শ্রীমদ্বাল্মীকীয় রামাযণে বালকাংডম্ ।
অথ একোনত্রিংশস্সর্গঃ ।
অথ তস্য়াপ্রমেযস্য় তদ্বনং পরিপৃচ্ছতঃ ।
বিশ্বামিত্রো মহাতেজা ব্য়াখ্য়াতুমুপচক্রমে ॥ 1 ॥
ইহ রাম মহাবাহো বিষ্ণুর্দেববরঃ প্রভুঃ ।
বর্ষাণি সুবহূনীহ তথা যুগশতানি চ ॥ 2 ॥
তপশ্চরণয়োগার্থমুবাস সুমহাতপাঃ ।
এষ পূর্বাশ্রমো রাম বামনস্য় মহাত্মনঃ ॥ 3 ॥
সিদ্ধাশ্রম ইতি খ্য়াতস্সিদ্ধো হ্যত্র মহাতপাঃ ।
এতস্মিন্নেব কালে তু রাজা বৈরোচনির্বলিঃ ॥ 4 ॥
নির্জিত্য় দৈবতগণান্ সেংদ্রাংশ্চ সমরুদ্গণান্ ।
কারয়ামাস তদ্রাজ্য়ং ত্রিষু লোকেষু বিশ্রুতঃ ॥ 5 ॥
বলেস্তু যজমানস্য় দেবাস্সাগ্নিপুরোগমাঃ ।
সমাগম্য় স্বয়ং চৈব বিষ্ণুমূচুরিহাশ্রমে ॥ 6 ॥
বলির্বৈরোচনির্বিষ্ণো যজতে যজ্ঞমুত্তমম্ ।
অসমাপ্তে ক্রতৌ তস্মিন্ স্বকার্যমভিপদ্যতাম্ ॥ 7 ॥
যে চৈনমভিবর্তংতে যাচিতার ইতস্ততঃ ।
যচ্চ যত্র যথাবচ্চ সর্বং তেভ্য়ঃ প্রযচ্ছতি ॥ 8 ॥
স ত্বং সুরহিতার্থায় মায়ায়োগমুপাগতঃ ।
বামনত্বং গতো বিষ্ণো কুরু কল্য়াণমুত্তমম্ ॥ 9 ॥
এতস্মিন্নংতরে রাম কশ্যপোঽগ্নিসমপ্রভঃ ।
অদিত্য়া সহিতো রাম দীপ্যমান ইবৌজসা ॥ 10 ॥
দেবীসহায়ো ভগবান্ দিব্য়ং বর্ষসহস্রকম্ ।
ব্রতং সমাপ্য় বরদং তুষ্টাব মধুসূদনম্ ॥ 11 ॥
তপোময়ং তপোরাশিং তপোমূর্তিং তপাত্মকম্ ।
তপসা ত্বাং সুতপ্তেন পশ্য়ামি পুরুষোত্তমম্ ॥ 12 ॥
শরীরে তব পশ্য়ামি জগত্সর্বমিদং প্রভো ।
ত্বমনাদিরনির্দেশ্যস্ত্বামহং শরণং গতঃ ॥ 13 ॥
তমুবাচ হরিঃ প্রীতঃ কশ্যপং ধূতকল্মষম্ ।
বরং বরয় ভদ্রং তে বরার্হোঽসি মতো মম ॥ 14 ॥
তচ্ছ্রুত্বা বচনং তস্য় মারীচঃ কশ্যপোঽব্রবীত্ ।
অদিত্য়া দেবতানাং চ মম চৈবানুয়াচতঃ ॥ 15 ॥
বরং বরদ সুপ্রীতো দাতুমর্হসি সুব্রত ।
পুত্রত্বং গচ্ছ ভগবন্নদিত্য়া মম চানঘ ॥ 16 ॥
ভ্রাতা ভব যবীয়াংস্ত্বং শক্রস্য়াসুরসূদন ।
শোকার্তানাং তু দেবানাং সাহায়্য়ং কর্তুমর্হসি ॥ 17 ॥
অয়ং সিদ্ধাশ্রমো নাম প্রসাদা ত্তে ভবিষ্যতি ।
সিদ্ধে কর্মণি দেবেশ উত্তিষ্ঠ ভগবন্নিতঃ ॥ 18 ॥
অথ বিষ্ণুর্মহাতেজা অদিত্য়াং সমজাযত ।
বামনং রূপমাস্থায় বৈরোচনিমুপাগমত্ ॥ 19 ॥
ত্রীন্ ক্রমানথ ভিক্ষিত্বা প্রতিগৃহ্য় চ মানদঃ ।
আক্রম্য় লোকান্ লোকাত্মা সর্বভূতহিতে রতঃ ॥ 20 ॥
মহেংদ্রায় পুনঃ প্রাদান্নিযম্য় বলিমোজসা ।
ত্রৈলোক্য়ং স মহাতেজাশ্চক্রে শক্রবশং পুনঃ ॥ 21 ॥
তেনৈষ পূর্বমাক্রাংত আশ্রমশ্শ্রমনাশনঃ ।
ময়াপি ভক্তয় তস্য়ৈষ বামনস্য়োপভুজ্যতে ॥ 22 ॥
এতমাশ্রমমায়াংতি রাক্ষসা বিঘ্নকারিণঃ ।
অত্রৈব পুরুষব্য়াঘ্র হংতব্য়া দুষ্টচারিণঃ ॥ 23 ॥
অদ্য় গচ্ছামহে রাম সিদ্ধাশ্রমমনুত্তমম্ ।
তদাশ্রমপদং তাত তবাপ্য়েতদ্যথা মম ॥ 24 ॥
প্রবিশন্নাশ্রমপদং ব্যরোচত মহামুনিঃ ।
শশীব গতনীহারঃ পুনর্বসুসমন্বিতঃ ॥ 25 ॥
তং দৃষ্ট্বা মুনযস্সর্বে সিদ্ধাশ্রমনিবাসিনঃ ।
উত্পত্ত্য়োত্পত্ত্য় সহসা বিশ্বামিত্রমপূজযন্ ॥ 26 ॥
যথার্হং চক্রিরে পূজাং বিশ্বামিত্রায় ধীমতে ।
তথৈব রাজপুত্রাভ্য়ামকুর্বন্নতিথিক্রিয়াম্ ॥ 27 ॥
মুহূর্তমথ বিশ্রাংতৌ রাজপুত্রাবরিংদমৌ ।
প্রাংজলী মুনিশার্দূলমূচতূ রঘুনংদনৌ ॥ 28 ॥
অদ্য়ৈব দীক্ষাং প্রবিশ ভদ্রং তে মুনিপুংগব ।
সিদ্ধাশ্রমোঽয়ং সিদ্ধস্স্য়াত্ সত্যমস্তু বচস্তব ॥ 29 ॥
এবমুক্তো মহাতেজা বিশ্বামিত্রো মহান্ ঋষিঃ ।
প্রবিবেশ তদা দীক্ষাং নিযতো নিযতেংদ্রিয়ঃ ॥ 30 ॥
কুমারাবপি তাং রাত্রিমুষিত্বা সুসমাহিতৌ ।
প্রভাতকালে চোত্থায় পূর্বাং সংধ্য়ামুপাস্য় চ ॥ 31 ॥
স্পৃষ্টোদকৌ শুচী জপ্য়ং সমাপ্য় নিযমেন চ ।
হুতাগ্নিহোত্রমাসীনং বিশ্বামিত্রমবংদতাম্ ॥ 32 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে একোনত্রিংশস্সর্গঃ ॥
