපේ මහත්තපඃ ॥ 4 ॥
පිතාමහස්තු සුප්රීතස්තස්ය යක්ෂපතේ ස්තදා ।
කන්යාරත්නං දදෞ රාම තාටකාං නාම නාමතඃ ॥ 5 ॥
දදෞ නාගසහස්රස්ය බලං චාස්යාඃ පිතාමහඃ ।
නත්වේව පුත්රං යක්ෂාය දදෞ බ්රහ්මා මහායශාඃ ॥ 6 ॥
තාං තු ජාතාං විවර්ධංතීං රූපයෞවනශාලිනීම් ।
ඣර්ඣපුත්රාය සුංදාය දදෞ භාර්යාං යශස්විනීම් ॥ 7 ॥
කස්යචිත්ත්වථ කාලස්ය යක්ෂී පුත්රමජායත ।
මාරීචං නාම දුර්ධර්ෂං යශ්ශාපාද්රාක්ෂසෝऽභවත් ॥ 8 ॥
සුංදේ තු නිහතේ රාම සාගස්ත්යමෘෂිසත්තමම් ।
තාටකා සහ පුත්රේණ ප්රධර්ෂයිතුමිච්ඡති ॥ 9 ॥
භක්ෂාර්ථං ජාතසංරංභා ගර්ජංතී සාභ්යධාවත ।
0 ආපතංතීං තු තාං දෘෂ්ට්වා අගස්ත්යෝ භගවානෘෂිඃ ॥ 10 ॥
රාක්ෂසත්වං භජස්වේති මාරීචං ව්යාජහාර සඃ ।
1 අගස්ත්යඃ පරමක්රුද්ධස්තාටකාමපි ශප්තවාන් ॥ 11 ॥
පුරුෂාදී මහායක්ෂී විරූපා විකෘතානනා ।
ඉදං රූපං විහායාථ දාරුණං රූපමස්තු තේ ॥ 12 ॥
සෛෂා ශාපකෘතාමර්ෂා තාටකා ක්රෝධමූර්ඡිතා ।
දේශමුත්සාදයත්යේනමගස්ත්යචරිතං ශුභම් ॥ 13 ॥
ඒනාං රාඝව දුර්වෘත්තාං යක්ෂීං පරමදාරුණාම් ।
ගෝබ්රාහ්මණහිතාර්ථාය ජහි දුෂ්ටපරාක්රමාම් ॥ 14 ॥
න හ්යේනාං ශාපසම්ස්පෘෂ්ටාං කශ්චිදුත්සහතේ පුමාන් ।
නිහංතුං ත්රිෂු ලෝකේෂු ත්වාමෘතේ රඝුනංදන ॥ 15 ॥
න හි තේ ස්ත්රීවධකෘතේ ඝෘණා කාර්යා නරෝත්තම ।
චාතුර්වණ්යහිතාර්ථාය කර්තව්යං රාජසූනුනා ॥ 16 ॥
නෘශංසමනෘශංසං වා ප්රජාරක්ෂණකාරණාත් ।
පාතකං වා සදෝෂං වා කර්තව්යං රක්ෂතා සතා ॥ 17 ॥
රාජ්යභාරනියුක්තානාමේෂ ධර්මස්සනාතනඃ ।
අධර්ම්යාං ජහි කාකුත්ස්ථ ධර්මෝහ්යස්යා න විද්යතේ ॥ 18 ॥
ශ්රූයතේ හි පුරා ශක්රෝ විරෝචනසුතාං නෘප ।
පෘථිවීං හංතුමිච්ඡංතීං මංථරාමභ්යසූදයත් ॥ 19 ॥
විෂ්ණුනාපි පුරා රාම භෘගුපත්නී දෘඪව්රතා ।
අනිංද්රං ලෝකමිච්ඡංතී කාව්යමාතා නිෂූදිතා ॥ 20 ॥
ඒතෛශ්චාන්යෛශ්ච බහුභී රාජපුත්ර මහාත්මභිඃ ।
අධර්මසහිතා නාර්යෝ හතාඃ පුරුෂසත්තමෛඃ ॥ 21 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ පංචවිංශස්සර්ගඃ ॥
