শ্রীমদ্বাল্মীকীয় রামাযণে বালকাংডম্ ।
অথ অষ্টাবিংশস্সর্গঃ ।
প্রতিগৃহ্য় ততোঽস্ত্রাণি প্রহৃষ্টবদনশ্শুচিঃ ।
গচ্ছন্নেব চ কাকুত্স্থো বিশ্বামিত্রমথাব্রবীত্ ॥ 1 ॥
গৃহীতাস্ত্রোঽস্মি ভগবন্ দুরাধর্ষস্সুরৈরপি ।
অস্ত্রাণাং ত্বহমিচ্ছামি সংহারং মুনিপুংগব ॥ 2 ॥
এবং ব্রুবতি কাকুত্স্থে বিশ্বামিত্রো মহামুনিঃ ।
সংহারং ব্য়াজহারাথ ধৃতিমান্ সুব্রতশ্শুচিঃ ॥ 3 ॥
সত্যবংতং সত্যকীর্তিং ধৃষ্টং রভসমেব চ ।
প্রতিহারতরং নাম পরাঙ্মুখমবাঙ্মুখম্ ॥ 4 ॥
লক্ষাক্ষবিষমৌ চৈব দৃঢনাভসুনাভকৌ ।
দশাক্ষশতবক্ত্রৌ চ দশশীর্ষশতোদরৌ ॥ 5 ॥
পদ্মনাভমহানাভৌ দুংদুনাভসুনাভকৌ ।
জ্য়োতিষং কৃশনং চৈব নৈরাশ্যবিমলাবুভৌ ॥ 6 ॥
যোগংধরহরিদ্রৌ চ দৈত্যপ্রশমনৌতথা ।
সার্চির্মালী ধৃতির্মালী বৃত্তিমান্ রুচিরস্তথা ॥ 7 ॥
পিতৃসৌমনসং চৈব বিধূতমকরাবুভৌ ।
করবীরকরং চৈব ধনধান্য়ৌ চ রাঘব ॥ 8 ॥
কামরূপং কামরুচিং মোহমাবরণং তথা ।
জৃংভকং সর্বনাভং চ সংতানবরণৌ তথা ॥ 9 ॥
ভৃশাশ্বতনয়ান্ রাম ভাস্বরান্কামরূপিণঃ ।
প্রতীচ্ছ মম ভদ্রং তে পাত্রভূতোঽসি রাঘব ॥ 10 ॥
বাঢমিত্য়েব কাকুত্স্থঃ প্রহৃষ্টেনাংতারাত্মনা ।
দিব্যভাস্বরদেহাশ্চ মূর্তিমংতস্সুখপ্রদাঃ ॥ 11 ॥
কেচিদংগারসদৃশাঃ কেচিদ্ধূমোপমাস্তথা ।
চংদ্রার্কসদৃশাঃ কেচিত্প্রহ্বাংজলিপুটাস্তথা ॥ 12 ॥
রামং প্রাংজলয়ো ভূত্বাঽব্রুবন্ মধুরভাষিণঃ ।
ইমে স্ম নরশার্দূল শাধি কিং করবাম তে ॥ 13 ॥
মানসাঃ কার্যকালেষু সাহায়্য়ং মে করিষ্যথ ।
গম্যতামিতি তানাহ যথেষ্টং রঘুনংদনঃ ॥ 14 ॥
অথ তে রামমামংত্্য় কৃত্বা চাপি প্রদক্ষিণম্ ।
এবমস্ত্বিতি কাকুত্স্থমুক্ত্বাজগ্মুর্যথাঽগতম্ ॥ 15 ॥
স চ তান্ রাঘবো জ্ঞাত্বা বিশ্বামিত্রং মহামুনিম্ ।
গচ্ছন্নেবাথ মধুরং শ্লক্ষ্ণং বচনমব্রবীত্ ॥ 16 ॥
কিন্ন্বেতন্মেঘসংকাশং পর্বতস্য়াবিদূরতঃ ।
বৃক্ষষংডমিতো ভাতি পরং কৌতূহলং হি মে ॥ 17 ॥
দর্শনীয়ং মৃগাকীর্ণং মনোরমমতীব চ ।
নানাপ্রকারৈশ্শকুনৈর্বল্গুনাদৈরলংকৃতম্ ॥ 18 ॥
নিস্সৃতাঃ স্ম মুনিশ্রেষ্ঠ কাংতারাদ্রোমহর্ষণাত্ ।
অনয়া ত্ববগচ্ছামি দেশস্য় সুখবত্তয়া ॥ 19 ॥
সর্বং মে শংস ভগবন্ কস্য়াশ্রমপদং ত্বিদম্ ।
সংপ্রাপ্তা যত্র তে পাপা ব্রহ্মঘ্না দুষ্টচারিণঃ ॥ 20 ॥
তব যজ্ঞস্য় বিঘ্নায় দুরাত্মানো মহামুনে ।
ভগবন্ তস্য় কো দেশস্সা যত্র তব যাজ্ঞিকী ॥ 21 ॥
রক্ষিতব্য়া ক্রিয়া ব্রহ্মন্ময়া বধ্য়াশ্চ রাক্ষসাঃ ।
এতত্সর্বং মুনিশ্রেষ্ঠ শ্রোতুমিচ্ছাম্যহং প্রভো ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে অষ্টাবিংশস্সর্গঃ ॥
